സ്നേ​ഹ​വും കാ​രു​ണ്യ​വും പ​ക​രു​ന്ന റ​മ​ദാ​ൻ

സു​ധ ച​ന്ദ്ര​ശേ​ഖ​ര​ൻ (എം.​എ​ൻ.​എം.​എ)

റ​മ​ദാ​നി​ലെ നോ​മ്പ് എ​ന്ന് കേ​ൾ​ക്കു​മ്പോ​ൾ ഒ​രു​പാ​ട് ഓ​ർ​മ​ക​ളാ​ണ് മ​ന​സ്സി​ലേ​ക്ക്​ വ​രു​ന്ന​ത്. പ​ത്ത​നം​തി​ട്ട​യി​ലെ കോ​ന്നി​ക്ക​ടു​ത്താ​ണ് ഞാ​ൻ താ​മ​സി​ക്കു​ന്ന​ത്. ജീ​വി​ത​ത്തി​ലെ ക​ടു​ത്ത പ്ര​യാ​സ​ങ്ങ​ളും പ്ര​ശ്ന​ങ്ങ​ളും നേ​രി​ടേ​ണ്ടി വ​ന്ന സ​ന്ദ​ർ​ഭ​ത്തി​ൽ എ​നി​ക്കും കു​ടും​ബ​ത്തി​നും അ​ഭ​യം ന​ൽ​കി​യ​ത് ഞ​ങ്ങ​ളു​ടെ അ​ടു​ത്തു​ള്ള മു​സ്​​ലിം കു​ടും​ബ​മാ​യി​രു​ന്നു. താ​മ​സി​ക്കാ​ൻ ന​ൽ​കി​യ വീ​ടി​ന് വാ​ട​ക വാ​ങ്ങാ​റി​ല്ലാ​യി​രു​ന്നു. മാ​ത്ര​വു​മ​ല്ല എ​ന്റെ ചേ​ട്ട​ന്റെ അ​സു​ഖം കാ​ര​ണം നാ​ലു വ​ർ​ഷ​ത്തോ​ളം ദു​ബൈ​യി​ൽ ജോ​ലി​ക്ക് അ​വ​സ​ര​വും ഉ​ണ്ടാ​ക്കിത്തന്നു.

അ​ക്കാ​ല​ത്താ​ണ് ശ​രി​ക്കും നോ​മ്പ​നു​ഷ്ഠി​ക്കു​ന്ന മ​നു​ഷ്യ​നി​ൽ ഉ​ണ്ടാ​ക്കു​ന്ന മാ​റ്റ​ങ്ങ​ൾ അ​റി​യു​ന്ന​ത്. പ​ക​ലി​ൽ ആ​ഹാ​ര​പാ​നീ​യ​ങ്ങ​ൾ ഉ​പേ​ക്ഷി​ക്കു​ക മാ​ത്ര​മ​ല്ല സ്വ​ഭാ​വ​ത്തി​ലും പെ​രു​മാ​റ്റ​ത്തി​ലും കാ​ര്യ​മാ​യ മാ​റ്റ​ങ്ങ​ൾ പ്ര​ക​ട​മാ​യി കാ​ണാം. നോ​മ്പു​കാ​ല​ങ്ങ​ളി​ൽ സ്നേ​ഹം, കാ​രു​ണ്യം, ദ​യ തു​ട​ങ്ങി​യ​വ​യു​ടെ പ​ര്യാ​യ​ങ്ങ​ൾ ജീ​വി​ത​ത്തി​ലു​ട​നീ​ളം പ്ര​ക​ട​മാ​യി ദ​ർ​ശി​ക്കാം. നോ​മ്പ് തു​റ​ക്കാ​ൻ ദി​വ​സ​വും ആ​ളു​ക​ൾ ഉ​ണ്ടാ​കും. അ​വ​ർ​ക്കു ന​ൽ​കു​ന്ന ആ​തി​ഥ്യം, ദി​നേ​ന പ​ല​വി​ധ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കു​വേ​ണ്ടി കേ​ര​ള​ത്തി​ൽ​നി​ന്ന് വ​രു​ന്ന​വ​രെ ഒ​രി​ക്ക​ലും തി​രി​ച്ച​യ​ക്കാ​റി​ല്ല. ക​ഴി​യാ​വു​ന്ന​വ കൊ​ടു​ത്ത് സ​ന്തോ​ഷി​പ്പി​ച്ച് പ​റ​ഞ്ഞ​യ​ക്കും. അ​ഗ​തി​ക​ളു​ടെ​യും അ​ശ​ര​ണ​രു​ടെ​യും ജീ​വി​ത​ത്തി​ന് വേ​ണ്ടി​യു​ള്ള​വ, പെ​യി​ൻ ആ​ൻ​ഡ്​ പാ​ലി​യേ​റ്റി​വ് പോ​ലെ​യു​ള്ള​വ​യും, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ ന​ട​ത്തി​ക്കൊ​ണ്ടു​പോ​കാ​ൻ അ​ങ്ങി​നെ ആ​വ​ശ്യ​ങ്ങ​ൾ നി​ര​വ​ധി​യാ​യ​ണ്. ഓ​രോ മു​സ്​​ലി​മും താ​ൻ സ​മ്പാ​ദി​ച്ച ധ​ന​ത്തി​ൽ​നി​ന്ന് നി​ശ്ചി​ത വി​ഹി​തം അ​നാ​ഥ​ക​ൾ, അ​ഗ​തി​ക​ൾ, അ​ശ​ര​ണ​ർ തു​ട​ങ്ങി​യ​വ​ർ​ക്ക് ന​ൽ​കേ​ണ്ട​തു​ണ്ടെ​ന്ന് സാ​മ്പ​ത്തി​ക​മാ​യി ക​ഴി​വു​ള്ള ഓ​രോ മു​സ്​​ലി​മും വി​ശ്വ​സി​ക്കു​ന്നു. ദൈ​വ​ക​ല്പ​ന​യാ​യി ജീ​വി​ത​ത്തി​ൽ പാ​ലി​ക്കു​ന്നു.

