ആരാണീ ആളൂര്‍... എന്തിന് വന്നു...

  • ഇരക്കായാലും വേട്ടക്കാരനായാലും നീതി കിട്ടണം. ഗോവിന്ദച്ചാമിയുടെയും അമീറുല്‍ ഇസ്ലാമിന്‍റെയും പള്‍സര്‍ സുനിയുടെയും അഭിഭാഷകനായ ആളൂര്‍ സംസാരിക്കുന്നു... 

baaloor
ബിജു ആന്‍റണി ആ​ളൂ​ർ (ചിത്രങ്ങൾ: അഷ്​കർ ഒരുമനയൂർ)

സി​നി​മ​ക്ക​ഥ​യി​ലെ നാ​യ​ക​ന്‍റെ​യോ വി​ല്ല​ന്‍റെ​യോ എ​ൻ​ട്രി പോ​ലെ​യാ​ണ് സൗ​മ്യ വ​ധ​ക്കേ​സി​ൽ അ​ഡ്വ. ആ​ളൂ​ർ എ​ന്ന വ​ക്കീ​ലിന്‍റെ രം​ഗ​പ്ര​വേ​ശനം. ഗോ​വി​ന്ദ​ച്ചാ​മി എ​ന്ന കൊ​ടും​കു​റ്റ​വാ​ളി​ക്കാ​യി മ​ഹാ​രാ​ഷ്​​ട്ര​യി​ൽ നി​ന്നെ​ത്തു​ന്ന വ​ക്കീ​ൽ. പി​ന്നി​ൽ മും​ബൈ അ​ധോ​ലോ​കം, ഭി​ക്ഷാ​ട​നമാ​ഫി​യ, മ​തം​മാ​റ്റ മാ​ഫി​യ... ആ​ളൂ​രി​നെ ചു​റ്റി​പ്പ​റ്റി ക​ഥ​ക​ളേ​റെ​യി​റ​ങ്ങി. ഒ​ന്നും നി​ഷേ​ധി​ക്ക​പ്പെ​ട്ടി​ല്ല. എ​ല്ലാം കേ​ട്ട് ആ​ളൂ​ർ വ​ക്കീ​ൽ ചി​രി​ച്ചു. ‘‘നി​ങ്ങ​ളെ​ന്തു​ വേ​ണ​മെ​ങ്കി​ലും എ​ഴു​തി​ക്കോ​ളൂ, ഞാ​ൻ അ​ത് കാ​ര്യ​മാ​ക്കു​ന്നി​ല്ല’’ -ആ​ളൂ​ർ പ​ച്ച​ മ​ല​യാ​ള​ത്തി​ൽ പ​റ​ഞ്ഞു. പി​ന്നെ ആ​ളൂ​രി​നെ കേ​ട്ട​ത് സു​പ്രീം​കോ​ട​തി ഗോ​വി​ന്ദ​ച്ചാ​മി​യു​ടെ വ​ധ​ശി​ക്ഷ ഇ​ള​വ് ചെ​യ്ത​പ്പോ​ഴാ​ണ്. ഇ​തെന്‍റെ വി​ജ​യം -അ​ന്ന് ആ​ളൂ​ർ പ​റ​ഞ്ഞു. സൗ​മ്യ​ക്കു പി​ന്നാ​ലെ ജി​ഷ വ​ധ​ക്കേ​സി​ലെ പ്ര​തി അ​മീ​റു​ൽ ഇ​സ്​​ലാ​മി​നു വേ​ണ്ടി​യും പ​ൾ​സ​ർ സു​നി​ക്കുവേ​ണ്ടി​യും കോ​ട്ട​ണി​ഞ്ഞ​പ്പോ​ൾ ആ​ളു​ക​ൾ മ​റ്റൊ​രു ​പേ​രി​ട്ടു –സ്​​ത്രീവി​രോ​ധി... പ​ൾ​സ​ർ സു​നി​ക്കു​വേ​ണ്ടി അ​ങ്ക​മാ​ലി കോ​ട​തി​യി​ലെ​ത്തി​യ അ​ഡ്വ. ആ​ളൂ​ർ ത​ന്നെ​ക്കു​റി​ച്ചും ഗോ​വി​ന്ദ​ച്ചാ​മി​യെ​ക്കു​റി​ച്ചും ത​ന്നെ ചു​റ്റി​പ്പ​റ്റി​യു​ള്ള ക​ഥ​ക​ളെ​ക്കു​റി​ച്ചും സം​സാ​രി​ക്കു​ന്നു.

