You are here

മാളിയേക്കല്‍ മഹിമകളും മറിയുമ്മയും

Maliakel Mariyumma
മാളിയേക്കൽ മറിയുമ്മ

അ​മ്പ​തും നൂ​റും പേ​ർ ഒ​രു മേ​ൽ​ക്കൂ​ര​ക്കു താ​ഴെ, ബ​ന്ധ​ത്തിന്‍റെ സ്നേ​ഹ​ച്ചൂ​ട​റി​ഞ്ഞും ഇ​ഴ​യ​ടു​പ്പം സൂ​ക്ഷി​ച്ചും സ്നേ​ഹി​ച്ചും ശ​കാ​രി​ച്ചും പ​ര​സ്പ​രം ബ​ഹു​മാ​നം പ​ങ്കു​വെ​ച്ചും ക​ഴി​ഞ്ഞു കൂ​ടി​യി​രു​ന്ന ഒ​രി​ട​മാ​ണി​ത്. വി​ശാ​ല​മാ​യ പ​റ​മ്പിന്‍റെ ഒ​ത്ത​ന​ടു​ക്ക്​ ത​ല ഉ​യ​ർ​ത്തി നി​ൽ​ക്കു​ന്ന ത​ല​ശ്ശേ​രി മാ​ളി​യേ​ക്ക​ൽ ത​റ​വാ​ട്ടുവീ​ട്ടി​ലെ ബ​ന്ധു​ബ​ലം എ​ഴു​തി​യാ​ൽ തീ​രി​ല്ല. കാ​ര​ണ​വ​ർ, പി​താ​വ്, മാ​താ​വ്, മു​ത്ത​ശ്ശ​ൻ, മു​ത്ത​ശ്ശി, അ​മ്മാ​വ​ൻ, അ​മ്മാ​യി, എ​ളാ​പ്പ, മൂ​ത്താ​പ്പ, അ​ന​ന്ത​ര​വ​ന്മാ​ർ, ഭാ​ര്യ​മാ​ർ, മ​ക്ക​ൾ, മ​ക്ക​ളു​ടെ മ​ക്ക​ൾ, പേ​ര​മ​ക്ക​ൾ, മ​റ്റു ബ​ന്ധു​ക്ക​ൾ, അ​കംജോ​ലി​ക്കാ​ർ, പു​റംജോ​ലി​ക്കാ​ർ തു​ട​ങ്ങി അ​മ്പ​തി​ലും നൂ​റി​ലും അ​വ​സാ​നി​ക്കാ​ത്ത അം​ഗ​ങ്ങ​ൾ ആ​ഹ്ലാ​ദ​ത്തോ​ടെ ജീ​വി​ച്ച കാ​ല​ത്തിന്‍റെ സു​ഖ​മു​ള്ള ഒാ​ർ​മ​ക​ളു​മാ​യി ജീ​വി​ക്കു​ക​യാ​ണ്​ ത​റ​വാ​ട്ടി​ലെ ഇ​ന്ന​ത്തെ മു​തി​ർ​ന്ന അം​ഗം മ​റി​യു​മ്മ. മ​രു​മ​ക്ക​ത്താ​യ സ​മ്പ്ര​ദാ​യം നി​ല​നി​ൽ​ക്കു​ന്ന ത​റ​വാ​ട്ടി​ൽ കാ​ര​ണ​വ​രാ​ണ് നാ​യ​ക​ൻ. കാ​ര​ണ​വ​ർ എ​ടു​ക്കു​ന്ന ഏ​തു തീ​രു​മാ​ന​വും അം​ഗീ​ക​രി​ച്ച്​ ആ​ഘോ​ഷ​ത്തോ​ടെ ക​ഴി​ഞ്ഞി​രു​ന്ന ത​റ​വാ​ടു വീ​ടു​ക​ൾ വ​ട​ക്കെ മ​ല​ബാ​റി​ൽ ധാ​രാ​ള​മു​ണ്ടാ​യി​രു​ന്നു. സ്ത്രീ​ക​ൾ നേ​തൃ​സ്ഥാ​ന​ത്തി​രുന്ന ത​റ​വാ​ടു​ക​ളും അ​ക്കാ​ല​ത്ത് ഏ​റെ​യു​ണ്ടാ​യി​രു​ന്നു. അ​ത്ത​ര​മൊ​ന്നാ​യി​രു​ന്നു മാ​ളി​യേ​ക്ക​ൽ.

