വിഴിഞ്ഞം തുറമുഖം​​: വിദഗ്ധ സമിതി റിപ്പോർട്ട് സമർപ്പിക്കൽ വൈകും

തി​രു​വ​ന​ന്ത​പു​രം: വി​ഴി​ഞ്ഞം തു​റ​മു​ഖ നി​ർ​മാ​ണം​മൂ​ലം തീ​ര​ശോ​ഷ​ണ​മു​ണ്ടാ​യോ എ​ന്ന് പ​ഠി​ച്ച്‌ റി​പ്പോ​ർ​ട്ട് ന​ൽ​കാ​ൻ ചു​മ​ത​ല​യു​ള്ള വി​ദ​ഗ്ധ​സ​മി​തി​യു​ടെ കാ​ലാ​വ​ധി നീ​ട്ടി. സെ​ൻ​ട്ര​ൽ വാ​ട്ട​ർ ആ​ൻ​ഡ് പ​വ​ർ റി​സ​ർ​ച് സ്റ്റേ​ഷ​ൻ എം.​ഡി കു​ഡാ​ലെ ചെ​യ​ർ​മാ​നാ​യ സ​മി​തി​ക്ക്​ ആ​റു​മാ​സം കൂ​ടി കാ​ലാ​വ​ധി നീ​ട്ടി ന​ൽ​കി തു​റ​മു​ഖ വ​കു​പ്പ് സെ​ക്ര​ട്ട​റി ജൂ​ലൈ 27നാ​ണ്​ ഉ​ത്ത​ര​വി​റ​ക്കി​യ​ത്. 2023 മേ​യ് ഏ​ഴി​ന് ഇ​ട​ക്കാ​ല റി​പ്പോ​ർ​ട്ടും ജൂ​ലൈ ഏ​ഴി​ന് അ​ന്തി​മ റി​പ്പോ​ർ​ട്ടും ന​ൽ​കാ​നാ​യി​രു​ന്നു ആ​വ​ശ്യ​പ്പെ​ട്ടി​രു​ന്ന​ത്. ഇ​തു​വ​രെ ഒ​ന്നും സ​മ​ർ​പ്പി​ച്ചി​ല്ല.

ല​ത്തീ​ൻ അ​തി​രൂ​പ​ത​യു​ടെ നേ​തൃ​ത്വ​ത്തി​ൽ മ​ത്സ്യ​ത്തൊ​ഴി​ലാ​ളി​ക​ൾ ന​ട​ത്തി​യ 140 നീ​ണ്ട സ​മ​രം ഒ​ത്തു​തീ​ർ​ക്കു​ന്ന​തി​ന്റെ ഭാ​ഗ​മാ​യാ​ണ് സ​ർ​ക്കാ​ർ വി​ദ​ഗ്​​ധ സ​മി​തി​യെ നി​യോ​ഗി​ച്ച​ത്. വീ​ണ്ടും മൂ​ന്നു​മാ​സ​ത്തി​ന്​ ശേ​ഷ​മാ​ണ് ഇ​വ​ർ എ​ന്തൊ​ക്കെ​യാ​ണ്​ അ​ന്വേ​ഷി​ക്കേ​ണ്ട​തെ​ന്ന്​ നി​ശ്ച​യി​ച്ചു​ന​ൽ​കി​യ​ത്. മ​ത്സ്യ​ത്തൊ​ഴി​ലാ​ളി പ്ര​തി​നി​ധി​ക​ളെ ഉ​ൾ​പ്പെ​ടു​ത്ത​ണ​മെ​ന്ന ആ​വ​ശ്യം അ​ന്ന് സ​ർ​ക്കാ​ർ അം​ഗീ​ക​രി​ച്ചി​രു​ന്നി​ല്ല. പ​ക​രം, മ​ത്സ്യ​ത്തൊ​ഴി​ലാ​ളി​ക​ളി​ൽ​നി​ന്ന്​ കാ​ര്യ​ങ്ങ​ൾ ചോ​ദി​ച്ച​റി​യു​മെ​ന്നാ​ണ് പ​റ​ഞ്ഞി​രു​ന്ന​ത്. സ​മി​തി​ക്ക്​ ഓ​ഫി​സ് സൗ​ക​ര്യം​പോ​ലും മാ​സ​ങ്ങ​ൾ​ക്കു​ശേ​ഷ​മാ​ണ് അ​നു​വ​ദി​ച്ച​ത്. പ്ര​വ​ർ​ത്ത​നം തു​ട​ങ്ങി​യെ​ങ്കി​ലും ഒ​രു​ത​വ​ണ​യാ​ണ് പ​ദ്ധ​തി പ്ര​ദേ​ശ​ത്ത്​ വ​ന്ന​ത്. ക​ണ്ണി​ൽ​പൊ​ടി​യി​ടാ​നു​ള്ള നീ​ക്ക​മാ​ണെ​ന്ന്​ മ​ത്സ്യ​ത്തൊ​ഴി​ലാ​ളി​ക​ൾ തു​ട​ക്കം​മു​ത​ൽ ആ​രോ​പി​ച്ചി​രു​ന്നു.