ബി​ജു ആ​ൻ​റ​ണി ആ​ളൂ​രി​ൽ നി​ന്ന് അ​ഡ്വ. ബി.​എ. ആ​ളൂ​രി​ലേ​ക്കു​ള്ള മാ​റ്റം എ​ങ്ങ​നെ​യാ​യി​രു​ന്നു? അ​ഭി​ഭാ​ഷ​ക​നാ​യ​തി​നെ​ക്കു​റി​ച്ച്...
തൃ​ശൂ​ർ ജി​ല്ല​യി​ലെ പ​തി​യാ​രം ഗ്രാ​മ​ത്തി​ലാ​ണ് ജ​നി​ച്ച​ത്. കാ​ലി​ക്ക​റ്റ് യൂ​നി​വേ​ഴ്സി​റ്റി​യി​ൽ ൈപ്ര​വ​റ്റാ​യി ബി​രു​ദ​ പ​രീ​ക്ഷ​യെ​ഴു​തി​യ​പ്പോ​ൾ ന​ഷ്​​ട​പ്പെ​ട്ട വി​ഷ​യം ‘ലോ ​സ്റ്റഡീ​സ്​’ ആ​യി​രു​ന്നു. ഞാ​ന​ത് എ​ഴു​തി​യെ​ടു​ത്ത​പ്പോ​ൾ തു​ട​ങ്ങി​യ താ​ൽ​പ​ര്യ​മാ​ണ് നി​യ​മ​പ​ഠ​ന​ത്തോ​ട്. പി​ന്നീ​ട് സ​ഹോ​ദ​ര​ന്മാ​രോ​ടൊ​പ്പം പുെ​ണ​യി​ലേ​ക്ക് പ​റി​ച്ചു​ന​ട്ടു. അ​വി​ടെ ഐ.​എ​ൽ.​എ​സ്​ ലോ ​കോ​ള​ജി​ൽ നി​ന്ന് നി​യ​മ​ബി​രു​ദ​മെ​ടു​ത്തു. പ​ക്ഷേ, ആ​ളൂ​ർ വ​ക്കീ​ലാ​യി എ​ന്ന​ത് നു​ണ​ പ​റ​യു​ക​യാ​ണെ​ന്ന് പ​റ​യാ​ൻ നാ​ട്ടി​ൽ ആ​ളു​ക​ളു​ണ്ടാ​യി​രു​ന്നു. നീ ​വ​ക്കീ​ലാ​യ​ത് പ​ത്താ​ളു​ക​ൾ അ​റി​യ​​േ​ണ്ട​യെ​ന്ന് വീ​ട്ടു​കാ​ർ. 1998ൽ ​അ​വ​രു​ടെ സ​മ്മ​ർ​ദ​ത്തി​ന് വ​ഴ​ങ്ങി ഞാ​ൻ നാ​ട്ടി​ലെ​ത്തി. ന​ാ​ലു​വ​ർ​ഷ​ത്തോ​ളം ജി​ല്ല​ കോ​ട​തി, വ​ട​ക്കാ​ഞ്ചേ​രി മ​ജി​സ്​േ​ട്ര​റ്റ്, മു​ൻ​സി​ഫ് കോ​ട​തി​ക​ളി​ൽ പ്രാ​ക്ടീസ്​ ചെ​യ്തു. വീ​ടു​വി​ട്ടു​പോ​വ​ണം എ​ന്ന​ ചി​ന്ത വ​ന്ന​തോ​ടെ പു​ണെ​യി​ലേ​ക്ക് തി​രി​ച്ചു​പോ​യി. 2003 ഡി​സം​ബ​ർ 31ന് ​മൂ​ന്ന് കൊ​ല​പാ​ത​ക​ക്കേ​സ്​ പ്ര​തി​ക​ളെ പു​െ​ണ ജി​ല്ല​ കോ​ട​തി വെ​റു​തെവി​ട്ട​തോ​ടെ ഇ​തെ​നി​ക്ക് ചേ​രു​ന്ന ജോ​ലി​യാ​ണെ​ന്ന് ഉ​റ​പ്പി​ച്ചു. പി​ന്നീ​ട് ഒ​ട്ടേ​റെ കേ​സു​ക​ൾ...
baaloor
സൗ​മ്യ, ജി​ഷ; ഇ​പ്പോ​ഴി​താ പ​ൾ​സ​ർ സു​നി... കേ​ര​ളം ച​ർ​ച്ച​ചെ​യ്യു​ന്ന കു​റ്റ​കൃ​ത്യ​ങ്ങ​ളി​ൽ പ്ര​തി​ക​ളു​ടെ അ​ഭി​ഭാ​ഷ​ക​നാ​യി താ​ങ്ക​ളു​ണ്ട്​?
കേ​ര​ള​വും മാ​ധ്യ​മ​ങ്ങ​ളും ച​ർ​ച്ചചെ​യ്യു​ന്ന കേ​സു​ക​ളി​ൽ ഞാ​ൻ അ​ഭി​ഭാ​ഷ​ക​നാ​യി ഉ​ണ്ടാ​കു​ക​യെ​ന്ന​ത് സ​ന്തോ​ഷ​ക​ര​മാ​യ കാ​ര്യ​മാ​ണ്.​ ആ​ളൂ​ർ എ​വി​ടെ​യു​ണ്ടോ അ​വി​ടെ മാ​ധ്യ​മ​ശ്ര​ദ്ധ വ​രു​ന്നു എ​ന്ന​ത് എ​ന്നെ സം​ബ​ന്ധി​ച്ചി​ട​ത്തോ​ളം അ​ഭി​മാ​ന​മു​ള്ള കാ​ര്യ​മാ​ണ്. ഞാ​ൻ ക്രി​മി​ന​ൽ അ​ഭി​ഭാ​ഷ​ക​നാ​ണ്. സ്പെ​ഷ​ൽ പ​ബ്ലി​ക് േപ്രാ​സി​ക്യൂ​ട്ട​റാ​യി ജോ​ലി​യെ​ടു​ക്കേ​ണ്ടി​വ​ന്നി​ട്ടു​ണ്ട്. അ​തി​നാ​ൽ ഇ​രു​വി​ഭാ​ഗ​ത്തി​നുവേ​ണ്ടി​യും വാ​ദി​ക്കേ​ണ്ടി​വ​രും.

