പണമില്ല; രണ്ടാംദിവസവും ശമ്പള വിതരണം പാളി

തി​രു​വ​ന​ന്ത​പു​രം: ശ​മ്പ​ള​മു​ട​ക്ക​ത്തി​ന്​ കാ​ര​ണം ട്ര​ഷ​റി​യി​ലെ സാ​​​ങ്കേ​തി​ക പ്ര​ശ്​​ന​മാ​ണെ​ന്ന സ​ർ​ക്കാ​ർ വാ​ദം പൊ​ളി​ഞ്ഞു. ശ​മ്പ​ള​ത്തി​നു​ള്ള പ​ണം തി​ക​യാ​തെ വ​ന്ന​തോ​ടെ ര​ണ്ടാം​ദി​വ​സ​വും വി​ത​ര​ണം മു​ട​ങ്ങി. തി​ങ്ക​ളാ​ഴ്ച ന​ൽ​കി​ത്തു​ട​ങ്ങു​മെ​ന്നാ​ണ്​ സ​ർ​ക്കാ​റി​ന്‍റെ പു​തി​യ വി​ശ​ദീ​ക​ര​ണം.

ര​ണ്ടാം​ദി​വ​സ​വും ശ​മ്പ​ള​വി​ത​ര​ണം ന​ട​ക്കാ​ത്ത​തോ​ടെ ജീ​വ​ന​ക്കാ​ർ പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി. തി​ങ്ക​ളാ​ഴ്ച​യും ശ​മ്പ​ളം കി​ട്ടി​യി​ല്ലെ​ങ്കി​ല്‍ നി​രാ​ഹാ​ര​സ​മ​രം തു​ട​ങ്ങു​മെ​ന്ന് സെ​ക്ര​ട്ടേ​റി​യ​റ്റ് ആ​ക്ഷ​ന്‍ കൗ​ണ്‍സി​ൽ വ്യ​ക്ത​മാ​ക്കി. അ​തേ​സ​മ​യം സം​സ്ഥാ​ന​ത്ത് ശ​മ്പ​ള​വും പെ​ൻ​ഷ​നും മു​ട​ങ്ങി​ല്ലെ​ന്നും ഒ​ന്നോ ര​ണ്ടോ ദി​വ​സം കാ​ല​താ​മ​സ​മു​ണ്ടാ​കു​ന്ന​ത് സാ​ങ്കേ​തി​ക പ്ര​ശ്ന​മാ​ണെ​ന്നു​മു​ള്ള വാ​ദം ആ​വ​ർ​ത്തി​ച്ച്​ ധ​ന​മ​ന്ത്രി ശ​നി​യാ​ഴ്ച​യും രം​ഗ​ത്തെ​ത്തി. അ​ർ​ഹ​മാ​യ 13,000 കോ​ടി​ കേ​​ന്ദ്രം ത​ട​ഞ്ഞു​വെ​ച്ചെ​ന്നും ശ​മ്പ​ള​വും പെ​ൻ​ഷ​നും മു​ട​ക്കാ​ൻ ഗൂ​ഢാ​ലോ​ച​ന ന​ട​ക്കു​ന്നു​ണ്ടെ​ന്നും മ​ന്ത്രി ആ​രോ​പി​ച്ചു.

സെ​ക്ര​ട്ടേ​റി​യ​റ്റ്​, പൊ​ലീ​സ്, ജു​ഡീ​ഷ്യ​റി, ജ​യി​ൽ, റ​വ​ന്യൂ ​അ​ട​ക്കം 1.75 ല​ക്ഷം ജീ​വ​ന​ക്കാ​ർ​ക്ക്​​ മാ​സ​ത്തി​ലെ ആ​ദ്യ പ്ര​വൃ​ത്തി​ദി​വ​സ​മാ​യ ​വെ​ള്ളി​യാ​ഴ്ച​യും വി​ദ്യാ​ഭ്യാ​സം, ആ​രോ​ഗ്യ വ​കു​പ്പു​ക​ളി​ലാ​യി ര​ണ്ട്​ ല​ക്ഷ​ത്തോ​ളം പേ​ർ​ക്ക്​ ശ​നി​യാ​ഴ്ച​യു​മാ​ണ്​ ശ​മ്പ​ള​മെ​ത്തേ​ണ്ടി​യി​രു​ന്ന​ത്.