മു​ത​ല​പ്പൊ​ഴി​യി​ലെ പ്ര​തി​ഷേ​ധ​ങ്ങ​ൾ ത​ണു​പ്പി​ക്കാ​ൻ ജി​ല്ല​യി​ലെ മ​ന്ത്രി​മാ​രും വ​കു​പ്പ് മ​ന്ത്രി​യും ചേ​ർ​ന്നു​ള്ള സ​മി​തി വി​വി​ധ ച​ർ​ച്ച​ക​ൾ ന​ട​ത്തി​യി​രു​ന്നു. അ​പ്പോ​ഴൊ​ക്കെ ഡി​സം​ബ​റി​ൽ മു​ത​ല​പ്പൊ​ഴി​യെ സം​ബ​ന്ധി​ച്ച് സ​മ​ർ​പ്പി​ക്കു​ന്ന പ​ഠ​ന​റി​പ്പോ​ർ​ട്ടി​നെ കു​റി​ച്ച് വ്യ​ക്ത​മാ​ക്കി​യി​രു​ന്നു. എ​ന്നാ​ല​ത് വി​ഴി​ഞ്ഞം പോ​ർ​ട്ട് അ​ട​ക്ക​മു​ള്ള പ​ഠ​ന​മാ​ണെ​ന്ന വി​വ​രം മ​ന്ത്രി​മാ​ർ മ​റ​ച്ചു​വെ​ച്ചു. തു​റ​മു​ഖ നി​ർ​മാ​ണ​ത്തി​ന്റെ ആ​ദ്യ​ഘ​ട്ടം പൂ​ർ​ത്തി​യാ​കു​ന്ന തീ​യ​തി​യും പ​ല ത​വ​ണ മാ​റ്റി. 2019 ഡി​സം​ബ​റി​ൽ തീ​രേ​ണ്ടി​യി​രു​ന്ന ആ​ദ്യ​ഘ​ട്ടം, പൂ​ർ​ത്തി​യാ​കു​മെ​ന്ന്​ ഇ​പ്പോ​ൾ പ​റ​യു​ന്ന​ത് 2024 മേ​യി​ലാ​ണ്​.

ഇ​തി​നി​ട​യി​ൽ, സ​മ​ര​സ​മി​തി നി​യോ​ഗി​ച്ച സ​മാ​ന്ത​ര പ​ഠ​ന സ​മി​തി​യും പ​രി​ശോ​ധ​ന തു​ട​രു​ക​യാ​ണ്. മ​ത്സ്യ​ത്തൊ​ഴി​ലാ​ളി​ക​ളു​ടെ സ​മ​രാ​രം​ഭ​ത്തി​ന്റെ ഒ​ന്നാം വാ​ർ​ഷി​ക ദി​നാ​ച​ര​ണ ച​ട​ങ്ങി​ൽ ഇ​ട​ക്കാ​ല റി​പ്പോ​ർ​ട്ടി​ന്റെ സം​ക്ഷി​പ്തം അ​വ​ത​രി​പ്പി​ച്ചി​രു​ന്നു.