Begin typing your search above and press return to search.
exit_to_app
exit_to_app
Posted On
date_range 6 July 2018 5:32 AM GMT Updated On
date_range 6 July 2018 5:32 AM GMTജില്ലതല വായനമത്സരത്തിന് തുടക്കമായി
text_fieldsbookmark_border
കണ്ണൂർ: ലൈബ്രറി കൗൺസിൽ പൊതുവിദ്യാഭ്യാസ വകുപ്പിെൻറ സഹകരണത്തോടെ സംഘടിപ്പിക്കുന്ന ഹൈസ്കൂൾ വിദ്യാർഥികളുടെ വായനമത്സരത്തിന് തുടക്കമായി. ചൊവ്വ ഹയർസെക്കൻഡറി സ്കൂളിൽ നടന്ന ജില്ലതല ഉദ്ഘാടനം മന്ത്രി രാമചന്ദ്രൻ കടന്നപ്പള്ളി നിർവഹിച്ചു. എൻ. സന്തോഷ്കുമാറിെൻറ ബഷീർ ഒരു രാഷ്ട്രീയവായന എന്ന പുസ്തകം വായിച്ചുകൊണ്ടാണ് മന്ത്രി ഉദ്ഘാടനം നിർവഹിച്ചത്. ലൈബ്രറി കൗൺസിൽ ജില്ല സെക്രട്ടറി പി.കെ. ബൈജു അധ്യക്ഷത വഹിച്ചു. പയ്യന്നൂർ കുഞ്ഞിരാമൻ വൈക്കം മുഹമ്മദ് ബഷീറിനെ അനുസ്മരിച്ച് വായനസന്ദേശം നൽകി. കോർപറേഷൻ കൗൺസിലർമാരായ എം.പി. അനിൽകുമാർ, കെ. പ്രമോദ്, ലൈബ്രറി കൗൺസിൽ ജില്ല വൈസ് പ്രസിഡൻറ് എം. മോഹനൻ, വൈക്കത്ത് നാരായണൻ, എ. പങ്കജാക്ഷൻ എന്നിവർ സംസാരിച്ചു. പ്രധാനാധ്യാപിക സി.എം. ആശ സമ്മാനം നൽകി. താലൂക്ക് സെക്രട്ടറി എം. ബാലൻ സ്വാഗതവും സ്റ്റാഫ് സെക്രട്ടറി എൻ.ടി. സുധീന്ദ്രൻ നന്ദിയും പറഞ്ഞു. എം.കെ. ഷെർളി മത്സരം നിയന്ത്രിച്ചു. കണ്ണോത്തുംചാൽ ശ്രീനാരായണ ലൈബ്രറിയുടെ സഹകരണത്തോടെയാണ് പരിപാടി സംഘടിപ്പിച്ചത്. ജില്ലയിലെ മുഴുവൻ ഹൈസ്കൂളിലും വായനമത്സരം നടന്നു. തെരഞ്ഞെടുത്ത മൂന്നു വിദ്യാർഥികളെ വീതം പങ്കെടുപ്പിച്ചുള്ള താലൂക്കുതല മത്സരം ആഗസ്റ്റ് അഞ്ചിന് നടക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story