ഗോ​വി​ന്ദ​ച്ചാ​മി​യു​േ​ട​തു​ൾ​പ്പെ​െ​ട വി​വാ​ദ കേ​സു​ക​ൾ സ്വ​യം ഏ​റ്റെ​ടു​ത്ത് മാ​ധ്യ​മ​ശ്ര​ദ്ധ​ക്കാ​യു​ള്ള ശ്ര​മ​മാ​ണോ ന​ട​ത്തി​വ​രു​ന്ന​ത്? 
തീ​ർ​ച്ച​യാ​യും അ​ല്ല. എന്‍റെ ക​രി​യ​റി​ൽ എ​നി​ക്ക് അ​ങ്ങോ​ട്ടു​പോ​യി സ്വ​യം കേ​സ്​ ഏ​റ്റെ​ടു​ക്കേ​ണ്ട ഗ​തി​കേ​ട് വ​ന്നി​ട്ടി​ല്ല. 2011ൽ ​സൗ​മ്യ കൊ​ല​പാ​ത​ക​ക്കേ​സ്​ പു​ണെ​യി​ൽ ജോ​ലി​ ചെ​യ്തു​കൊ​ണ്ടി​രു​ന്ന എ​നി​ക്ക് നാ​ട്ടി​ൽ വ​രാ​ൻ നി​മി​ത്ത​മാ​െ​യ​ന്ന​ത് ശ​രി​യാ​ണ്. ഗോ​വി​ന്ദ​ച്ചാ​മി​ക്കു വേ​ണ്ടി ക​ക്ഷി​ക​ൾ എ​ന്നോ​ട് കേ​സ്​ ഏ​റ്റെ​ടു​ക്കാ​ൻ ആ​വ​ശ്യ​പ്പെ​ട്ട​പ്പോ​ൾ ഇ​ത് ഇ​ത്ര​ വ​ലി​യ കേ​സാ​ണെ​ന്ന്​ അ​റി​ഞ്ഞി​രു​ന്നി​ല്ല. ഒ​രു സാ​യാ​ഹ്നപ​ത്ര​ത്തി​ൽ ‘ഗോ​വി​ന്ദ​ച്ചാ​മി​ക്കു വേ​ണ്ടി ബോംബെ ഹൈ​കോ​ട​തി​യി​ലെ അ​ഭി​ഭാ​ഷ​ക​ൻ’ എ​ന്ന വാ​ർ​ത്ത​ വ​ന്നു. അ​ക്കാ​ര്യം നാ​ട്ടി​ലു​ള്ള കൂ​ട്ടു​കാ​ർ ഫോ​ണി​ൽ വി​ളി​ച്ച​റി​യി​ച്ചു. ആ ​വാ​ർ​ത്ത​യാ​ണ് കേ​സി​നെ ഇ​ത്ര​യും മാ​ധ്യ​മ​ശ്ര​ദ്ധ കൊ​ണ്ടു​വ​ന്ന​തി​ൽ കാ​ര​ണ​മാ​യ​തെ​ന്ന്​ ക​രു​തു​ന്നു. അ​ന്ന് ഞാ​ൻ വ​ക്കാ​ല​ത്ത് ഏ​റ്റെ​ടു​ത്തുക​ഴി​ഞ്ഞി​രു​ന്നു.

ആ​രാ​ണ് കേ​സ്​ ത​ന്ന​െ​ത​ന്ന്​ വെ​ളി​പ്പെ​ടു​ത്താ​മോ?
ഇ​ല്ല. അ​ത് പ്ര​ഫ​ഷ​ന​ൽ സീ​ക്ര​ട്ട് ആ​ണ്. അ​ന്നും ഇ​ന്നും എ​ന്നും അ​ക്കാ​ര്യം വെ​ളി​പ്പെ​ടു​ത്താ​ൻ ഉ​ദ്ദേ​ശി​ക്കു​ന്നി​ല്ല.

അ​ധോ​ലോ​കം, മ​തം​മാ​റ്റ മാ​ഫി​യ, ഭി​ക്ഷാ​ട​ന​മാ​ഫി​യ എ​ല്ലാ മാ​ഫി​യ​ക​ളു​ടെ​യും ആ​ളാ​യാ​ണ് സൗ​മ്യ കേ​സി​ൽ താ​ങ്ക​ൾ വ​ന്ന​പ്പോ​ൾ ചി​ല മാ​ധ്യ​മ​ങ്ങ​ൾ അ​വ​ത​രി​പ്പി​ച്ച​ത്. വാ​സ്​​ത​വ​ത്തി​ൽ താ​ങ്ക​ൾ ആ​രു​ടെ ആ​ളാ​ണ്​​​?
നി​ങ്ങ​ൾ കേ​ട്ട​തൊ​ക്കെ കെ​ട്ടു​ക​ഥ​ക​ളാ​ണ്. മാ​ധ്യ​മ​ങ്ങ​ളും പ​ല വ്യ​ക്തി​ക​ളും പ​റ​യു​ന്ന അ​ധോ​ലോ​കം, മ​യ​ക്കു​മ​രു​ന്നു മാ​ഫി​യ, മ​തം​മാ​റ്റ മാ​ഫി​യ ഇ​തൊ​ക്കെ ക​ള​വാ​യ കാ​ര്യ​ങ്ങ​ളാ​ണ്. അ​ത്ത​രം ഒ​രു ബ​ന്ധ​വും എ​നി​ക്കി​ല്ല. ബി​ജു ആ​ൻ​റ​ണി ആ​ളൂ​ർ എ​ന്ന വ്യ​ക്തി​യെ സം​ബ​ന്ധി​ച്ചി​ട​ത്തോ​ളം ഞാ​ൻ ദൈ​വ​വി​ശ്വാ​സി​യും അ​സ്സ​ൽ ന​സ്രാ​ണി​യു​മാ​ണ്.

