നടുറോഡിൽ രണ്ടുപേർ കത്തിയമരുമ്പോൾ നിസ്സഹായരായി ജനം​; കൂട്ടിയിടിച്ച ഉടൻ ഓട്ടോയി​ലെ സി.എൻ.ജി സിലിണ്ടറിന് തീപ്പിടിച്ചു

കൂ​ത്തു​പ​റ​മ്പ് (ക​ണ്ണൂ​ർ): നടുറോഡിൽ രണ്ടുപേർ കത്തിയമരുമ്പോൾ നിസ്സഹായരായി നോക്കിനിൽക്കാനേ ചുറ്റുംകൂടിയവർക്ക് കഴിഞ്ഞുള്ളൂ... പ്രകൃതിവാതകത്തിൽ (സി.എൻ.ജി) ഓടുന്ന ഓട്ടോറിക്ഷയിലെ ഗ്യാസ് സിലിണ്ടർ പൊട്ടിത്തെറിച്ച് ശക്തമായി തീ ആളിപ്പടരുമ്പോൾ അടുത്തേക്ക് പോകാൻ പോലും ആർക്കും കഴിഞ്ഞില്ല. ഓട്ടോയിലുണ്ടായിരുന്ന പാ​റാ​ട് സ്വ​ദേ​ശി​ക​ളും അ​യ​ൽ​വാ​സി​ക​ളുമായ ഓ​ട്ടോ​ഡ്രൈ​വ​ർ ക​ണ്ണ​ങ്കോ​ട് പി​ലാ​വു​ള്ള​തി​ൽ അ​ഭി​ലാ​ഷ് (36), സു​ഹൃ​ത്ത് പി​ലാ​വു​ള്ള​തി​ൽ സ​ജീ​ഷ് (30) എ​ന്നി​വ​രാ​ണ് അപകടത്തിൽ ദാരുണമായി വെന്തുമരിച്ചത്.

ത​ല​ശ്ശേ​രി -മൈ​സൂ​രു റോ​ഡി​ൽ ക​തി​രൂ​രി​ന​ടു​ത്ത് ആ​റാം മൈ​ൽ മൈ​താ​ന​പ്പ​ള്ളി​ക്ക് സ​മീ​പം വെ​ള്ളി​യാ​ഴ്ച രാ​ത്രി 8.30നായിരുന്നു അ​പ​ക​ടം. ത​ല​ശ്ശേ​രി​യി​ൽ​നി​ന്ന് കൂ​ത്തു​പ​റ​മ്പ് ഭാ​ഗ​ത്തേ​ക്ക് വ​ന്ന സ്വ​കാ​ര്യ ബ​സു​മാ​യി കൂ​ട്ടി​യി​ടി​ച്ച് മ​റി​ഞ്ഞ ഉ​ട​ൻ ഓ​ട്ടോ​യുടെ ഗ്യാ​സ് സി​ലി​ണ്ട​റി​ന് തീ​പി​ടി​ക്കുകയായിരുന്നു. ആ​റു​മാ​സം മു​മ്പാ​ണ് അ​ഭി​ലാ​ഷ് സി.​എ​ൻ.​ജി ഓ​ട്ടോ വാ​ങ്ങി​യ​ത്. വാഹനം പൂ​ർ​ണ​മാ​യി ക​ത്തി​ന​ശി​ച്ചു. അ​ഭി​ലാ​ഷി​ന്റെ ആ​റാം മൈ​ലി​ലെ സ​ഹോ​ദ​രി​യു​ടെ വീ​ട്ടി​ൽ പോ​കു​ന്ന​തി​നി​ട​യി​ലാ​ണ് അ​പ​ക​ടം.

നാ​ട്ടു​കാ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് കൂ​ത്തു​പ​റ​മ്പ് അ​ഗ്നി​ര​ക്ഷാ സേ​ന സ്ഥ​ല​ത്തെ​ത്തി​. മൃ​ത​ദേ​ഹ​ങ്ങ​ൾ ത​ല​ശ്ശേ​രി ജ​ന​റ​ൽ ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി. അ​പ​ക​ട​ത്തെ തു​ട​ർ​ന്ന് സ്ഥ​ല​ത്ത് വാ​ഹ​ന​ഗ​താ​ഗ​തം ത​ട​സ്സ​പ്പെ​ട്ടു. ക​തി​രൂ​ർ പൊ​ലീ​സ് സ്ഥ​ല​ത്തെ​ത്തി ഗ​താ​ഗ​തം നി​യ​ന്ത്രി​ച്ചു. മോ​ട്ടോ​ർ വാ​ഹ​ന​വ​കു​പ്പ് എ​ൻ​ഫോ​ഴ്സ്മെ​ന്റ് സ്ക്വാ​ഡും സ്ഥ​ല​ത്തെ​ത്തി.

പാ​റാ​ട്ടെ പ​ഴ​യ​കാ​ല മ​ത്സ്യ ക​ച്ച​വ​ട​ക്കാ​ര​ൻ പ​രേ​ത​നാ​യ ക​ണ്ണ​ന്റെ​യും പൊ​ക്കി​യു​ടെ​യും മ​ക​നാ​ണ് അഭിലാഷ്. ഭാ​ര്യ: ജാ​ൻ​സി. മ​ക്ക​ൾ: ഇ​ഷാ​ൻ, നൈ​മി​ക, ന​യോ​മി​ൻ. സ​ഹോ​ദ​ര​ങ്ങ​ൾ: അ​നീ​ഷ്, ​പ്ര​സ​ന്ന, ശോ​ഭ.

പ​രേ​ത​നാ​യ കു​മാ​ര​ന്റെ​യും ജാ​നു​വി​ന്റെ​യും മ​ക​നാ​ണ് സ​ജീ​ഷ്. അ​വി​വാ​ഹി​ത​നാ​ണ്. സ​ഹോ​ദ​ര​ങ്ങ​ൾ: ഷൈ​മ, ശ​ബ്ന.