മാളിയേക്കലിന്‍റെ ആത്ത
ഒ​രേ​സ​മ​യം നൂ​റു മു​ത​ൽ മു​ന്നൂറു വ​രെ പേ​ർ​ക്ക് ത​ണ​ലും സം​ര​ക്ഷ​ണ​വു​മൊ​രു​ക്കി​യ വീ​ടാ​ണ് 100 വ​ർ​ഷ​ത്തി​ലേ​റെ പ​ഴ​ക്ക​മു​ള്ള ത​ല​ശ്ശേ​രി​യി​ലെ മാ​ളി​യേ​ക്ക​ൽ ത​റ​വാ​ട്. വി​റ​കു​പു​ര, പ​ത്താ​യ​പ്പു​ര, വ​ലി​യ അ​ടു​ക്ക​ള,  ചെ​റി​യ അ​ടു​ക്ക​ള എ​ന്നി​വ കൂ​ടാ​തെ പ​തി​നാ​റോ​ളം കി​ട​പ്പു​മു​റി​ക​ൾ ത​ന്നെ​യു​ണ്ടാ​യി​രു​ന്നു മാ​ളി​യേ​ക്ക​ൽ ത​റ​വാ​ട്ടി​ൽ. കൂ​ട്ടു​കു​ടും​ബ കാ​ല​ത്തെ ജീ​വി​തം ചോ​ദി​ച്ചാ​ൽ മ​റി​യു​മ്മ എ​ന്ന തൊ​ണ്ണൂ​റു​കാ​രി​യു​ടെ നാ​വി​ലൂ​ടെ ഒ​ഴു​കി​യെ​ത്തും ആ ​വി​ശേ​ഷ​ങ്ങ​ൾ. മ​റി​യു​മ്മ​യു​ടെ ഉ​മ്മ​യാ​യ മാ​ഞ്ഞു​മ്മ​യു​ടെ ഉ​മ്മ കു​ഞ്ഞാ​ച്ചു​മ്മ​യു​ടെ കൈ​ക​ളി​ലാ​യി​രു​ന്നു മ​റി​യു​മ്മ​യു​ടെ ബാ​ല്യ​കാ​ല​ത്ത് ത​റ​വാ​ടിന്‍റെ ഭ​ര​ണം. കു​ഞ്ഞാ​ച്ചു​മ്മ എ​ന്ന അ​തി​ശ​ക്ത​യാ​യ സ്ത്രീ ​ഒ​രു തീ​രു​മാ​ന​മെ​ടു​ത്താ​ൽ അ​ത് എ​ല്ലാ​വ​ർ​ക്കും പൂ​ർ​ണ സ​മ്മ​ത​മാ​യി​രി​ക്കും. ആ​രെ​യും ബു​ദ്ധി​മു​ട്ടി​ക്കാ​ത്ത​തു​മാ​യി​രി​ക്കും ആ ​തീ​രു​മാ​നം. 

