മാത്യു കുഴൽനാടനെതിരായ നീക്കം പകപോക്കൽ -എം.എം. ഹസൻ

കോട്ടയം: മാത്യു കുഴൽനാടനെതിരായ നീക്കം രാഷ്ട്രീയ പകപോക്കലാണെന്ന് യു.ഡി.എഫ് കൺവീനർ എം.എം. ഹസൻ. അദ്ദേഹത്തിനെതിരെ ശരവേഗത്തിലാണ് അന്വേഷണം. മുഖ്യമന്ത്രിക്കും മകൾക്കും എതിരായ ആരോപണങ്ങൾക്ക് പിന്നാലെയാണ് മാത്യുവിനെതിരെ തിരിഞ്ഞതെന്ന്​ എല്ലാവർക്കും അറിയാമെന്നും ഹസൻ മാധ്യമപ്രവർത്തകരോട്​ പറഞ്ഞു.

അദ്ദേഹത്തിന്​ യു.ഡി.എഫിന്‍റെയും കോൺഗ്രസിന്‍റെയും പിന്തുണയുണ്ട്​. മുഖ്യമന്ത്രിയുടെ മകൾക്കെതിരായ ആരോപണങ്ങളിൽ മറുപടി പറയാൻ സി.പി.എം സംസ്ഥാന സെക്രട്ടറിക്ക് എന്ത് ബാധ്യതയാണുള്ളതെന്നും ഹസൻ ​ചോദിച്ചു.