soumya-govinda
ഗോവിന്ദച്ചാമി, സൗ​മ്യ
 


ആ​രാ​ണ് ഗോ​വി​ന്ദ​ച്ചാ​മി?
ഗോ​വി​ന്ദ​ച്ചാ​മി മ​യ​ക്കു​മ​രു​ന്നും മ​റ്റും വി​റ്റു​ന​ട​ക്കു​ന്ന, െട്ര​യി​നി​ൽ പി​ടി​ച്ചു​പ​റി ന​ട​ത്തു​ന്ന ഒ​രു വ്യ​ക്തി. ഗോ​വി​ന്ദ​ച്ചാ​മി കു​റ്റ​കൃ​ത്യ​ത്തി​ൽ ഒ​ര​റ്റംവ​രെ പ​ങ്കെ​ടു​ത്തി​ട്ടു​ണ്ട്. പ​ക്ഷേ, കേ​സി​ൽ പ​റ​യു​ന്ന കു​റ്റം ചെ​യ്തി​ട്ടു​ണ്ടെ​ന്ന് അ​ന്നും ഇ​ന്നും വി​ശ്വ​സി​ക്കു​ന്നി​ല്ല. തീ​യി​ല്ലാ​തെ പു​ക​യു​ണ്ടാ​വി​ല്ല​ല്ലോ, പു​ക​ക്കു​ള്ള കു​റ്റ​മു​ണ്ട്, പ​ക്ഷേ തീ​ക്കു​ള്ള കു​റ്റം അ​യാ​ൾ ചെ​യ്തി​ട്ടി​ല്ല.

ഗോ​വി​ന്ദ​ച്ചാ​മി വേ​ട്ട​ക്കാ​ര​നാ​യി​രു​ന്നോ? അ​തോ ഇ​ര​യാ​യി​രു​ന്നോ?
ഗോ​വി​ന്ദ​ച്ചാ​മി ഇ​ര​യാ​യി​രു​ന്നു എ​ന്ന് അ​വ​കാ​ശ​പ്പെ​ടാ​ൻ പ​റ്റി​ല്ല, എ​ന്നാ​ൽ, വേ​ട്ട​ക്കാ​ര​ന​ല്ലേ എ​ന്ന് ചോ​ദി​ച്ചാ​ൽ സു​പ്രീം​കോ​ട​തി​യു​ടെ വി​ധി​യു​ടെ പ​ശ്ചാ​ത്ത​ല​ത്തി​ൽ അ​ങ്ങ​നെ വി​മ​ർ​ശ​നം ന​ട​ത്തു​ന്ന​തും ശ​രി​യ​ല്ല. കാ​ര​ണം, വേ​ട്ട​ക്കാ​രു​ടെ കേ​സും ഇ​ര​യു​ടെ കേ​സും യാ​ഥാ​ർ​ഥ്യം പൂ​ർ​ണ​മാ​യി ഉ​ണ്ടെ​ങ്കി​ൽ അ​ത് ന​ട​ത്താ​ൻ ഞാ​ൻ വി​ധി​ക്ക​പ്പെ​ട്ട​വ​നാ​ണ്. അ​തി​നാ​ലാ​ണ് കേ​സു​മാ​യി മു​ന്നോ​ട്ടു​പോ​യ​ത്. ഗോ​വി​ന്ദ​ച്ചാ​മി​യു​ടെ വ​ധ​ശി​ക്ഷ ജീ​വ​പ​ര്യ​ന്ത​മാ​ക്കി​യ 2014 സെ​പ്റ്റം​ബ​ർ 15ലെ ​സു​പ്രീം​കോ​ട​തി വി​ധി കേ​ട്ട​പ്പോ​ൾ ഒ​രാ​ളു​ടെ ജീ​വ​നെ​ങ്കി​ലും ര​ക്ഷി​ക്കാ​നാ​യ​ല്ലോ എ​ന്ന ചാ​രി​താ​ർ​ഥ്യ​ത്തോ​ടെ​യാ​ണ് മ​ട​ങ്ങി​യ​ത്. ആ ​ദി​വ​സം എന്‍റെ ജീ​വി​ത​ത്തി​ൽ മ​റ​ക്കാ​നാ​വി​ല്ല.

