Begin typing your search above and press return to search.
exit_to_app
exit_to_app
Posted On
date_range 15 July 2018 5:56 AM GMT Updated On
date_range 15 July 2018 5:56 AM GMTനെടുംപൊയിലിൽ വൈദ്യുതിതൂൺ കാറിന് മുകളിൽ വീണു
text_fieldsbookmark_border
പേരാവൂർ: നെടുംപൊയിലിൽ വീണ്ടും മരംവീണ് അപകടം. പുലർച്ചെ 5.50ഓടെയായിരുന്നു സംഭവം. അടിഭാഗം ദ്രവിച്ച വലിയമരം പൊട്ടി വൈദ്യുതിലൈനിൽ വീണാണ് അപകടം. വീഴ്ചയുടെ ആഘാതത്തിൽ മരം പൊട്ടിയതിന് മീറ്ററുകൾക്കപ്പുറമുള്ള വൈദ്യുതിതൂൺ ഇതുവഴി പോവുകയായിരുന്ന കാറിന് മുകളിൽ വീഴുകയായിരുന്നു. അപകടത്തിൽ ആണുങ്ങോട് സ്വദേശി സിബിക്ക് പരിക്കേറ്റു. എയർപോർട്ടിലേക്ക് പോകുേമ്പാഴാണ് അപകടം. സിബിയെ തലശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് സമീപത്തെ അഞ്ചിലധികം തൂണുകൾ പൊട്ടിവീണിട്ടുണ്ട്. വൈദ്യുതി, കേബിൾ ബന്ധം പൂർണമായും നിലച്ചു. പേരാവൂർ ഫയർഫോഴ്സും പൊലീസും കെ.എസ്.ഇ.ബി അധികൃതരും നാട്ടുകാരും ചേർന്ന് മരവും റോഡിൽവീണ തൂണുകളും നീക്കിയശേഷം രാവിലെ 7.15ഓടെയാണ് ഗതാഗതം പുനഃസ്ഥാപിച്ചത്. ഇപ്പോൾ അപകടമുണ്ടായതിന് സമീപത്താണ് രണ്ടുദിവസം മുമ്പ് മരങ്ങളും മൺതിട്ടയും വീണത്. അപകടസാധ്യതയുള്ള ഒരുപാട് മരങ്ങൾ റോഡരികിലുണ്ട്. അപകടത്തെ തുടർന്ന് പേരാവൂർ-തലശ്ശേരി റോഡിൽ ഗതാഗതം ഏറെനേരം തടസ്സപ്പെട്ടു. തകർന്ന തൂണുകൾ കെ.എസ്.ഇ.ബി അധികൃതർ പുനഃസ്ഥാപിച്ചുവരുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story