Maliakel Family
മാളിയേക്കൽ തറവാട്ടിലെ പുതുതലമുറക്കൊപ്പം മറിയുമ്മ
 


“അ​ന്നൊ​ക്കെ മാ​ളി​യേ​ക്ക​ല് മു​ന്നൂ​റി​ല​ധി​കം ആ​ളു​ക​ളു​ണ്ടാ​യി​രു​ന്നു താ​മ​സി​ക്കാ​ൻ. ഒ​രു​മ്മാ​ക്കും ഉ​പ്പാ​ക്കും അ​തി​ലെ മ​ക്ക​ൾ​ക്കുംകൂ​ടി ഒ​രു ചാ​യ്പ്പാ​ണ്. ഇ​ങ്ങ​നെ ഇ​രു​പ​തി​ല​ധി​കം കു​ടും​ബ​ങ്ങ​ളു​ണ്ടാ​യി​രു​ന്നു. ഒ​രു നേ​രം അ​ഞ്ച് ഇ​ട​ങ്ങ​ഴി ചോ​റ് വെ​ക്കും. എ​ട്ട് തേ​ങ്ങ അ​ര​ച്ചാ​ണ് ക​റി​യു​ണ്ടാ​ക്കു​ക. തി​ക​ഞ്ഞി​ല്ലെ​ങ്കി​ൽ വീ​ണ്ടും വെ​ക്കും അ​ഞ്ച് ഇ​ട​ങ്ങ​ഴി ത​ന്നെ. എ​ങ്കി​ലും ഭ​ക്ഷ​ണ​ത്തിെൻ​റ കാ​ര്യ​ത്തി​ലോ മ​റ്റോ ഒ​രി​ക്ക​ൽപോ​ലും ഒ​രു പ​രാ​തി​യു​യ​ർ​ന്ന​ത് ഇ​ന്നേ​വ​രെ  കേ​ട്ടി​ട്ടി​ല്ല. അ​ത്ര​യും ക​രു​ത​ലാ​യി​രു​ന്നു ആ​ത്താ​ക്ക് (കു​ഞ്ഞാ​ച്ചു​മ്മ​യെ മ​റി​യു​മ്മ വി​ളി​ക്കു​ന്ന പേ​ര്) എ​ല്ലാ കാ​ര്യ​ത്തി​ലും. ത​റ​വാ​ട്ടി​ലെ പ​ശു​വി​നെ ക​റ​ന്നാ​ലു​ള്ള പാ​ൽ മു​ഴു​വ​ൻ കു​ട്ടി​ക​ൾ​ക്ക് കു​ടി​ക്കാ​നു​ള്ള​താ​ണ്. ചാ​യ​ക്കാ​യി പാ​ൽ പി​ന്നീ​ട് പു​റ​ത്തുനി​ന്ന് വാ​ങ്ങും.