പ​ണം സ​മ്പാ​ദി​ക്കു​ന്ന​തും ചെ​ല​വ​ഴി​ക്കു​ന്ന​തും എ​ല്ലാം ദൈ​വ​മാ​ർ​ഗ​ത്തി​ൽ പു​ണ്യ​വും സ്വ​ർ​ഗ​പ്രാ​പ്തി​യു​മാ​ണ് എ​ന്ന മ​ത​ശാ​സ​ന​ക​ളാ​യ​തി​നാ​ലാ​ണ് റ​മ​ദാ​നി​ൽ ഇ​ത്ര​യും സ​ന്തോ​ഷ​ത്തോ​ടെ ചെ​ല​വ​ഴി​ക്കു​ന്ന​തെ​ന്ന് റ​മ​ദാ​നി​ലെ മു​സ്​​ലിം സ​ഹോ​ദ​ര​ന്മാ​രു​മാ​യി അ​ടു​ത്തി​ട​പ​ഴ​കി​യാ​ൽ അ​റി​യാം. ഞാ​ൻ അം​ഗ​മാ​യ എം.​എ​ൻ.​എം.​എ അ​സോ​സി​യേ​ഷ​ൻ എ​ല്ലാ വ​ർ​ഷ​വും ന​ട​ത്താ​റു​ള്ള ഇ​ഫ്താ​ർ ഞ​ങ്ങ​ൾ​ക്ക് ഏ​റെ സ​ന്തോ​ഷം ന​ൽ​കാ​റു​ണ്ട്. ഒ​രേ ആ​ണി​ൽ​നി​ന്നും പെ​ണ്ണി​ൽ​നി​ന്നും സൃ​ഷ്ടി​ക്ക​പ്പെ​ട്ട മ​നു​ഷ്യ​ർ പ​ര​സ്പ​രം വ​ർ​ഗ വ​ർ​ണ വ്യ​ത്യാ​സം പ​റ​ഞ്ഞ് ദു​ര​ഭി​മാ​നം ന​ടി​ക്കേ​ണ്ട​വ​ര​ല്ലെ​ന്ന മാ​ന​വി​ക​ത​യു​ടെ സ​ന്ദേ​ശം പ്ര​ാവ​ർ​ത്തി​ക​മാ​ക്കു​ന്ന മാ​സ​വും കൂ​ടി​യാ​ണ് റ​മ​ദാ​ൻ.