ആലുവയിൽ ടാങ്കർ ലോറിയിടിച്ച് സ്‌കൂട്ടർ യാത്രികൻ മരിച്ചു 

ആലുവ: ടാങ്കർ ലോറിയിടിച്ച് സ്‌കൂട്ടർ യാത്രികൻ മരിച്ചു. ആലുവ കിഴക്കേദേശം സ്വദേശി മൈക്കിളാണ് (75) മരിച്ചത്. ദേശീയപാതയിൽ ആലുവ പറവൂർ കവലയിൽ രാവിലെ 11.15നാണ് അപകടമുണ്ടായത്.  

മണപ്പുറം ഭാഗത്ത് നിന്ന് ദേശീയപാതയിലേക്ക് കയറിയതാണ് മൈക്കിൾ. എന്നാൽ, ഈ സമയം അങ്കമാലി ഭാഗത്ത് നിന്ന് ആലുവ ഭാഗത്തേക്ക് പോകുന്ന വാഹനങ്ങൾക്ക് യാത്ര തുടരാനുള്ള സിഗ്‌നലായിരുന്നു. ഇതുപ്രകാരം മുന്നോട്ടെടുത്ത ടാങ്കർ ലോറിയാണ് ഇടിച്ചത്. 

ഇടിയെ തുടർന്ന് റോഡിൽ വീണ മൈക്കിളിനെ ഉടനെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.