എൽ.പി.ജി പ്ലാൻറ്: സമരം ചെയ്​ത സ്​ത്രീകളെയും കുട്ടികളെയും തല്ലിച്ചതച്ചു; നൂറോളം പേർക്ക്​ പരിക്ക്​

കൊച്ചി: പുതുവൈപ്പിൽ ഇന്ത്യൻ ഒായിൽ കോർപറേഷ​​​െൻറ (​െഎ.ഒ.സി) എൽ.പി.ജി പ്ലാൻറിനെതിരായ ജനകീയ സമരത്തിനുനേരെ പൊലീസ്​ നരനായാട്ട്​. സ്​ത്രീകളും കുട്ടികളും വയോധികരുമടക്കമുള്ളവരെ നിർദയം തല്ലിച്ചതച്ചു. നൂറോളം പേർക്ക്​ പരിക്കേറ്റു. മുപ്പതോളം പേരെ ആശുപത്രികളിൽ പ്രവേശിപ്പിച്ചു. ഞായറാഴ്​ച രാവിലെ പ​േത്താടെയാണ്​ സംഭവം. പത്ത്​ വർഷമായി പ്രദേശവാസികൾ നടത്തിവരുന്ന പ്രതിഷേധ സമരം പ്ലാൻറി​​​െൻറ നിർമാണ പ്രവർത്തനങ്ങൾ പുനരാരംഭിച്ചതിനെത്തുടർന്ന്​ ഒരാഴ്​ച മുമ്പാണ്​ ശക്തമാക്കിയത്​. വെള്ളിയാഴ്​ച സ്ഥലം സന്ദർശിച്ച ഫിഷറീസ്​ മന്ത്രി ജെ. മേഴ്​സിക്കുട്ടിയമ്മ വിഷയം മുഖ്യമന്ത്രിയുടെ സാന്നിധ്യത്തിൽ ചർച്ച ചെയ്യാമെന്നും ദേശീയ ഹരിത ട്രൈബ്യൂണലി​​​െൻറ അന്തിമ വിധി വരുംവരെ​ പ്ലാൻറി​​​െൻറ നിർമാണം നിർത്തിവെപ്പിക്കാമെന്നും ഉറപ്പ്​ നൽകിയിരുന്നു.

ഇതോടെ, സമരത്തിന്​ താൽ​ക്കാലിക വിരാമമായി. എന്നാൽ, ഉറപ്പ്​ ലംഘിച്ച്​ ഞായറാഴ്​ച രാവിലെ പൊലീസ്​ സംരക്ഷണത്തിൽ നിർമാണജോലികൾക്ക്​ ശ്രമിച്ചതാണ്​ നാട്ടുകാരെ പ്രകോപിപ്പിച്ചത്​. മുപ്പത്തിഅഞ്ചോളം ഇതര സംസ്ഥാന തൊഴിലാളി​കൾ പ്ലാൻറിൽ എത്തിയെന്നറിഞ്ഞ സമരസമിതി കവാടം ഉ​പരോധിച്ചു. ഇതിനിടെ പ്ലാൻറി​​​െൻറ മതിൽക്കെട്ടിനുള്ളിൽനിന്നും തിരിച്ചും കല്ലേറുണ്ടായി. സമരക്കാരാണ്​ കല്ലെറിഞ്ഞതെന്ന്​ പൊലീസും പ്ലാൻറിൽനിന്നാണെന്ന്​​ സമരക്കാരും പറയുന്നു​. പിരിഞ്ഞുപോകാൻ കൂട്ടാക്കാതെ മുദ്രാവാക്യം വിളികളുമായി നിലയുറപ്പിച്ച സമരക്കാരെ ഡിവൈ.എസ്​.പി വിജയകുമാറി​​​െൻറ നേതൃത്വത്തിൽ പൊലീസ്​ നിഷ്​ഠൂരമായാണ്​ നേരിട്ടത്​.​  

