സൺറൈസ് ഒന്നാംഘട്ട പദ്ധതി പൂർത്തീകരണ, ഫ്ലാറ്റ് സമർപ്പണ പരിപാടിക്ക് ഇന്ന് തുടക്കം
text_fieldsകൊച്ചി: സോളിഡാരിറ്റിയുടെ കീഴിലെ അമിറ്റി ചാരിറ്റബിൾ ട്രസ്റ്റിെൻറ നേതൃത്വത്തിെല ജനകീയ പുനർനിർമാണ പദ്ധതിയായ സൺറൈസ് കൊച്ചിയുടെ ഒന്നാംഘട്ട പദ്ധതി പൂർത്തീകരണവും 21 ഫ്ലാറ്റുകളുടെ സമർപ്പണവും ശനി, ഞായർ ദിവസങ്ങളിൽ നടക്കും. ഞായറാഴ്ച കൊച്ചി തുരുത്തി ഡി.െഎ.ടി അങ്കണത്തിൽ നടക്കുന്ന ചടങ്ങിൽ നിയമസഭ സ്പീക്കർ പി. ശ്രീരാമകൃഷ്ണൻ ഫ്ലാറ്റുകൾ കൈമാറുമെന്ന് സംഘാടകർ വാർത്തസമ്മേളനത്തിൽ അറിയിച്ചു.
സോളിഡാരിറ്റി സംസ്ഥാന പ്രസിഡൻറ് ടി. ശാക്കിർ വേളം അധ്യക്ഷത വഹിക്കും. ജമാഅത്തെ ഇസ്ലാമി കേരള അമീർ എം.െഎ. അബ്ദുൽ അസീസ്, സൺറൈസ് കൊച്ചി രക്ഷാധികാരി പ്രഫ. കെ.എ. സിദ്ദീഖ് ഹസൻ, എം.പിമാരായ കെ.വി. തോമസ്, എം.െഎ. ഷാനവാസ്, എം.എൽ.എമാരായ കെ.ജെ. മാക്സി, ഹൈബി ഇൗഡൻ, എം.ഇ.എസ് സംസ്ഥാന പ്രസിഡൻറ് ഡോ. ഫസൽ ഗഫൂർ, ഡോ. സെബാസ്റ്റ്യൻ പോൾ, നോവലിസ്റ്റ് ടി.ഡി. രാമകൃഷ്ണൻ, വെൽഫെയർ പാർട്ടി സംസ്ഥാന പ്രസിഡൻറ് ഹമീദ് വാണിയമ്പലം എന്നിവർ പെങ്കടുക്കും.
പീപിൾസ് ഫൗണ്ടേഷൻ ചെയർമാൻ പി. മുജീബ് റഹ്മാൻ മുഖ്യപ്രഭാഷണം നടത്തും. സ്വന്തം ഭൂമിയുള്ളവർക്ക് നിർമിച്ച 21ാമത് ഒറ്റമുറി വീടിെൻറ താക്കോൽദാനം കലക്ടർ കെ. മുഹമ്മദ് വൈ. സഫിറുല്ല നിർവഹിക്കും. സന്നദ്ധസേവനത്തിന് രൂപവത്കരിച്ച യുവാക്കളുടെ സംഘമായ ‘ടീം 99’ ലോഞ്ചിങ് മട്ടാഞ്ചേരി അസി. പൊലീസ് കമീഷണർ എസ്. വിജയൻ നിർവഹിക്കും. ഉച്ചക്ക് രണ്ടിന് അയൽക്കൂട്ട സംഗമം ജി.െഎ.ഒ മുൻ സംസ്ഥാന പ്രസിഡൻറ് റുഖ്സാന ഉദ്ഘാടനം ചെയ്യും. സി.എച്ച്. അബ്ദുൽ റഹീം, നടി പേളി മാണി, പ്രേമ ജി. പിഷാരടി, എം.വൈ. അബ്ദുൽ നാസർ എന്നിവർ പെങ്കടുക്കും.
സൺറൈസ് പ്രവർത്തനങ്ങൾ വിശദീകരിക്കുന്ന പ്രദർശനം ശനിയാഴ്ച ഫ്ലാറ്റ് അങ്കണത്തിൽ തുടങ്ങും. വൈകീട്ട് നാലിന് ഡി.െഎ.ടി ഹാളിൽ നടക്കുന്ന സുഹൃദ്സംഗമത്തിൽ ജമാഅത്തെ ഇസ്ലാമി സംസ്ഥാന സെക്രട്ടറി എം.കെ. മുഹമ്മദലി, ശൂറ അംഗം ടി.കെ. ഹുസൈൻ, ജസ്റ്റിസ് പി.കെ. ഷംസുദ്ദീൻ, സൺറൈസ് ചെയർമാൻ പി.െഎ. നൗഷാദ്, ടി. ശാക്കിർ എന്നിവർ പെങ്കടുക്കും. വൈകുന്നേരം ഏഴിന് ‘ഉൗരാളി’യുടെ സംഗീത ബാൻഡും ഉണ്ടാകും. ആർക്കിടെക്ട് ജി. ശങ്കറിെൻറ മാർഗനിർദേശമനുസരിച്ച് ഒന്നര േകാടി ചെലവിലാണ് ഫ്ലാറ്റുകൾ പണിതത്. അര സെൻറിൽ 400 ച.അടി വിസ്തീർണത്തിലാണ് ഒറ്റമുറി വീട്. 2012 ഏപ്രിൽ ഒന്നിനാണ് സൺറൈസ് പദ്ധതികൾക്ക് തുടക്കംകുറിച്ചത്.
ആംബുലൻസ് സർവിസ്, സ്വയംതൊഴിൽ സംരംഭ സഹായങ്ങൾ, ചികിത്സ സഹായം, കൗൺസലിങ്, അയ്യായിരത്തിലധികം കുടുംബങ്ങൾ അംഗങ്ങളായ അയൽക്കൂട്ടം, പലിശരഹിത മൈക്രോഫിനാൻസ് സംവിധാനം എന്നിവയും സൺറൈസിന് കീഴിൽ നടന്നുവരുന്നു.
വാർത്തസമ്മേളനത്തിൽ സൺറൈസ് സെക്രട്ടറി ശക്കീൽ മുഹമ്മദ്, സോളിഡാരിറ്റി ജില്ല ജന. സെക്രട്ടറി പി.എം. മുഹമ്മദ് റഫീഖ്, സൺറൈസ് കോർ കമ്മിറ്റി അംഗം കെ.കെ. ബഷീർ, പ്രോജക്ട് ഒാഫിസർ ജയ്ഫിൻ കരീം എന്നിവരും പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.