രേഷ്​മക്ക്​​ ആറിലധികം ഫേസ്​ബുക്ക്​ ഐ.ഡി; ഒളിഞ്ഞിരിക്കുന്ന കാമുകനെക്കുറിച്ച് സൂചന ലഭിച്ചു

പാരിപ്പള്ളി (കൊല്ലം): കല്ലുവാതുക്കൽ ഊഴായിക്കോട് നവജാത ശിശുവിനെ കരിയിലക്കൂനയിൽ ഉപേക്ഷിച്ച സംഭവത്തിൽ പ്രതിയായ രേഷ്മയുടെ ഫേസ്ബുക്ക് കാമുകനെക്കുറിച്ച് പൊലീസിന് സൂചന ലഭിച്ചു. അനന്തു എന്നാണ് ഇയാളുടെ പേരെന്ന് രേഷ്മ നേരത്തെ മൊഴി നൽകിയിരുന്നു. ഇതി​െൻറ അടിസ്ഥാനത്തിൽ സൈബർ സെല്ലി​െൻറ സഹായത്തോടെ ഈ പേരിലുള്ള ഇരുന്നൂറോളം പേരുടെ ഫേസ്ബുക്ക് ഐ.ഡി പൊലീസ് ശേഖരിച്ചു.

ഇവ വിശദമായി പരിശോധിച്ചശേഷം നാലുപേരുടെ ഐ.ഡിയാണ് അവസാനമായി പരിശോധിക്കുന്നത്. ഇവരെക്കുറിച്ച് വിവരങ്ങൾ ലഭിക്കുന്നതിന് അന്വേഷണസംഘം നിരീക്ഷണം നടത്തിവരികയാണ്. ചില സൂചനകളുടെ അടിസ്ഥാനത്തിൽ ഇവരിലൊരാളാകും രേഷ്മയുടെ ഒളിഞ്ഞിരിക്കുന്ന കാമുകനെന്നാണ് പൊലീസ് കരുതുന്നത്.

ഇക്കാര്യത്തിൽ വ്യക്തത വരുത്താൻ ഫേസ്ബുക്കി​െൻറ സഹായം തേടിയിട്ടുണ്ട്. രേഷ്മക്ക് ആറിലധികം ഐ.ഡികൾ ഉണ്ടായിരുന്നതായി വ്യക്തമായിട്ടുണ്ട്. ഓരോ ഐ.ഡിയും ഏതാനും മാസം ഉപയോഗിച്ച​ശേഷം ഉപേക്ഷിക്കുകയായിരുന്നു ചെയ്തുവന്നത്.

രേഷ്മയുടെ ഭർത്താവ് വിഷ്ണു, വിഷ്ണുവി​െൻറ സഹോദരനും ആത്മഹത്യ ചെയ്ത ആര്യയുടെ ഭർത്താവുമായ രഞ്ജിത്ത് എന്നിവരെ കഴിഞ്ഞ ദിവസം പൊലീസ് ചോദ്യം ചെയ്തിരുന്നു. കോവിഡ് പോസിറ്റീവായ പ്രതിയെ അട്ടക്കുളങ്ങര വനിത ജയിലിൽ പാർപ്പിച്ചിരിക്കുകയാണ്.

ജ​നു​വ​രി അ​ഞ്ചി​നാണ്​ ക​ല്ലു​വാ​തു​ക്ക​ൽ ഊ​ഴാ​യ്ക്കോ​ട് ക​രി​യി​ല​കൊ​ണ്ട് മൂ​ടി​യ നി​ല​യി​ൽ ന​വ​ജാ​ത ശി​ശു​വി​നെ ക​ണ്ട​ത്തി​യത്​. പൂ​ർ​ണ വ​ള​ർ​ച്ച​യെ​ത്തി​യ ആ​ൺ​കു​ഞ്ഞി​ന് മൂ​ന്ന​ര​കി​ലോ ഭാ​രം ഉ​ണ്ടാ​യി​രു​ന്നു. ഫേ​സ്ബു​ക്കി​ൽ പ​രി​ച​യ​പ്പെ​ട്ട കാ​മു​ക​നോ​ടൊ​പ്പം പോ​കാനാ​യി ശി​ശു​വി​നെ ഉ​പേ​ക്ഷി​ച്ചു എ​ന്നാ​ണ് രേ​ഷ്മ​യു​ടെ മൊ​ഴി.