ഞായറാഴ്​ചയായതിനാൽ വിദ്യാർഥികളടക്കം സമരത്തിനെത്തിയിരുന്നു. സ്​ത്രീകളും കുട്ടികളും വയോധികരുമടക്കമുള്ളവരെ പൊലീസ്​ വളഞ്ഞിട്ട്​ ആക്രമിച്ചു. റോഡരികിൽ കണ്ടുനിന്നവർക്കും അടികിട്ടി. നിലത്തുവീണവരെ വളഞ്ഞിട്ട്​ തല്ലി വലിച്ചിഴച്ചു. പ്രാണരക്ഷാർത്ഥം ഒാടിയവരെ പിന്തുടർന്ന്​ അടിച്ചുവീഴ്​ത്തി. രംഗം കണ്ട്​ ഭയന്ന്​്​വിറച്ച  കുട്ടികൾ വാവിട്ട്​ നിലവിളിച്ചു.  മക്കളെ തല്ലുന്നതുകണ്ട്​ തടയാനെത്തിയ പ്രായ​മായ സ്​ത്രീകളെയും വെറുതെവിട്ടില്ല. ഇര​ുനൂറോളം സമരക്കാർ​ അറസ്​റ്റിലായി. ചോരവാർന്ന നിലയിലാണ്​ പലരെയും പൊലീസ്​ വാഹനത്തിൽ കയറ്റിയത്​. കളമശ്ശേരി എ.ആർ ക്യാമ്പിലെത്തിച്ച ഇവരെ ​പൊലീസ്​ ബലം പ്രയോഗിച്ചാണ്​ വാഹനത്തിൽനിന്ന്​ ഇറക്കിയത്​.

മതാപിതാക്കൾ അറസ്​റ്റിലായതോടെ പെൺകുട്ടികളടക്കം സമീപത്തെ വീടുകളിൽ അഭയം തേടി.എറണാകുളം ജനറൽ ആശുപത്രിയിൽ കഴിയുന്ന 22 പേരിൽ വൈപ്പിൻ സ്വദേശികളായ സാബു, ഷീല ഗിരീഷ്​, ബൈജു, വിനു എന്നിവർക്ക്​ സാരമായ പരിക്കുണ്ട്​. കെ.വി. തോമസ്​ എം.പി, ഹൈബി ഇൗഡൻ എം.എൽ.എ, കെ.പി.സി.സി ജനറൽ സെ​ക്രട്ടറി ലതിക സുഭാഷ്​, ഡൊമിനിക്​ പ്രസ​േൻറഷൻ തുടങ്ങിയവർ സമരക്കാർക്ക്​ ​െഎക്യദാർഢ്യവുമായി സ്ഥലത്തെത്തി. മുൻ മുഖ്യമന്ത്രി ഉമ്മൻ ചാണ്ടി, വരാപ്പുഴ ആർച്ച്​ ബിഷപ്പ്​ ഡോ. ജോസഫ്​ കളത്തിപ്പറമ്പിൽ, സ്ഥലം എം.എൽ.എ എസ്​. ശർമ എന്നിവർ പരിക്കേറ്റവരെ ആശുപത്രിയിൽ സന്ദർശിച്ചു.വെള്ളിയാഴ്​ച പുതുവൈപ്പിൽ ഡെപ്യൂട്ടി പൊലീസ്​ കമീഷണർ (ഡി.സി.പി) യതീഷ്​ ച​ന്ദ്രയുടെ നേതൃത്വത്തിൽ സമരക്കാർക്ക്​ നേരെ നടന്ന പൊലീസ്​ അഴിഞ്ഞാട്ടത്തി​​​െൻറ തുടർച്ചയാണ്​ ഞായറാഴ്​ചയും കണ്ടത്​. യുവാക്കളെ വലിച്ചിഴച്ചും കൈക്കുഞ്ഞുങ്ങളുമായെത്തിയ സ്​ത്രീകളെ ഭീഷണിപ്പെടുത്തിയും ഭീകരാന്തരീക്ഷം സൃഷ്​ടിച്ച ഡി.സി.പിക്കെതിരെ നടപടി വേണമെന്ന ആവശ്യത്തിൽ ഉറച്ചുനിൽക്കുകയാണ്​ സമരസമിതി.