മിച്ചഭൂമി കേസ്; സി.എം.ആർ.എല്ലിനെതി​രെ നടപടിക്ക്​ മടിച്ച്​ ലാൻഡ്​ ബോർഡ്

ആ​ല​പ്പു​ഴ: കൊ​ച്ചി​ൻ മി​ന​റ​ൽ​സ്​ ആ​ൻ​ഡ്​​ റൂ​ട്ട​യി​ൽ​ (സി.​എം.​ആ​ർ.​എ​ൽ) ക​മ്പ​നി​ക്കെ​തി​രാ​യ മി​ച്ച​ഭൂ​മി കേ​സി​ൽ ന​ട​പ​ടി​യെ​ടു​ക്കാ​തെ താ​ലൂ​ക്ക്​ ലാ​ൻ​ഡ്​ ബോ​ർ​ഡ്. ക​രി​മ​ണ​ൽ ഖ​ന​നം ല​ക്ഷ്യ​മി​ട്ട്​ ക​മ്പ​നി 2001ലാ​ണ്​ ആ​റാ​ട്ടു​പു​ഴ, തൃ​ക്കു​ന്ന​പ്പു​ഴ വി​ല്ലേ​ജു​ക​ളി​ലാ​യി 50 ഏ​ക്ക​റി​ലേ​റെ ഭൂ​മി വാ​ങ്ങി​ക്കൂ​ട്ടി​യ​ത്. ഭൂ ​പ​രി​ഷ്ക​ര​ണ നി​യ​മ പ്ര​കാ​ര​മു​ള്ള 15 ഏ​ക്ക​ർ എ​ന്ന പ​രി​ധി​യി​ൽ ക​വി​ഞ്ഞ്​ ഭൂ​മി സ്വ​ന്ത​മാ​ക്കി​യ​തി​നാ​ലാ​ണ്​ മി​ച്ച​ഭൂ​മി ഏ​റ്റെ​ടു​ക്കാ​ൻ റ​വ​ന്യൂ വ​കു​പ്പ്​ ന​ട​പ​ടി തു​ട​ങ്ങി​യ​ത്. ഫ​യ​ൽ ദീ​ർ​ഘ​നാ​ളാ​യി അ​മ്പ​ല​പ്പു​ഴ താ​ലൂ​ക്ക്​ ലാ​ൻ​ഡ്​ ബോ​ർ​ഡി​ന്‍റെ പ​ക്ക​ലാ​ണ്. ലാ​ൻ​ഡ്​ ബോ​ർ​ഡ്​ ന​ട​പ​ടി​ക​ളൊ​ന്നും എ​ടു​ത്തി​ട്ടി​ല്ല.

ഡെ​പ്യൂ​ട്ടി ക​ല​ക്ട​ർ​മാ​ർ​ക്കാ​ണ്​ ലാ​ൻ​ഡ്​ ബോ​ർ​ഡി​ന്‍റെ ചു​മ​ത​ല. ഭ​ര​ണ​പ​ക്ഷ രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ളാ​ണ്​ ലാ​ൻ​ഡ്​ ബോ​ർ​ഡ്​ അം​ഗ​ങ്ങ​ൾ. ഒ​മ്പ​ത്​ മി​ച്ച​ഭൂ​മി കേ​സു​ക​ൾ മാ​ത്ര​മാ​ണ്​ അ​മ്പ​ല​പ്പു​ഴ താ​ലൂ​ക്ക്​ ലാ​ൻ​ഡ്​ ബോ​ഡി​ന്‍റെ പ​രി​ഗ​ണ​ന​യി​ലു​ള്ള​ത്. ഇ​വ ഒ​ന്നും​ത​ന്നെ ലാ​ൻ​ഡ്​ ബോ​ർ​ഡ്​ പ​രി​ഗ​ണി​ക്കു​ന്നി​ല്ല. ലാ​ൻ​ഡ്​ ബോ​ർ​ഡ്​ മി​ച്ച​ഭൂ​മി​യാ​യി പ്ര​ഖ്യാ​പി​ച്ച്​ ഭൂ​മി ഏ​റ്റെ​ടു​ത്താ​ൽ അ​ത്​ ഭൂ​ര​ഹി​ത​ർ​ക്ക്​ വി​ത​ര​ണം ചെ​യ്യ​ണ​മെ​ന്നാ​ണ്​ നി​യ​മം. അ​പ്പോ​ൾ ഖ​ന​ന​ത്തി​ന്​ വി​ട്ടു​ന​ൽ​കു​ന്ന​തി​ന്​ ത​ട​സ്സ​മാ​കും.

