വില കുതിച്ചു; അനക്കമില്ലാതെ സ്കൂൾ ഉച്ചക്കഞ്ഞി ഫണ്ട്

കൊ​ച്ചി: നി​ത്യോ​പ​യോ​ഗ സാ​ധ​ന​വി​ല പ​തി​ന്മ​ട​ങ്ങ് വ​ർ​ധി​ച്ചി​ട്ടും ഉ​ച്ച​ക്ക​ഞ്ഞി​ക്കു​ള്ള സ​ർ​ക്കാ​ർ നി​ര​ക്കി​ൽ മാ​റ്റ​മി​ല്ല. ഏ​ഴു​വ​ർ​ഷം മു​മ്പ് അം​ഗീ​ക​രി​ച്ച നി​ര​ക്കി​ലാ​ണ്​ ഇ​പ്പോ​ഴും ഉ​ച്ച​ക്ക​ഞ്ഞി ഫ​ണ്ട്. ഇ​തോ​ടെ പ​ല​യി​ട​ങ്ങ​ളി​ലും ന​ട​ത്തി​പ്പ് പ്ര​തി​സ​ന്ധി​യി​ലാ​ണ്. സ്കൂ​ൾ വി​ദ്യാ​ർ​ഥി​ക​ൾ​ക്ക്​ ഉ​ച്ച​ക്ക​ഞ്ഞി​ക്കു​ള്ള നി​ര​ക്ക് അ​വ​സാ​ന​മാ​യി നി​ശ്ച​യി​ച്ച​ത് 2016ലാ​ണ്. 150 വ​രെ കു​ട്ടി​ക​ൾ​ക്ക് ഒ​രു വി​ദ്യാ​ർ​ഥി​ക്ക് എ​ട്ടും 150 - 500 കു​ട്ടി​ക​ൾ​ക്ക് ഒ​രു കു​ട്ടി​ക്ക് ഏ​ഴും 500ന് ​മു​ക​ളി​ലു​ള്ള ഓ​രോ കു​ട്ടി​ക്കും ആ​റും രൂ​പ​യെ​ന്ന നി​ല​യി​ലാ​ണ് സ്കൂ​ളു​ക​ൾ​ക്ക് സ​ർ​ക്കാ​ർ ഫ​ണ്ട് നി​ശ്ച​യി​ച്ച​ത്. അ​രി സ​ർ​ക്കാ​ർ ന​ൽ​കും. പ​ല​ച​ര​ക്ക്, പാ​ച​ക വാ​ത​കം, പ​ച്ച​ക്ക​റി തു​ട​ങ്ങി​യ​വ​യെ​ല്ലാം ഈ ​തു​ക​യി​ൽ​നി​ന്ന്​ ക​ണ്ടെ​ത്ത​ണം.

ഇ​താ​ണ് പ്ര​ധാ​നാ​ധ്യാ​പ​ക​ർ​ക്കും ന​ട​ത്തി​പ്പു​കാ​ർ​ക്കും ത​ല​വേ​ദ​ന​യാ​കു​ന്ന​ത്. പു​റ​മെ ന്യു​ട്രീ​ഷ​ൻ പ​ദ്ധ​തി​യി​ൽ​പെ​ടു​ത്തി ഒ​രു വി​ദ്യാ​ർ​ഥി​ക്ക് ആ​ഴ്ച​യി​ൽ ര​ണ്ടു​ദി​വ​സം 150 മി​ല്ലി വീ​തം പാ​ലും ഒ​രു മു​ട്ട​യും ന​ൽ​ക​ണം. ഇ​തോ​ടൊ​പ്പം പ​യ​ർ, ക​ട​ല അ​ട​ക്ക​മു​ള്ള ഇ​ന​ങ്ങ​ളും വി​ദ്യാ​ർ​ഥി​ക​ൾ​ക്ക് ന​ൽ​കാ​നും ഈ ​തു​ക​യാ​ണ് വി​നി​യോ​ഗി​ക്കേ​ണ്ട​ത്. 150 കു​ട്ടി​ക​ളി​ൽ താ​ഴെ​യു​ള്ള സ്കൂ​ളി​ൽ ഒ​രു കു​ട്ടി​ക്ക് 40 രൂ​പ​യാ​ണ് ഒ​രാ​ഴ്ച​ത്തേ​ക്ക് ല​ഭി​ക്കു​ക. പാ​ലി​നും മു​ട്ട​ക്കും മാ​​ത്രം 23 രൂ​പ ചെ​ല​വ്​ വ​രു​മെ​ന്ന്​ അ​ധ്യാ​പ​ക​ർ പ​റ​യു​ന്നു.

