നിസാം ജയിലിലിൽ ഫോൺ ഉപയോഗിച്ചിട്ടില്ല -മുഖ്യമന്ത്രി

തിരുവനന്തപുരം: ചന്ദ്രബോസ് വധക്കേസില്‍ ശിക്ഷയനുഭവിക്കുന്ന വ്യവസായി മുഹമ്മദ് നിസാം ജയിലിനുള്ളിൽ വച്ച് ഫോൺ ഉപയോഗിച്ചിട്ടില്ലെന്ന് മുഖ്യമന്ത്രി പിണറായി വിജയൻ. നിയമസഭയിലാണ് മുഖ്യമന്ത്രി ഇക്കാര്യം പറഞ്ഞത്.  

നിസാമിനെ ബംഗളൂരുവിലെ കോടതിയിൽ കൊണ്ടുപോകുന്നതിനിടെയാണ് ഫോൺ ഉപയോഗിച്ചത്. ഇതേക്കുറിച്ച് അന്വേഷണം നടത്തുകയും സംഭവത്തിന് ഉത്തരവാദികളായ ഉദ്യോഗസ്ഥരെ സസ്പെൻഡ് ചെയ്യുകയും ചെയ്തു. നിസാം മാധ്യമങ്ങളോട് ഫോണിൽ സംസാരിച്ചത് സംബന്ധിച്ച് വിശദമായ അന്വേഷണം നടത്തുമെന്നും മുഖ്യമന്ത്രി പറഞ്ഞു.