സൗ​മ്യ കേ​സി​ൽ പൊ​ലീ​സി​ന് സം​ഭ​വി​ച്ച പി​ഴ​വ് എ​ന്താ​യി​രു​ന്നു? ചൂ​ണ്ടി​ക്കാ​ണി​ച്ച പ​ല തെ​ളി​വു​ക​ളും പൊ​ലീ​സ്​ അ​വ​ഗ​ണി​ച്ചു​വെ​ന്ന് താ​ങ്ക​ൾ ആ​രോ​പി​ച്ചി​രു​ന്നു.
സൗ​മ്യ​വ​ധം ന​ട​ന്ന ദി​വ​സം അ​തേ െട്ര​യി​നി​ൽ 50 വ​യ​സ്സു​ള്ള ഒരു യാ​ത്ര​ക്കാ​ര​ൻ ഉ​ണ്ടാ​യി​രു​ന്നു. ആ ​യാ​ത്ര​ക്കാ​ര​നെ പ്ര​തി​ഭാ​ഗം സാ​ക്ഷി​യാ​ക്ക​ണ​മെ​ന്ന് പ​റ​ഞ്ഞ് ഞാ​ൻ ഒ​രു വ്യ​ക്തി​യു​ടെ പൂ​ർ​ണ അ​ഡ്ര​സോ​ടെ ലി​സ്​​റ്റ് കൊ​ടു​ത്തി​രു​ന്നു. ഗോ​വി​ന്ദ​ച്ചാ​മി െട്ര​യി​നിന്‍റെ ഇ​ട​തു​ഭാ​ഗ​ത്തു ​കൂ​ടെ പോ​യ​പ്പോ​ൾ ഇ​യാ​ൾ വ​ല​തു വാ​തി​ലി​ലൂ​ടെ പോ​യെ​ന്ന് കാ​ണി​ച്ചാ​യി​രു​ന്നു സ​മ​ൻ​സ്​ പൊ​ലീ​സി​ന് കൊ​ടു​ത്ത​ത്. ഇ​യാ​ൾ പി​ച്ച​യെ​ടു​ത്ത് ന​ട​ക്കു​ന്ന​യാ​ളാ​ണ്. പൊ​ലീ​സ്​ അ​യാ​ളെ ഓ​ടി​പ്പി​ച്ചു. അ​യാ​ളെ കൊ​ണ്ടു​വ​ന്നി​ല്ല. സ​മ​ൻ​സ്​ കൊ​ടു​ത്തി​ട്ടും അ​യാ​ൾ വ​ന്നി​ല്ല. അ​തുത​ന്നെ​യാ​യി​രു​ന്നു പൊ​ലീ​സിന്‍റെ ഏ​റ്റ​വും വ​ലി​യ പ​രാ​ജ​യം. അ​യാ​ളെ ക​ണ്ടെ​ത്താ​ത്ത​തി​നാ​ൽ നേ​രി​ട്ട് തെ​ളി​വി​ല്ലെ​ന്ന് സു​പ്രീം​കോ​ട​തി വി​ല​യി​രു​ത്തി. അ​ന്ന് ഞാ​ൻ ഉ​ന്ന​യി​ച്ച ആ ​യാ​ഥാ​ർ​ഥ്യം സു​പ്രീംകോ​ട​തി ക​ണ്ടെ​ത്തി എ​ന്ന​തി​ൽ സ​ന്തോ​ഷ​മു​ണ്ട്. അ​യാ​ൾ ഭി​ക്ഷാ​ട​ന മാ​ഫി​യ​യു​ടെ ആ​ളാ​യി​രു​ന്നു. അ​യാ​ളു​ടെ ഫോ​ട്ടോ, കാ​ർ​ഡ് എ​ല്ലാം പൊ​ലീ​സി​ന് കൈ​മാ​റി​യി​രു​ന്നു. പൊ​ലീ​സ്​ അ​ത് കോ​ട​തി​യു​ടെ മു​ന്നി​ൽ കൊ​ണ്ടു​വ​ന്നി​ല്ല. അ​ത് പൊ​ലീ​സി​ന് തി​രി​ച്ച​ടി​യാ​യി. അ​തി​നാ​ൽ കൊ​ല​പാ​ത​ക​ക്കേ​സി​ന് ശി​ക്ഷി​ക്കാ​ൻ കോ​ട​തി​ക്ക് സാ​ധി​ച്ചി​ല്ല.

ameerul-islam-jisha
ജി​ഷ, അമീറുല്‍ ഇസ് ലാം
 


അ​തി​നു ശേ​ഷ​മാ​ണ് ജി​ഷ കൊ​ല​പാ​ത​ക​ക്കേ​സി​ൽ പ്ര​തി​യു​ടെ വ​ക്കീ​ലാ​യി വ​രു​ന്ന​ത്
അ​മീ​റു​ൽ ഇ​സ്​​ലാ​മിന്‍റെ കേ​സ്​ ഏ​റ്റെ​ടു​ക്കാ​ൻ ഞാ​ൻ കോ​ട​തി​യി​ൽ അ​പേ​ക്ഷ കൊ​ടു​ത്തി​രു​ന്നു. കോ​ട​തി അ​ത് അം​ഗീ​ക​രി​ച്ചി​ല്ല. അ​ങ്ങ​നെ​യി​രി​ക്കു​മ്പോ​ഴാ​ണ് ഒ​രെ​ഴു​ത്തു​മാ​യി അ​മീ​റു​ൽ കോ​ട​തി​യി​ൽ വ​രു​ന്ന​ത്. പൊ​ലീ​സ്​ ഭീ​ഷ​ണി​പ്പെ​ടു​ത്തി​യ​തി​നാ​ൽ ആ ​എ​ഴു​ത്ത് കൊ​ടു​ക്കാ​ൻ സാ​ധി​ച്ചി​ല്ല. ആ ​എ​ഴു​ത്തിന്‍റെ കോ​പ്പി അ​മീ​റു​ലിന്‍റെ സ​ഹോ​ദ​ര​ൻ ബ​ദ​റു​ൽ ഇ​സ്​​ലാ​മി​ൽ നി​ന്ന് എ​നി​ക്ക് കി​ട്ടി. അ​പ്പോ​ഴാ​ണ് യാ​ഥാ​ർ​ഥ്യം അ​റി​യാ​ൻ വേ​ണ്ടി അ​മീ​റു​ലി​നെ പോ​യി കാ​ണു​ന്ന​ത്. കേ​സ്​ കൈ​കാ​ര്യം ചെ​യ്യു​ന്ന​ത് വേ​റെ വ​ക്കീ​ലാ​യ​തി​നാ​ൽ എ​നി​ക്ക് ഹാ​ജ​രാ​കാ​നാ​വില്ലെ​ന്ന് ഞാ​ൻ അ​യാ​ളോ​ട് പ​റ​ഞ്ഞി​രു​ന്നു. അ​ധി​കം​ വൈ​കാ​തെ കേ​ര​ള​ത്തി​ലു​ള്ള അ​ഭി​ഭാ​ഷ​ക​രെ വി​ശ്വാ​സ​മി​ല്ലെ​ന്നും അ​തി​നാ​ൽ അ​ഡ്വ.​ ബി.​എ. ആ​ളൂ​രി​നെ എന്‍റെ കേ​സ്​ ഏ​ൽ​പി​ക്ക​ണമെ​ന്നും പ​റ​ഞ്ഞ്​ ഒരു അ​പേ​ക്ഷ കോ​ട​തി​യി​ൽ അ​മീ​റു​ൽ ന​ൽ​കു​ക​യാ​യി​രു​ന്നു.

