ദിലീപിന്‍റെ വീട്ടിൽവെച്ച് ബാലചന്ദ്ര കുമാറിനെ കണ്ടിട്ടുണ്ടെന്ന് പൾസർ സുനി; സാക്ഷിയുടെ ഫോൺ സംഭാഷണം പുറത്ത്

കൊച്ചി: നടി ആക്രമിക്കപ്പെട്ട കേസിൽ മുഖ്യപ്രതി പൾസർ സുനിയും സാക്ഷി ജിൻസനും തമ്മിലുള്ള ഫോൺ സംഭാഷണം പുറത്ത്. നടൻ ദിലീപിന്‍റെ വീട്ടിലും ഹോട്ടലിലും വെച്ച് സംവിധായകൻ ബാലചന്ദ്രകുമാറിനെ കണ്ടതായി ഫോൺ സംഭാഷണത്തിൽ പൾസർ സുനി ജിൻസനോട് സമ്മതിക്കുന്നുണ്ട്. പിക് പോക്കറ്റ് സിനിമയുമായി ബന്ധപ്പെട്ടും ബാലചന്ദ്രകുമാറുമായി കണ്ടിട്ടുണ്ടെന്ന് പൾസർ സുനി ഫോൺ സംഭാഷണത്തിൽ വ്യക്തമാക്കുന്നു.

കേസ് പുനരന്വേഷിക്കാൻ സാധ്യതയുണ്ടോ എന്ന പൾസർ സുനിയുടെ ചോദ്യത്തിന് മാധ്യമങ്ങളിൽ അത്തരത്തിലാണ് വരുന്നതെന്ന് ജിൻസൺ പറയുന്നുണ്ട്. എല്ലാ തെളിവുകളും ഉള്ളതു പോലെയാണ് ബാലചന്ദ്രകുമാർ പറ‍യുന്നത്. സംഭവം നടന്നതായി എല്ലാവരും വിശ്വസിക്കുമെന്നും ജിൻസൺ വ്യക്തമാക്കുന്നു.

ബാലചന്ദ്ര കുമാർ പറഞ്ഞ കാര്യങ്ങളിൽ വസ്തുതയുണ്ടെന്ന് മനസിലാക്കാൻ സാധിക്കുമെന്നും ജിൻസൺ ഫോൺ സംഭാഷണത്തിൽ പറയുന്നതായി റിപ്പോർട്ട്.

ദി​ലീ​പി​നെ​തി​രാ​യ പു​തി​യ വെ​ളി​പ്പെ​ടു​ത്ത​ലു​ക​ളു​ടെ പ​ശ്ചാ​ത്ത​ല​ത്തി​ൽ ബു​ധ​നാ​ഴ്ച ബാ​ല​ച​ന്ദ്ര​കു​മാ​റി​ൽ ​നി​ന്ന്​ പ്ര​ത്യേ​ക അ​ന്വേ​ഷ​ണ​സം​ഘം ര​ഹ​സ്യ​മൊ​ഴി എ​ടു​ക്കാ​നി​രി​ക്കെയാണ് പ്രതിയും സാക്ഷിയും തമ്മിലുള്ള ഫോൺ സംഭാഷണം പുറത്തുവന്നത്. പൾസർ സുനിയുമായി ദിലീപിന് അടുത്ത സൗഹൃദമുണ്ടെന്നും പല തവണ ദിലീപിനൊപ്പം സുനിയെ കണ്ടിട്ടുണ്ടെന്നും ആണ് ബാലചന്ദ്രകുമാർ മാധ്യമങ്ങളോട് വെളിപ്പെടുത്തിയത്. ഇതുപ്രകാരം ദിലീപും കേസിലെ പ്രതിയും തമ്മിൽ അടുത്ത ബന്ധമുണ്ടെന്ന ബാലചന്ദ്രകുമാറിന്‍റെ മൊഴി ശരിവെക്കുന്നതാണ് പുറത്തുവന്ന ഫോൺ സംഭാഷണം.