എം​​പ്ലോ​യീ​സ്​ ട്ര​ഷ​റി സേ​വി​ങ്​​സ്​ ബാ​ങ്ക്​ (ഇ.​ടി.​എ​സ്.​ബി) അ​ക്കൗ​ണ്ട്​ വ​ഴി​യാ​ണ്​ ജീ​വ​ന​ക്കാ​ർ​ക്കു​ള്ള ശ​മ്പ​ള​വി​ത​ര​ണം. ഇ.​ടി.​എ​സ്.​ബി അ​ക്കൗ​ണ്ടി​ൽ പ​ണം വ​ന്ന​ശേ​ഷം ജീ​വ​ന​ക്കാ​രു​ടെ ബാ​ങ്ക്​ അ​ക്കൗ​ണ്ടി​ലേ​ക്ക്​ എ​ത്തു​ക​യാ​ണ്​ ചെ​യ്യു​ന്ന​ത്. ഇ.​ടി.​എ​സ്.​ബി പ​രി​ശോ​ധി​ക്കു​​​മ്പോ​ൾ ശ​മ്പ​ള​മെ​ത്തി​യ​താ​യി കാ​ണു​ന്നു​ണ്ടെ​ങ്കി​ലും ബെ​നി​ഫി​ഷ്യ​റി അ​ക്കൗ​ണ്ടി​ലേ​ക്ക്​ പ​ണ​മെ​ത്താ​ത്ത​തി​നാ​ൽ പി​ൻ​വ​ലി​ക്കാ​ൻ ക​ഴി​യാ​ത്ത സ്ഥി​തി​യാ​ണ്. മ​തി​യാ​യ പ​ണ​മി​ല്ലാ​ത്ത​തി​നാ​ല്‍ ഇ.​ടി.​എ​സ്.​ബി അ​ക്കൗ​ണ്ട് സ​ര്‍ക്കാ​ര്‍ നി​ര്‍ദേ​ശ​ത്തെ തു​ട​ര്‍ന്ന് ട്ര​ഷ​റി അ​ധി​കൃ​ത​ര്‍ മ​ര​വി​പ്പി​ച്ചി​രി​ക്കു​ക​യാ​ണ്. വ്യ​ക്തി​ഗ​ത സേ​വി​ങ്സ് അ​ക്കൗ​ണ്ടു​ക​ളി​ലേ​ക്ക് പ​ണം കൈ​മാ​റു​ന്ന​ത് ഒ​രു അ​റി​യി​പ്പു​ണ്ടാ​കു​ന്ന​തു​വ​രെ നി​ർ​ത്തി​വെ​ക്കാ​നാ​ണ് നി​ർ​ദേ​ശം.

ട്ര​ഷ​റി സേ​വി​ങ്​​സ്​ ബാ​ങ്ക്​ അ​ക്കൗ​ണ്ടു​ള്ള ജീ​വ​ന​ക്കാ​ർ​ക്ക്​ മാ​​ത്ര​മാ​ണ്​ ശ​നി​യാ​ഴ്​​ച ശ​മ്പ​ളം പി​ൻ​വ​ലി​ക്കാ​ൻ ക​ഴി​ഞ്ഞ​ത്. തു​ച്ഛം പേ​ർ​ക്കാ​ണ്​ ​ട്ര​ഷ​റി സേ​വി​ങ്​​സ്​ ബാ​ങ്ക്​ അ​ക്കൗ​ണ്ടു​ള്ള​ത്. പ്ര​തി​സ​ന്ധി പ​രി​ഹ​രി​ക്കു​ന്ന​തി​ന്​ പൊ​തു​മേ​ഖ​ല സ്ഥാ​പ​ന​ങ്ങ​ളോ​ട് ലാ​ഭ​വും നീ​ക്കി​യി​രി​പ്പു​മെ​ല്ലാം അ​ടി​യ​ന്ത​ര​മാ​യി ട്ര​ഷ​റി​യി​ല്‍ നി​ക്ഷേ​പി​ക്കാ​ന്‍ നി​ര്‍ദേ​ശി​ച്ചു. അ​ഞ്ച്​ കോ​ടി​ക്ക്​ മു​ക​ളി​ലെ നി​ക്ഷേ​പ​ത്തി​ന് 8.5 ശ​ത​മാ​നം പ​ലി​ശ​യാ​ണ്​ വാ​ഗ്ദാ​നം. അ​തേ​സ​മ​യം ​ഒ​രു വി​ഭാ​ഗം പെ​ൻ​ഷ​ൻ​കാ​ർ​ക്ക്​ ശ​നി​യാ​ഴ്ച തു​ക കി​ട്ടി.