പ​ട​ക്ക വി​പ​ണി വ​ർ​ഷം മു​ഴു​വ​ൻ സ​ജീ​വ​മാ​കു​ന്നു

പു​ൽ​പ​ള്ളി: മ​റ്റ് വ്യാ​പാ​ര​രം​ഗ​ങ്ങ​ളെ​പ്പോ​ലെ പ​ട​ക്ക വി​പ​ണി​യും വ​ർ​ഷം മു​ഴു​വ​ൻ സ​ജീ​വ​മാ​കു​ന്നു. മു​മ്പെ​ല്ലാം വി​ഷു, ക്രി​സ്​​മ​സ്​ ഉ​ൾ​പ്പെ​ടെ​യു​ള്ള സീ​സ​ണു​ക​ളി​ലാ​യി​രു​ന്നു സ​ജീ​വ​മാ​യി​രു​ന്ന​ത്. ഇ​ന്ന് വ​ർ​ഷം മു​ഴു​വ​ൻ ന​ട​ക്കു​ന്ന വ്യാ​പാ​ര​മാ​യി പ​ട​ക്ക ക​ച്ച​വ​ട​വും മാ​റി. വ​യ​നാ​ട്ടി​ൽ വ​ന്യ​ജീ​വി​ശ​ല്യം വ​ർ​ധി​ച്ച​തോ​ടെ കൃ​ഷി​യി​ട​ങ്ങ​ളി​ലെ​ത്തു​ന്ന വ​ന്യ​ജീ​വി​ക​ളെ തു​ര​ത്താ​ൻ പ​ട​ക്ക​ങ്ങ​ളും മ​റ്റും ഉ​പ​യോ​ഗി​ച്ച് വ​രു​ന്നു​ണ്ട്. ദി​വ​സ​ങ്ങ​ൾ ക​ഴി​യും തോ​റും വ​ന്യ​ജീ​വി​ശ​ല്യം കൂ​ടു​ന്ന​ത് പ​ട​ക്ക​വി​ൽ​പ​ന വ​ർ​ധി​ക്കു​ന്ന​തി​ന് കാ​ര​ണ​മാ​കു​ന്നു. ജി​ല്ല​യി​ലെ വി​വി​ധ ടൗ​ണു​ക​ളി​ൽ എ​ല്ലാ ദി​വ​സ​ങ്ങ​ളി​ലും തു​റ​ക്കു​ന്ന പ​ട​ക്ക ക​ട​ക​ൾ ഇ​പ്പോ​ൾ കാ​ഴ്ച​യാ​ണ്.

വി​ഷു അ​ടു​ത്തെ​ത്തി​യ​തോ​ടെ പ​ട​ക്ക​വി​പ​ണി​യി​ൽ കൂ​ടു​ത​ൽ ഉ​ണ​ർ​വ് അ​നു​ഭ​വ​പ്പെ​ട്ടി​ട്ടു​ണ്ട്. പൊ​ട്ടു​ന്ന പ​ട​ക്ക​ങ്ങ​ളെ​ക്കാ​ൾ വ​ർ​ണ​ത്തി​ൽ പ്ര​കാ​ശി​ക്കു​ന്ന നി​ല​ച​ക്രം, പൂ​ത്തി​രി, ക​മ്പി​ത്തി​രി, പു​ക്കു​റ്റി തു​ട​ങ്ങി​യ​വ​ക്കാ​ണ് വി​ൽ​പ​ന​യേ​റെ. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് നി​ര​വ​ധി പു​തി​യ ഇ​ന​ങ്ങ​ൾ മാ​ർ​ക്ക​റ്റി​ൽ എ​ത്തി​യി​ട്ടു​ണ്ട്. മു​ൻ​വ​ർ​ഷ​ത്തേ​ക്കാ​ൾ വി​ല​യും ഉ​യ​ർ​ന്നി​ട്ടു​ണ്ട്. വി​ഷു അ​ടു​ക്കു​ന്ന​തോ​ടെ കൂ​ടു​ത​ൽ ക​ച്ച​വ​ടം ഉ​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ് ക​ച്ച​വ​ട​ക്കാ​ർ.