പ​രാ​തി​ക്കും വേ​ണം പ​ണം; സർക്കാർ അദാലത്തിൽ പരാതിക്കും സർവിസ്​ ചാർജ്​, അപേക്ഷ ഒന്നിന്​​ 20 രൂപ

തി​രു​വ​ന​ന്ത​പു​രം: താ​ലൂ​ക്ക​ടി​സ്ഥാ​ന​ത്തി​ൽ മ​ന്ത്രി​മാ​രു​ടെ നേ​തൃ​ത്വ​ത്തി​ൽ ന​ട​ത്താ​നി​രി​ക്കു​ന്ന അ​ദാ​ല​ത്തു​ക​ളി​ലേ​ക്ക്​ അ​​​പേ​ക്ഷ സ​മ​ർ​പ്പി​ക്കാ​നും ‘യൂ​സ​ർ ഫീ​സ്’​ നി​ശ്ച​യി​ച്ച്​​ സ​ർ​ക്കാ​ർ. സ​ർ​ക്കാ​ർ സം​വി​ധാ​ന​ങ്ങ​ളു​ടെ ചു​വ​പ്പു​നാ​ട​യി​ൽ കു​ടു​ങ്ങി​ക്കി​ട​ക്കു​ന്ന ആ​വ​ശ്യ​ങ്ങ​ൾ നി​വ​ർ​ത്തി​ച്ച്​ കി​ട്ടാ​ൻ ന​ട​ത്തു​ന്ന അ​ദാ​ല​ത്തു​ക​ളി​ലേ​ക്ക്​ അ​ക്ഷ​യ സെ​ന്‍റ​റു​ക​ൾ വ​ഴി സ​മ​ർ​പ്പി​ക്കു​ന്ന അ​പേ​ക്ഷ​ക​ൾ​ക്കാ​ണ്​ യൂ​സ​ർ ഫീ​സ്​ നി​ർ​ബ​ന്ധ​മാ​ക്കി ഉ​ത്ത​ര​വി​റ​ക്കി​യി​രി​ക്കു​ന്ന​ത്.

ക്ഷേ​മ പെ​ൻ​ഷ​നും റേ​ഷ​ൻ കാ​ർ​ഡും കൃ​ഷി​നാ​ശ​വു​മ​ട​ക്കം സാ​ധാ​ര​ണ​ക്കാ​രെ ബാ​ധി​ക്കു​ന്ന 28 ഓ​ളം വി​ഷ​യ​ങ്ങ​ളി​ൽ ന​ട​ക്കു​ന്ന അ​ദാ​ല​ത്തി​നാ​ണ്​ അ​പേ​ക്ഷ​രി​ൽ​നി​ന്ന്​ പ​ണം പി​രി​ക്കാ​നു​ള്ള തീ​രു​മാ​നം. ​ഐ.​ടി വ​കു​പ്പ്​ ഇ​റ​ക്കി​യ ഉ​ത്ത​ര​വ​നു​സ​രി​ച്ച്​ ഓ​​രോ അ​പേ​ക്ഷ​ക്കും 20 രൂ​പ​യാ​ണ്​ സ​ർ​വി​സ്​ ചാ​ർ​ജ്​. അ​പേ​ക്ഷ​ക്കൊ​പ്പം ന​ൽ​കേ​ണ്ട അ​നു​ബ​ന്ധ രേ​ഖ​ക​ൾ സ്കാ​ൻ ചെ​യ്യാ​ൻ​ പേ​ജൊ​ന്നി​ന്​ മൂ​ന്ന്​ രൂ​പ വീ​ത​വും പ്രി​ന്‍റ്​ എ​ടു​ക്കാ​ൻ​ മൂ​ന്ന്​ രൂ​പ​യും ന​ൽ​ക​ണം. പൊ​തു​ജ​ന​ങ്ങ​ൾ​ക്ക്​ നേ​രി​ട്ടും ഓ​ൺ​ലൈ​നാ​യും പ​രാ​തി​ക​ൾ സ​മ​ർ​പ്പി​ക്കാ​മെ​ന്നും ഇ​തി​നാ​വ​ശ്യ​മാ​യ ഓ​​ൺ​ലൈ​ൻ സം​വി​ധാ​നം ഒ​രു​ക്കു​മെ​ന്നു​മാ​യി​രു​ന്നു സ​ർ​ക്കാ​ർ പ്ര​ഖ്യാ​പ​നം. എ​ന്നാ​ൽ ഓ​ൺ​ലൈ​ൻ സം​വി​ധാ​ന​മൊ​രു​ക്കു​ന്ന​തി​ൽ​നി​ന്ന്​ പി​ന്മാ​റി​യ സ​ർ​ക്കാ​ർ അ​ക്ഷ​യ വ​ഴി പ​ണ​മ​ട​ച്ച്​ അ​പേ​ക്ഷ സ​മ​ർ​പ്പി​ക്കാ​ൻ സൗ​ക​ര്യ​മൊ​രു​ക്കു​ക​യാ​യി​രു​ന്നു.

