സാക്ഷി മഹാരാജ് വെളിപ്പെടുത്തിയത്​ സംഘപരിവാറി​െൻറ മനുഷ്യത്വ വിരുദ്ധമുഖം– പിണറായി വിജയൻ

തിരുവനന്തപുരം: പ്രായപൂര്‍ത്തിയാകാത്ത പെണ്‍കുട്ടിയെ ബലാത്സംഗം ചെയ്ത കുറ്റവാളിയെ പുണ്യാത്മാവായി വിശേഷിപ്പിക്കുന്ന ബി.ജെ.പി എം.പി സാക്ഷി മഹാരാജ് സംഘപരിവാറി​​​െൻറ മനുഷ്യത്വ വിരുദ്ധ മുഖമാണ് വെളിപ്പെടുത്തുന്നതെന്ന്​ മുഖ്യമന്ത്രി പിണറായി വിജയൻ.   ബലാൽസംഗ കേസില്‍ കുറ്റക്കാരനെന്നു കോടതി കണ്ടെത്തിയ ഗുര്‍മീത് റാം റഹീം സിംഗിനെ ശിക്ഷിച്ചത് ‘ഇന്ത്യന്‍ സംസ്‌കാരത്തെ അപകീര്‍ത്തിപ്പെടുത്താനുള്ള ശ്രമത്തി​​​െൻറ ഭാഗമാണെന്നും ഇപ്പോള്‍ നടക്കുന്ന അക്രമ സംഭവങ്ങള്‍ക്ക് കോടതിയാണ് ഉത്തരവാദിയെന്നു"മാണ്  ബി ജെ പി പാർലമെന്റംഗം  സാക്ഷി മഹാരാജ് പ്രതികരിച്ചത്.  

കോടതി വിധിയെ തുടർന്നുണ്ടായ അക്രമ സംഭവങ്ങൾ കൂട്ടക്കൊലയായും അനിയന്ത്രിത കലാപമായും മാറിയപ്പോഴാണ് ബി.ജെ.പി നേതാവി​​​െൻറ പ്രതികരണം വന്നത്. കോടിക്കണക്കിന് ജനങ്ങള്‍ ദൈവമായി കാണുന്ന റാം റഹീമോ അദ്ദേഹത്തിനെതിരെ പരാതിപ്പെട്ട പെണ്‍കുട്ടിയോ ശരി എന്ന സാക്ഷി മഹാരാജി​​​െൻറ ചോദ്യം ആക്രമിക്കപ്പെടുന്ന സ്ത്രീത്വത്തോടുള്ള വെല്ലുവിളിയും ക്രൂര പരിഹാസവുമാണ്​ സാക്ഷി മഹാരാജി​േൻറതെന്ന്​ പിണറായി ഫേസ്​ബുക്ക്​ പോസ്​റ്റിൽ ആരോപിക്കുന്നു.  

 ഇരയെ അധിക്ഷേപിച്ചു വേട്ടക്കാരനെ രക്ഷിക്കാനുള്ള  എം.പിയുടെ നീക്കം ക്രിമിനൽ കുറ്റമാണ്. ജമാ മസ്ജിദ് തലവന്‍ ഷാഹി ഇമാമിനെ ഈ വിധത്തില്‍ ശിക്ഷിക്കാന്‍ ഹൈക്കോടതിയോ സുപ്രീം കോടതിയോ തയാറാകുമോ എന്ന ചോദ്യത്തിലൂടെ സംഘപരിവാറിന് വേണ്ടപ്പെട്ടവർ നിയമത്തിനു അധീതരാണ് എന്നാണ് മഹാരാജ്​ പ്രഖ്യാപിക്കുന്നത്. ഇത് ജുഡീഷ്യറിയോടുള്ള വെല്ലുവിളിയും വർഗീയതയുടെ നഗ്നമായ പ്രകാശനവും കലാപകാരികൾക്കുള്ള പ്രോത്സാഹനവും ആണ്.

ഗോഡ്സെ ദേശീയവാദിയാണെന്നും ഗാന്ധിജിയോടൊപ്പം ആദരിക്കേണ്ട വ്യക്തിയാണെന്നും പറഞ്ഞതടക്കം പ്രകോപനപരമായ നിരവധി പ്രസ്താവനകൾ നടത്തുകയും അനേകം ക്രിമിനൽ കേസുകളിൽ കുറ്റാരോപിതനാവുകയും  ചെയ്തയാളാണ്​ സാക്ഷി മഹാരാജ്. സംഘപരിവാറി​​​െൻറ നാവാണ് എം.പിയെന്നും അദ്ദേഹത്തിലൂടെ പ്രകടമാകുന്നത് സംഘ പരിവാറി​​​െൻറ നയമാണ്. സാക്ഷിയെ തള്ളിപ്പറയാൻ തയാറാകാതെ പ്രധാനമന്ത്രി നരേന്ദ്രമോദി അടക്കം ഉള്ള ബി.ജെ.പി-ആർ.എസ് .എസ് നേതൃത്വം  മൗനസമ്മതം നൽകുകയാണെന്നും പിണറായി ആരോപിക്കുന്നു.