വിദ്യാർഥികളടക്കം മൂന്നുപേർക്ക്​ തെരുവുനായുടെ കടിയേറ്റു

കാസര്‍കോട്: തെരുവുനായ്ക്കളുടെ കടിയേറ്റ് വിദ്യാർഥികളടക്കം മൂന്നുപേരെ ആശുപത്രിയിൽ പ്രവേശിപ്പിച്ചു. ഒരു പശുവിനും കടിയേറ്റിട്ടുണ്ട്. കാസര്‍കോട്ടെ സ്വകാര്യ കമ്പ്യൂട്ടര്‍ സ്ഥാപനത്തിലെ വിദ്യാർഥി കല്ലക്കട്ടയിലെ കവിത (17), ബന്ധുവായ കല്ലക്കട്ടയിലെ ജയരാജി​െൻറ മകൾ ജ്യോതിക (ആറ്), കൊല്ലങ്കാനത്തെ ഫിലിപ്പി​െൻറ ഭാര്യ ഝാന്‍സി (30) എന്നിവരെയാണ് നായ്ക്കൾ ആക്രമിച്ചത്. ഞായറാഴ്ച രാവിലെയാണ് സംഭവം. ഇവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. രാവിലെ 8.30ഓടെ വീടിന് സമീപം നില്‍ക്കുന്നതിനിടെയാണ് കവിതക്കും ജ്യോതികക്കും കടിയേറ്റത്. വീട്ടുപരിസരത്തുവെച്ചാണ് ഝാന്‍സിയെ നായ് ആക്രമിച്ചത്. കല്ലക്കട്ടയിലെ പ്രകാശ‍​െൻറ പശുവിനും കടിയേറ്റിട്ടുണ്ട്.