ഇ​പ്പോ​ഴി​താ അ​ഡ്വ. ടെ​ന്നി​യു​മാ​യി അ​സ്വാ​ര​സ്യ​ത്തി​നി​ട​യാ​ക്കി​യാ​ണ് പ​ൾ​സ​ർ സു​നി​യു​ടെ അ​ഭി​ഭാ​ഷ​ക​നാ​യി താ​ങ്ക​ൾ എ​ത്തി​യ​ത്. അ​ഡ്വ. ​ടെ​ന്നി​യു​മാ​യി ഉ​ണ്ടാ​യ ത​ർ​ക്കം എ​ന്താ​യി​രു​ന്നു? 
പ്ര​തി​യാ​ണ് അ​യാ​ളു​ടെ വ​ക്കീ​ൽ ആ​രെ​ന്ന് തീ​രു​മാ​നി​ക്കു​ക. അ​ങ്ങ​നെ​യാ​ണ് അ​ഡ്വ. ടെ​ന്നി​യെ മാ​റ്റി ഞാ​ൻ വ​രു​ന്ന​ത്. അ​ഡ്വ. ടെ​ന്നി​യോ​ട് എ​നി​ക്ക് വി​രോ​ധ​മി​ല്ല. പ​ൾ​സ​ർ സു​നി​യു​ടെ വ​ക്കാ​ല​ത്ത് ഒ​ഴി​യാ​ൻ അ​ദ്ദേ​ഹം ത​യാ​റാ​യി​രു​ന്നി​ല്ല. എന്‍റെ കേ​സു​ക​ൾ വേ​റെ ഒ​രാ​ൾ​ക്ക് പോ​കാ​ൻ പാ​ടി​ല്ല എ​ന്ന ശാ​ഠ്യം ശ​രി​യ​ല്ല. പ​ൾ​സ​ർ സു​നി അ​വ​സാ​നംവ​രെ എ​ന്നോ​ടൊ​പ്പം നി​ൽ​ക്കു​മോ എ​ന്നു​പോ​ലും എ​നി​ക്ക​റി​യി​ല്ല. എന്‍റെ ക​ക്ഷി​ക്ക് ഞാ​ൻ ഹാ​ജ​രാ​കാ​ൻ താ​ൽ​പ​ര്യമി​ല്ലെ​ങ്കി​ൽ ഞാ​ൻ എ​ന്നേ വ​ക്കാ​ല​ത്ത് വേ​ണ്ടെ​ന്നുവെ​ച്ചേ​നെ.

സ്​​ത്രീ​ക​ൾ​ക്കെ​തി​രാ​യ കേ​സു​ക​ളി​ലാ​ണോ സ്​​പെ​ഷ​ലൈ​സ്​ ചെ​യ്യു​ന്ന​ത് എ​ന്നു തോ​ന്നും താ​ങ്ക​ൾ ഹാ​ജ​രാ​കു​ന്ന പ്ര​ധാ​ന കേ​സു​ക​ൾ ക​ണ്ടാ​ൽ?
ഞാ​ൻ സ്​​ത്രീ​വി​രു​ദ്ധ​നൊ​ന്നു​മ​ല്ല. ക്രി​മി​ന​ൽ വ​ക്കീ​ൽ വി​ജി​ലന്‍റാ​യി ഇ​രി​ക്ക​ണം. സ​ഹാ​യം ചോ​ദി​ച്ചെ​ത്തു​ന്ന ക​ക്ഷി​ക്ക് നി​യ​മ​പ​ര​മാ​യി ചെ​യ്യാ​ൻ ക​ഴി​യു​ന്ന​ത് ചെ​യ്തു​കൊ​ടു​ക്ക​ണം. അ​വി​ടെ സെന്‍റി​മെ​ൻ​സ്​ ഇ​ല്ല.