ബാ​ക്കി 17 രൂ​പ​യി​ൽ​നി​ന്നാ​ണ് ഒ​രു കു​ട്ടി​ക്ക് ഒ​രാ​ഴ്ച​ത്തേ​ക്കു​ള്ള വ​ക ക​ണ്ടെ​ത്തേ​ണ്ട​ത്. വ​ലി​യ​തോ​തി​ൽ കു​ട്ടി​ക​ളു​ള്ള സ്കൂ​ളി​ൽ മു​ഴു​വ​ൻ കു​ട്ടി​ക​ളും ഉ​ച്ച​ക്ക​ഞ്ഞി ക​ഴി​ക്കാ​ത്ത​തി​നാ​ൽ അ​നു​വ​ദി​ക്കു​ന്ന തു​ക മ​റ്റ്​ കു​ട്ടി​ക​ൾ​ക്കാ​യി ഉ​പ​യോ​ഗി​ക്കാ​മെ​ന്ന​തി​നാ​ൽ വ​ലി​യ പ്ര​തി​സ​ന്ധി​യി​ല്ല.

പ​ല സ​ർ​ക്കാ​ർ പ്രൈ​മ​റി വി​ദ്യാ​ല​യ​ങ്ങ​ളി​ലും വി​ദ്യാ​ർ​ഥി​ക​ളു​ടെ എ​ണ്ണം 150ൽ ​താ​ഴെ​യാ​ണെ​ന്നി​രി​ക്കെ ഇ​ത്ത​രം സ്കൂ​ളു​ക​ളെ​യാ​ണ് ഈ ​നി​ര​ക്ക് പ്ര​തി​കൂ​ല​മാ​യി ബാ​ധി​ക്കു​ന്ന​തെ​ന്ന് അ​ധ്യാ​പ​ക​ർ ചൂ​ണ്ടി​ക്കാ​ട്ടു​ന്നു. വി​ദ്യാ​ർ​ഥി​ക്ഷാ​മം പ​രി​ഹ​രി​ക്കാ​ൻ സൗ​ജ​ന്യ ഭ​ക്ഷ​ണ​വും വാ​ഹ​ന​വും അ​ട​ക്കം വാ​ഗ്ദാ​നം ചെ​യ്താ​ണ് വി​ദ്യാ​ർ​ഥി​ക​ളെ ചേ​ർ​ക്കു​ന്ന​ത്. പ​ല​പ്പോ​ഴും സ്പെ​ഷ​ൽ ഇ​ന​ങ്ങ​ളും ഉ​ച്ച​ഭ​ക്ഷ​ണ​ത്തോ​ടൊ​പ്പം ന​ൽ​കു​ന്നു​ണ്ട്.

അ​വ​സാ​നം നി​ര​ക്ക് നി​ശ്ച​യി​ക്കു​മ്പോ​ൾ പാ​ച​ക​വാ​ത​ക വി​ല 500ൽ ​താ​ഴെ​യാ​യി​രു​ന്നെ​ങ്കി​ൽ ഇ​പ്പോ​ഴ​ത് 1200 രൂ​പ​യാ​ണെ​ന്ന് അ​ധ്യാ​പ​ക​ർ ചൂ​ണ്ടി​ക്കാ​ട്ടു​ന്നു. ഈ ​മാ​റ്റം മു​ഴു​വ​ൻ സാ​ധ​ന​ങ്ങ​ളു​ടെ​യും വി​ല​യി​ൽ വ​ന്നി​ട്ടു​ണ്ട്. ഉ​ച്ച​ക്ക​ഞ്ഞി നി​ര​ക്ക് വ​ർ​ധി​പ്പി​ക്കു​മെ​ന്ന് നേ​ര​ത്തേ സ​ർ​ക്കാ​ർ പ​റ​ഞ്ഞി​രു​ന്നെ​ങ്കി​ലും ഇ​പ്പോ​ൾ മൗ​നം പാ​ലി​ക്കു​ക​യാ​ണ്.