സ്വ​കാ​ര്യ മേ​ഖ​ല​ക്കും ക​രി​മ​ണ​ൽ ഖ​ന​ന​ത്തി​ന്​ അ​നു​മ​തി ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ്​ സി.​എം.​ആ​ർ.​എ​ൽ, ത​മി​ഴ്​​നാ​ട്ടി​ലെ വി.​വി മി​ന​റ​ൽ​സ്​ ക​മ്പ​നി​ക​ൾ തീ​ര​ദേ​ശ​ത്ത്​ ഭൂ​മി വാ​ങ്ങി​യ​ത്. വി.​വി മി​ന​റ​ൽ​സ് ആ​റാ​ട്ടു​പു​ഴ വി​ല്ലേ​ജി​ൽ 11 ഏ​ക്ക​ർ ഭൂ​മി​യാ​ണ്​ വാ​ങ്ങി​യ​ത്. ഇ​ത്​ ഭൂ​പ​രി​ധി ക​വി​യാ​ത്ത​തി​നാ​ൽ അ​വ​ർ​ക്കെ​തി​രെ ന​ട​പ​ടി​യെ​ടു​ത്തി​ട്ടി​ല്ല. സി.​എം.​ആ​ർ.​എ​ൽ ക​രി​മ​ണ​ൽ ഖ​ന​ന​ത്തി​നാ​യി തീ​ര​ദേ​ശ​ത്തും മ​ണ​ൽ സം​സ്ക​ര​ണ പ്ലാ​ന്‍റ്​​ സ്ഥാ​പി​ക്കു​ന്ന​തി​ന്​ തീ​ര​ദേ​ശ​ത്തു​നി​ന്ന്​ മാ​റി തോ​ട്ട​പ്പ​ള്ളി​യി​ലെ ല​ക്ഷ്മി തോ​പ്പി​ലും ഭൂ​മി വാ​ങ്ങി.

സ്വ​കാ​ര്യ​മേ​ഖ​ല​ക്ക്​ ഖ​ന​നം ന​ട​ത്താ​ൻ കേ​ന്ദ്ര സ​ർ​ക്കാ​ർ അ​നു​വാ​ദം ന​ൽ​കാ​തി​രു​ന്ന​തോ​ടെ ക​മ്പ​നി​യു​ടെ പ​ദ്ധ​തി പാ​ളി. അ​തോ​ടെ ഭൂ​മി സ​ർ​ക്കാ​റി​ന്​ വി​ട്ടു​ന​ൽ​കാ​ൻ ക​മ്പ​നി നീ​ക്കം ന​ട​ത്തി​യി​രു​ന്നു. സ​ർ​ക്കാ​ർ ഏ​റ്റെ​ടു​ത്ത്​ ഐ.​ആ​ർ.​ഇ, കെ.​എം.​എം.​എ​ൽ ക​മ്പ​നി​ക​ൾ​ക്ക്​ പാ​ട്ട​ത്തി​ന്​ ന​ൽ​കി​ക്കാ​നും അ​വ​രെ​ക്കൊ​ണ്ട്​ ഖ​ന​നം ന​ട​ത്തി​ക്കാ​നു​മാ​ണ്​ ക​മ്പ​നി ല​ക്ഷ്യ​മി​ട്ട​തെ​ന്ന്​ ക​രി​മ​ണ​ൽ വി​രു​ദ്ധ സ​മ​ര​സ​മി​തി ആ​രോ​പി​ക്കു​ന്നു. ഈ ​ഭൂ​മി സം​ബ​ന്ധി​ച്ച ഫ​യ​ൽ അ​ഞ്ചു​വ​ർ​ഷ​മാ​യി മു​ഖ്യ​മ​ന്ത്രി​ക്ക് മു​ന്നി​ലാ​ണെ​ന്ന് പ​റ​യു​ന്നു.