കേ​ര​ള​ത്തി​ൽ സ്​​ത്രീ​പീ​ഡ​ന​ങ്ങ​ൾ വ​ർ​ധി​ച്ചു​വ​രു​ന്ന​ത് ക്രി​മി​ന​ൽ വ​ക്കീ​ൽ എ​ന്ന നി​ല​യി​ൽ എ​ങ്ങ​നെ കാ​ണു​ന്നു?
ലൈം​ഗി​ക​വി​കാ​ര​ങ്ങ​ൾ അ​ടി​ച്ച​മ​ർ​ത്തു​ന്ന​തി​ലെ മാ​ന​സി​ക​പി​രി​മു​റു​ക്ക​ങ്ങ​ളാ​ണ് കേ​ര​ള​ത്തി​ലെ പ​ല പീ​ഡ​ന​ങ്ങ​ൾ​ക്കും കാ​ര​ണം. കേ​ര​ള​ത്തി​ന് പു​റ​ത്ത്​ സ്​​ത്രീ​ക​ൾ​ക്കെ​തി​രെ കു​റ്റ​കൃ​ത്യ​ങ്ങ​ൾ ഒ​രു​പാ​ട് ന​ട​ക്കു​ന്നു​ണ്ടെ​ങ്കി​ലും കേ​ര​ള​ത്തി​​​േ​ല​തു​പോ​ലെ ലൈം​ഗി​ക​ അ​തി​ക്ര​മ​ങ്ങ​ൾ അ​ധി​കം ന​ട​ക്കാ​റി​ല്ല. പ​ല കേ​സു​ക​ളും ആ​സൂ​ത്രി​ത​മാ​യി ന​ട​ക്കു​ന്ന കു​റ്റ​കൃ​ത്യ​ങ്ങ​ള​ല്ല. പെ​െ​ട്ട​ന്നു​ണ്ടാ​കു​ന്ന വി​കാ​ര​ത്ത​ള്ളി​ച്ച​യി​ൽ ചെ​യ്തു​ പോ​കു​ന്ന​വ​യാ​ണ് അ​ധി​ക​വും. വ​ള​രെ കൃ​ത്യ​മാ​യ ആ​സൂ​ത്ര​ണ​ത്തി​ൽ ചെ​യ്യു​ന്ന​വ കു​റ​വാ​ണ്. ഏ​താ​ണ്ട് ഇ​വി​ട​ത്തെ 85 ശ​ത​മാ​നം കേ​സു​ക​ളും ആ ​വി​ഭാ​ഗ​ത്തി​ൽ​പെ​ടു​ന്ന​വ​യാ​ണ്.​ സം​സ്​​ഥാ​ന​ സ​ർ​ക്കാ​റാ​ണ് സ്​​ത്രീ​ക​ളു​ടെ മാ​ന്യ​ത, സ്വ​കാ​ര്യ​ത, ജീ​വ​ൻ ഇ​വ​യൊ​ക്കെ സം​ര​ക്ഷി​ക്കേ​ണ്ട​തെ​ന്നാ​ണ് ഭ​ര​ണ​ഘ​ട​ന​യി​ൽ പ​റ​യു​ന്ന​ത്. സ​ർ​ക്കാ​റി​ന് അ​ത് സാ​ധി​ക്കാ​തെ വാ​തോ​രാ​തെ സം​സാ​രി​ച്ചി​ട്ട് കാ​ര്യ​മി​ല്ല. 

pulsar-suni
പള്‍സര്‍ സുനി
 


‘മാ​ധ്യ​മ​വി​ചാ​ര​ണ’ കേ​സു​ക​ളെ സ്വാ​ധീ​നി​ക്കു​ന്നു​ണ്ടെ​ന്ന വി​മ​ർ​ശ​ന​മു​യ​രു​ന്നു​ണ്ട്. 
മീ​ഡി​യ​ റേ​റ്റി​ങ് കൂ​ട്ടാ​ൻവേ​ണ്ടി നി​ഷ്പ​ക്ഷ​മ​ല്ലാ​ത്ത ‘മാ​ധ്യ​മവി​ചാ​ര​ണ’​യോ​ട് എ​നി​ക്ക് യോ​ജി​ക്കാ​നാ​വില്ല. ഒ​രു ഭാ​ഗ​ത്തിന്‍റെ പ​ക്ഷംപി​ടി​ച്ച് നി​ഷ്പ​ക്ഷ​ത ഭാ​വി​ച്ചു​ള്ള പ്ര​ക​ട​ന​മാ​ണ​ത്. എ​ല്ലാ​വ​രും ഇ​ര​യു​ടെ പ​ക്ഷ​മാ​ണെ​ങ്കി​ൽ അ​വ​ർ​ക്കു​വേ​ണ്ടി വാ​ദി​ക്കു​ന്നു. പ്ര​തി​യു​ടെ കൂ​ടെ​യാ​ണ് ഭൂ​രി​പ​ക്ഷ​മെ​ങ്കി​ൽ അ​വ​ർ​ക്കുവേ​ണ്ടി​യും. ര​ണ്ടു​ ഭാ​ഗ​വും തു​ല​നം ചെ​യ്തു​പോ​ക​ണം. അ​തി​നാ​ക​ണം മീ​ഡി​യ ശ്ര​മി​ക്കേ​ണ്ട​ത്. പ​ക്ഷേ, ജു​ഡീ​ഷ്യ​റി നി​ഷ്പ​ക്ഷ​മാ​ണ്. പ​ത്ര​ങ്ങ​ളു​ടെ സ്വാ​ധീ​ന​ത്തി​ൽ ജു​ഡീ​ഷ്യ​റി കു​ടു​ങ്ങു​മെ​ന്ന് ക​രു​താ​നാ​വി​ല്ല.