ഇ​രു​ട്ടി​യാ​ൽ ത​റ​വാ​ട്ടി​ൽ വെ​ട്ടം വ​രു​ത്താ​ൻ നാ​ല് ലി​റ്റ​ർ മ​ണ്ണെ​ണ്ണ ക​ത്തി​ക്ക​ണം. എ​ല്ലാ​യി​ട​ത്തും ആ​ത്താന്‍റെ ക​ണ്ണെ​ത്തും. ആ​ഹാ​രം ക​ഴി​ക്കു​ന്ന​തി​ൽ മാ​ത്ര​മ​ല്ല, അ​സു​ഖം വ​ന്ന് കി​ട​ന്നാ​ലും  ആ ​ക​ര​സ്പ​ർ​ശ​മെ​ത്തും. അ​ക്കാ​ല​ത്ത് മാ​ളി​യേ​ക്ക​ല് ധാ​രാ​ളം ജോ​ലി​ക്കാ​രു​ണ്ടാ​യി​രു​ന്നു, അ​വ​രോ​ടൊ​ക്കെ വ​ല്ലാ​ത്തൊ​രു അ​നു​ക​മ്പ​യാ​യി​രു​ന്നു മൂ​പ്പ​ത്തി​ക്ക്. ആ​ഹാ​ര​ത്തിന്‍റെ കാ​ര്യ​ത്തി​ലും അ​വ​ർ​ക്കാ​യി​രു​ന്നു മു​ൻ​ഗ​ണ​ന. കൃ​ത്യ​സ​മ​യ​ത്ത് ആ​ഹാ​രം, ശേ​ഷം പ​ണി​യെ​ന്ന പോ​ളി​സി അ​ന്നേ ആ​ത്ത ന​ട​പ്പി​ലാ​ക്കി​യി​രു​ന്നു. ത​റ​വാ​ട്ടി​ലെ ഗ​ർ​ഭി​ണി​ക​ൾ​ക്കാ​ണ്​  ആ​ത്താന്‍റെ അ​ള​വി​ല്ലാ​ത്ത സ്നേ​ഹം നു​ക​രാ​നാ​വു​ക. ഗ​ർ​ഭ​കാ​ലം മു​ത​ൽ പ്ര​സ​വം വ​രെ​യും പി​ന്നീ​ട് 40 ദി​വ​സം വ​രെ​യും താ​ങ്ങും ത​ണ​ലു​മാ​യി ആ​ത്ത കൂ​ടെത​ന്നെ​യു​ണ്ടാ​വും. പ്ര​സ​വം ക​ഴി​ഞ്ഞാ​ൽ കു​ഞ്ഞി​നു​ള്ള അ​ര​ഞ്ഞാ​ണം ആ​ത്ത​യു​ടെ വ​ക​യാ​യി​രി​ക്കും. പി​ന്നീ​ട് വീ​ട്ടു​കാ​ർത​ന്നെ ഓ​രോ​രു​ത്ത​രാ​യി കു​ട്ടി​യെ കാ​ണാ​ൻ വ​രു​മ്പോ​ൾ സ​മ്മാ​ന​മാ​യി ന​ൽ​കു​ന്ന കു​ട്ടി​ക്കു​പ്പാ​യ​ങ്ങ​ൾ ഒ​രു വ​ലി​യ പെ​ട്ടി​യി​ൽ നി​റ​ക്കാ​നു​ള്ള​തു​ണ്ടാ​കും. 

Maliakel House
തലശ്ശേരിയിലെ മാളിയേക്കൽ തറവാട്
 


ആ​ർ​ക്കും ആ​ത്ത​യു​ടെ അ​ടു​ക്ക​ൽ എ​ന്തു പ​രാ​തി​യും പ​രി​ഭ​വ​വും പ​റ​യാ​മെ​ന്ന​താ​ണ് മ​റ്റൊ​രു കാ​ര്യം. ത​മ്മി​ലു​ള്ള പി​ണ​ക്ക​മാ​ണേ​ലും സാ​മ്പ​ത്തി​ക പ്ര​ശ്ന​മാ​ണേ​ലും മ​റ്റെ​െന്തങ്കി​ലു​മാ​ണേ​ലും അ​പ്പോ​ൾത​ന്നെ പ​രി​ഹാ​ര​മു​ണ്ടാ​കും. അ​ക്കാ​ല​ത്ത് ന​മ്മു​ടെ പ്ര​ദേ​ശ​ത്ത​ുത​ന്നെ മോ​ശ​മ​ല്ലാ​ത്ത സാ​മ്പ​ത്തി​കസ്ഥി​തി​യു​ള്ള ത​റ​വാ​ടാ​യി​രു​ന്നു മാ​ളി​യേ​ക്ക​ൽ. അ​തു​കൊ​ണ്ടുത​ന്നെ പൊ​ന്നും പ​ണ​വും വാ​യ്പ വാ​ങ്ങാ​ൻ പ്ര​ദേ​ശ​ത്തു​ള്ള​വ​രെ​ല്ലാം എ​ത്തു​ക​യും മാ​ളി​യേ​ക്ക​ലി​ലാ​ണ്. വി​വാ​ഹം നി​ശ്ച​യി​ച്ച പെ​ൺ​കു​ട്ടി​ക​ളു​ടെ ആ​ശ്ര​യം പി​ന്നീ​ട് ആ​ത്ത​യാ​യി​രു​ന്നു, പു​തു​പെ​ണ്ണ് ക​ല്യാ​ണ​ത്തി​നും പി​ന്നീ​ടു​ള്ള വി​രു​ന്ന് സ​ത്കാ​ര​ങ്ങ​ളി​ലൊ​ക്കെ അ​ണി​യു​ന്ന​ത് ആ​ത്ത​യു​ടെ പ​ക്ക​ലു​ള്ള സ്വ​ർ​ണ​പ്പെ​ട്ടി​യി​ലെ ആ​ഭ​ര​ണ​ങ്ങ​ളാ​ണ്. ഇൗ ​പൊ​ന്നിന്‍റെ പെ​ട്ടി ത​റ​വാ​ട്ടി​ൽ വ​ല്ല​പ്പോ​ഴു​മേ ഉ​ണ്ടാ​വു​ക​യു​ള്ളൂ എ​ന്ന​താ​ണ് മ​റ്റൊ​രു കാ​ര്യം, ഏ​തെ​ങ്കി​ലും പെ​ൺ​കു​ട്ടി​യു​ടെ കാ​തി​ലോ ക​ഴു​ത്തി​ലോ അ​ണി​ഞ്ഞ് തി​രി​കെ​യെ​ത്തി​ച്ച ശേ​ഷം അ​ടു​ത്ത വീ​ട്ടു​കാ​ർ വ​ന്നു​കൊ​ണ്ടുപോ​കു​ന്ന​താ​യി​രു​ന്നു പ​തി​വ്.