ന​ടി​യെ ആ​ക്ര​മി​ച്ച സം​ഭ​വ​വു​മാ​യി ബ​ന്ധ​പ്പെ​ട്ട് ന​ട​ൻ ദി​ലീ​പി​നെ​തി​രെ പു​തി​യ കേ​സ് കഴിഞ്ഞ ദിവസം ക്രൈം​ബ്രാ​ഞ്ച് ര​ജി​സ്റ്റ​ർ ചെ​യ്തിരുന്നു. അ​ന്വേ​ഷ​ണ ഉ​ദ്യോ​ഗ​സ്ഥ​രെ അ​പാ​യ​പ്പെ​ടു​ത്താ​ൻ ഗൂ​ഢാ​ലോ​ച​ന ന​ട​ത്തി​യ​തി​ന് ദി​ലീ​പ് ഉ​ൾ​പ്പെ​ടെ ആ​റു ​പേ​ർ​ക്കെ​തി​രെ​യാ​ണ് ജാ​മ്യ​മി​ല്ലാ വ​കു​പ്പ് പ്ര​കാ​രം കേ​സെ​ടു​ത്തി​രി​ക്കു​ന്ന​ത്. ദി​ലീ​പി​നെ ഒ​ന്നാം പ്ര​തി​യാ​ക്കി ര​ജി​സ്റ്റ​ർ ചെ​യ്ത കേ​സി​ൽ സ​ഹോ​ദ​ര​ൻ അ​നൂ​പ്, സ​ഹോ​ദ​രീ​ഭ​ർ​ത്താ​വ് സു​രാ​ജ് എ​ന്നി​വ​രാ​ണ് ര​ണ്ടും മൂ​ന്നും പ്ര​തി​ക​ൾ. അ​പ്പു, ബൈ​ജു ചെ​ങ്ങ​മ​നാ​ട് എ​ന്നി​വ​രാ​ണ് നാ​ലും അ​ഞ്ചും പ്ര​തി​ക​ൾ.

ക​ണ്ടാ​ല​റി​യാ​വു​ന്ന വ്യ​ക്തി​യെ​ന്നാ​ണ് ആ​റാം പ്ര​തി​യെ​ക്കു​റി​ച്ച് എ​ഫ്.​ഐ.​ആ​റി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത്. ന​ടി​യെ ആ​ക്ര​മി​ച്ച സം​ഭ​വ​ത്തി​ലെ അ​ന്വേ​ഷ​ണ​ത്തി​ന് നേ​തൃ​ത്വം ന​ൽ​കി​യി​രു​ന്ന ഉ​ദ്യോ​ഗ​സ്ഥ​രാ​യ ബി. ​സ​ന്ധ്യ, എ​റ​ണാ​കു​ളം മു​ൻ റൂ​റ​ൽ എ​സ്.​പി​യും ഇ​പ്പോ​ൾ ഐ.​ജി​യു​മാ​യ എ.​വി. ജോ​ർ​ജ്, എ​സ്.​പി. സു​ദ​ർ​ശ​ൻ, സോ​ജ​ൻ, ബൈ​ജു പൗ​ലോ​സ് എ​ന്നി​വ​രെ അ​പാ​യ​പ്പെ​ടു​ത്താ​ൻ ഗൂ​ഢാ​ലോ​ച​ന ന​ട​ത്തി​യ​തി​നാ​ണ് കേ​സ്.

ത​ന്‍റെ ദേ​ഹ​ത്ത് കൈ​വെ​ച്ച ക്രൈം​ബ്രാ​ഞ്ച് എ​സ്.​പി സു​ദ​ർ​ശ​ന്‍റെ കൈ​വെ​ട്ട​ണം, അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ ബൈ​ജു പൗ​ലോ​സി​നെ അ​പാ​യ​പ്പെ​ടു​ത്ത​ണ​മെ​ന്ന രീ​തി​യി​ൽ ദി​ലീ​പ് മ​റ്റു​പ്ര​തി​ക​ളു​മാ​യി സം​ഭാ​ഷ​ണം ന​ട​ത്തി​യെ​ന്നും ഇ​തി​ൽ ചൂ​ണ്ടി​ക്കാ​ട്ടു​ന്നു. സം​വി​ധാ​യ​ക​ൻ ബാ​ല​ച​ന്ദ്ര​കു​മാ​റി​ന്‍റെ വെ​ളി​പ്പെ​ടു​ത്ത​ലി​ന് പി​ന്നാ​ലെ പു​റ​ത്തു​വ​ന്ന ദി​ലീ​പി​ന്‍റെ ചി​ല ഓ​ഡി​യോ ക്ലി​പ്പു​ക​ളാ​ണ് പു​തി​യ കേ​സി​ലേ​ക്ക് വ​ഴി​വെ​ച്ചി​രി​ക്കു​ന്ന​ത്. പ്ര​തി​ക​ളു​ടെ ഗൂ​ഢാ​ലോ​ച​ന ബാ​ല​ച​ന്ദ്ര​കു​മാ​ർ നേ​രി​ട്ട് കാ​ണാ​നും കേ​ൾ​ക്കാ​നും ഇ​ട​യാ​യി​ട്ടു​ണ്ടെ​ന്ന് എ​ഫ്.​ഐ.​ആ​റി​ൽ പ​റ​യു​ന്നു.