ഗോ​വി​ന്ദ​ച്ചാ​മി ക്രി​മി​ന​ലാ​ണെ​ന്ന് പ​റ​ഞ്ഞു. അ​മീ​റു​ൽ ഇ​സ്​​ലാം, പ​ൾ​സ​ർ സു​നി... ഇ​വ​രൊ​ക്കെ ആ​രോ​പ​ണ​വി​ധേ​യ​രാ​ണ്. താ​ങ്ക​ൾ ദൈ​വ​വി​ശ്വാ​സി​യാ​ണെ​ന്ന് പ​റ​ഞ്ഞു. എ​ന്നെ​ങ്കി​ലും താ​ങ്ക​ളി​ലെ ദൈ​വവി​ശ്വാ​സം പ​റ​ഞ്ഞി​ട്ടി​ല്ലേ, ആ​ളൂ​രേ... ഇ​ൗ ചെ​യ്യു​ന്ന​ത് ശ​രി​യ​ല്ലെ​ന്ന്?
ഞ​ങ്ങ​ൾ ക്രി​സ്​​ത്യാ​നി​ക​ൾ​ക്ക് പ​ഠി​പ്പി​ക്കു​ന്ന സു​കൃ​ത​ജ​പ​മു​ണ്ട്. അ​തി​ൽ പ്ര​ധാ​ന​പ്പെ​ട്ട സം​ഗ​തി ഇ​താ​ണ്... ജ​യി​ലി​ൽ പാ​ർ​ക്കു​ന്ന​വ​രെ പോ​യി സ​ന്ദ​ർ​ശി​ക്ക​ണ​മെ​ന്ന്.​ അ​ത് പൊ​തു​ജ​ന​ങ്ങ​ൾ​ക്കു​ള്ള​താ​ണ്, വ​ക്കീ​ലി​നു​ള്ള​ത​ല്ല. പ​ക്ഷേ, ഇ​ത് എന്‍റെ ഡ്യൂ​ട്ടി​യു​ടെ ഭാ​ഗ​മാ​യ​തു​കൊ​ണ്ട് ചു​മ​ത​ല ഏ​റ്റെ​ടു​ത്ത​ ശേ​ഷം അ​വ​രെ സ​ന്ദ​ർ​ശി​ക്കു​ന്ന​തിന്‍റെ ഒ​രു​പ​ടികൂ​ടി മു​ന്നോ​ട്ടു​നീ​ങ്ങി അ​വ​ർ​ക്കു​ വേ​ണ്ടി കേ​സ്​ വാ​ദി​ക്കു​ന്ന​തി​ൽ ഞാ​ൻ തെ​റ്റ് കാ​ണു​ന്നി​ല്ല. ഞാ​ൻ ഒ​രു ക്രി​മി​ന​ൽ വ​ക്കീ​ല​ല്ലേ, എ​നി​ക്ക് ക്രി​മി​ന​ലു​ക​ളു​ടേ​ത​ല്ലാ​തെ പു​ണ്യ​വാ​ള​ന്മാ​രു​ടെ കേ​സ്​ കി​ട്ടി​ല്ല​ല്ലോ.

വാ​ദി​യു​ടെ​യും പ്ര​തി​യു​ടെ​യും ഭാ​ഗ​ത്തു​നി​ന്ന് ഞാ​ൻ കേ​സ്​ വാ​ദി​ക്കാ​റു​ണ്ട്. മ​ഹാ​രാ​ഷ്​​ട്ര സ​ർ​ക്കാ​ർ ഉ​ത്ത​ര​വ​നു​സ​രി​ച്ച് സ്​​പെ​ഷ​ൽ പ​ബ്ലി​ക് േപ്രാ​സി​ക്യൂ​ട്ട​റാ​യി പ്ര​വ​ർ​ത്തി​ക്കു​ന്നു​ണ്ട്. ഇ​പ്പോ​ൾ എ​സ്.​സി/​എ​സ്.​ടി പീ​ഡ​ന​വി​രു​ദ്ധ ​നി​യ​മ​ത്തിന്‍റെ കീ​ഴി​ലു​ള്ള എ​ല്ലാ കേ​സു​ക​ളും സ്​​പെ​ഷ​ൽ പ​ബ്ലി​ക് േപ്രാ​സി​ക്യൂ​ട്ട​ർ എ​ന്ന ഉ​ത്ത​ര​വാ​ദി​ത്തം സ​ർ​ക്കാ​ർ എ​ന്നെ ഏ​ൽ​പി​ക്കാ​ൻ പോ​വു​ക​യാ​ണ്. ഞാ​ൻ എന്‍റെ തൊ​ഴി​ലി​ൽ വി​ശ്വ​സി​ക്കു​ന്ന​യാ​ളാ​ണ്. അ​തി​ൽ ചാ​രി​താ​ർ​ഥ്യ​മു​ള്ള​യാ​ളാ​ണ്. ഇ​ര​ക്കാ​യാ​ലും വേ​ട്ട​ക്കാ​ര​നാ​യാ​ലും നീ​തി കിട്ടണം. കോ​ട​തി എ​ന്ന​ത് നീ​തി ന​ട​പ്പാ​ക്കാ​നു​ള്ള സ്​​ഥാ​പ​നം ത​ന്നെ​യാ​ണെ​ന്ന വി​ശ്വാ​സം എ​നി​ക്കു​ണ്ട്.

COMMENTS