അ​പേ​ക്ഷ​ക​ർ സാ​ധാ​ര​ണ​ക്കാ​രാ​ണെ​ന്ന​തി​നാ​ൽ അ​ക്ഷ​യ​കേ​ന്ദ്ര​ങ്ങ​ളെ സ​മീ​പി​ക്ക​ലേ നി​വൃ​ത്തി​യു​ള്ളൂ. ​അ​പേ​ക്ഷ ന​ട​പ​ടി​ക​ൾ വ​ഴി അ​ക്ഷ​യ കേ​ന്ദ്ര​ങ്ങ​ൾ​ക്കു​ണ്ടാ​കു​ന്ന സാ​മ്പ​ത്തി​ക ബാ​ധ്യ​ത ചൂ​ണ്ടി​ക്കാ​ട്ടി അ​ക്ഷ​യ ഡ​യ​റ​ക്ട​ർ മാ​ർ​ച്ച്​ 17ന്​ ​സ​ർ​ക്കാ​റി​ന്​ ക​ത്ത്​ സ​മ​ർ​പ്പി​ച്ചി​രു​ന്നു. ഇ​ത്​ പ​രി​ഗ​ണി​ച്ചാ​ണ്​ സ​ർ​വി​സ്​ ചാ​ർ​ജ​ട​ക്കം നി​ശ്ച​യി​ച്ച്​ ഉ​ത്ത​ര​വി​റ​ക്കി​യ​ത്. അ​ദാ​ല​ത്തി​ലേ​ക്ക്​ പ​രി​ഗ​ണി​ക്കേ​ണ്ട പ​രാ​തി​ക​ൾ ഓ​ഫി​സു​ക​ളി​ൽ നേ​രി​ട്ട്​ ന​ൽ​കാ​മെ​ങ്കി​ലും തു​ട​ർ​ച്ച​യാ​യി വ​രു​ന്ന അ​വ​ധി​യും തി​ര​ക്കും ഏ​റെ പ്ര​യാ​സ​മു​ണ്ടാ​ക്കു​ന്നു​വെ​ന്നാ​ണ്​ അ​പേ​ക്ഷ​ക​ർ ചൂ​ണ്ടി​ക്കാ​ട്ടു​ന്ന​ത്. സ​ർ​ക്കാ​റി​ന്റെ ക്ഷേ​മ​പെ​ൻ​ഷ​നും ക്ഷേ​മ​നി​ധി ബോ​ർ​ഡ് പെ​ൻ​ഷ​നും വാ​ങ്ങു​ന്ന ഗു​ണ​ഭോ​ക്താ​ക്ക​ളു​ടെ മ​സ്റ്റ​റി​ങ്ങി​ന്​ 30 രൂ​പ വീ​തം ഫീ​സ്​ ഈ​ടാ​ക്കി ഉ​ത്ത​ര​വി​റ​ങ്ങി​യ​ത്​ ക​ഴി​ഞ്ഞ​യാ​ഴ്ച​യാ​ണ്.

മ​ന്ത്രി​സ​ഭ​യു​ടെ ര​ണ്ടാം വാ​ര്‍ഷി​ക​ത്തോ​ട​നു​ബ​ന്ധി​ച്ച് ഏ​പ്രി​ല്‍, മേ​യ് മാ​സ​ങ്ങ​ളി​ലാ​ണ്​ താ​ലൂ​ക്ക് ആ​സ്ഥാ​ന​ങ്ങ​ളി​ല്‍ മ​ന്ത്രി​മാ​രു​ടെ നേ​തൃ​ത്വ​ത്തി​ല്‍ പ​രാ​തി പ​രി​ഹാ​ര അ​ദാ​ല​ത്​ ന​ട​ക്കു​ന്ന​ത്. ഭൂ​മി സം​ബ​ന്ധ​മാ​യ വി​ഷ​യ​ങ്ങ​ൾ (പോ​ക്കു​വ​ര​വ്, അ​തി​ർ​ത്തി നി​ർ​ണ​യം, ത​രം​മാ​റ്റം, അ​ന​ധി​കൃ​ത നി​ർ​മാ​ണം, ഭൂ​മി കൈ​യേ​റ്റം), സ​ർ​ട്ടി​ഫി​ക്ക​റ്റു​ക​ൾ-​ലൈ​സ​ൻ​സു​ക​ൾ എ​ന്നി​വ ന​ൽ​കു​ന്ന​തി​ലെ കാ​ല​താ​മ​സം, റ​വ​ന്യൂ റി​ക്ക​വ​റി-​വാ​യ്പ തി​രി​ച്ച​ട​വി​നു​ള്ള ഇ​ള​വു​ക​ളും സാ​വ​കാ​ശ​വും, ത​ണ്ണീ​ർ​ത്ത​ട സം​ര​ക്ഷ​ണം, പ്ര​കൃ​തി ദു​ര​ന്ത ന​ഷ്ട​പ​രി​ഹാ​രം തു​ട​ങ്ങി​യ വി​ഷ​യ​ങ്ങ​ളി​ലാ​ണ്​ അ​ദാ​ല​ത്.