മരട് വാൻ അപകടം: ബാലാവകാശ കമീഷൻ കേസെടുത്തു

തിരുവനന്തപുരം: എറണാകുളം മരടിൽ ഡേ കെയർ സ​​െൻററി​​െൻറ വാൻ കുളത്തിലേക്ക്​ മറിഞ്ഞ് രണ്ട് കുഞ്ഞുങ്ങളും ആയയും മരിക്കാനിടയായ സംഭവത്തിൽ സംസ്​ഥാന ബാലാവകാശ സംരക്ഷണ കമീഷൻ സ്വമേധയാ കേസെടുത്തു. സ്​കൂൾ വാഹനങ്ങൾ അമിതവേഗത്തിലും അശ്രദ്ധമായും ഓടിക്കുകയും മോട്ടോർ വാഹന നിയമങ്ങൾ പാലിക്കാതിരിക്കുകയും ചെയ്യുന്നത് തടയാൻ കമീഷൻ 2015ൽ ഉത്തരവ് നൽകിയിരുന്നു. 

പൊതുവിദ്യാഭ്യാസ ഡയറക്ടർ ഇതി​​െൻറ അടിസ്​ഥാനത്തിൽ കർശന നിർദേശങ്ങൾ നൽകുകയും ചെയ്തു. എന്നിട്ടും മിക്ക സ്​കൂൾ അധികൃതരും വാഹന ഉടമസ്​ഥരും ഇവ പാലിക്കുന്നതിൽ ജാഗ്രത പാലിക്കുന്നില്ലെന്നാണ് കാണുന്നത്. ഇക്കാര്യത്തിൽ ഇനിയും അലംഭാവം അനുവദിക്കാനാവില്ലെന്ന് കമീഷൻ നിരീക്ഷിച്ചു.