maliyekkal house
മാളിയേക്കൽ വീടിന്‍റെ അകത്തളം
 


എ​ന്നാ​ൽ, പൊ​ൻ​പൊ​ട്ടി തി​രി​കെ കൊ​ണ്ടു​വ​രു​മ്പോ​ഴും കൊ​ണ്ടു​ പോ​കു​മ്പോ​ഴും ഒ​രി​ക്ക​ൽപോ​ലും ആ​ത്ത അ​ത് തു​റ​ന്നുനോ​ക്കി ഉ​റ​പ്പു​വ​രു​ത്താ​ൻ ശ്ര​മി​ച്ചി​ട്ടി​ല്ലെ​ന്ന​താ​ണ് ഏ​റെ ശ്ര​ദ്ധേ​യം. മു​ന്നൂ​റോ​ളം പേ​ർ ആ​ഘോ​ഷ​ത്തോ​ടെ ക​ഴി​ഞ്ഞ മാ​ളി​യേ​ക്ക​ലി​ൽ നാ​ല് കു​ടും​ബ​ങ്ങ​ളി​ലാ​യി 22 പേ​രാ​ണി​പ്പോ​ൾ താ​മ​സം. കു​ഞ്ഞാ​ച്ചു​മ്മ​യു​ടെ ആ​റാ​മ​ത്തെ ത​ലു​മ​റ​യാ​ണ് ഇ​പ്പോ​ഴ​ത്തെ അ​ന്തേ​വാ​സി​ക​ൾ. മ​റി​യു​മ്മ​യും മ​ക്ക​ളോ​ടൊ​പ്പം ത​റ​വാ​ടി​ന് അ​രി​കി​ൽ പു​തി​യ വീ​ടെ​ടു​ത്ത് താ​മ​സം മാ​റ്റി. കൂട്ടു​കു​ടും​ബ​ത്തിന്‍റെ ബ​ഹ​ള​മ​യ​മൊ​ന്നു​മി​ല്ലെ​ങ്കി​ലും പ​ഴ​യ പ്ര​താ​പ​ത്തോ​ടെ ഇ​ന്നും ത​ല​യു​യ​ർ​ത്തി നി​ൽ​ക്കു​ക​യാ​ണ് മാ​ളി​യേ​ക്ക​ൽ ത​റ​വാ​ട്.

COMMENTS