കു​റി​ച്യാ​ട്ടു​കാ​ര്‍ക്ക് വോ​ട്ട് ചെ​യ്യാ​ന്‍ കാ​ടി​റ​ങ്ങേ​ണ്ട

ക​ൽ​പ​റ്റ: വോ​ട്ട് ചെ​യ്യാ​ന്‍ കു​റി​ച്യാ​ട്ടു​കാ​ര്‍ക്ക് ഇ​ത്ത​വ​ണ കാ​ടി​റ​ങ്ങേ​ണ്ട. കാ​ടി​നു​ള്ളി​ലെ ഏ​ക സ​ര്‍ക്കാ​ര്‍ സ്ഥാ​പ​ന​മാ​യ ഏ​കാ​ധ്യാ​പ​ക വി​ദ്യാ​ല​യ​ത്തി​ല്‍ ഇ​വ​ര്‍ക്കും വോ​ട്ടു​ചെ​യ്യാം. വോ​ട്ടി​ങ് യ​ന്ത്ര​ങ്ങ​ളും സ​ന്നാ​ഹ​ങ്ങ​ളു​മാ​യി തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​ര്‍ ഇ​തി​നാ​യി കാ​ടി​നു​ള്ളി​ലെ ഗ്രാ​മ​ത്തി​ലെ​ത്തും. 34 കു​ടും​ബ​ങ്ങ​ളി​ലാ​യി 74 പേ​ര്‍ക്കാ​ണ് ഇ​ത്ത​വ​ണ ഇ​വി​ടെ വോ​ട്ട​വ​കാ​ശ​മു​ള​ള​ത്.

സ​ര്‍ക്കാ​റി​ന്റെ പു​ന​ര​ധി​വാ​സ പാ​ക്കേ​ജി​ല്‍ ഉ​ള്‍പ്പെ​ട്ട കാ​ട്ടു​നാ​യ്ക്ക കു​ടും​ബ​ങ്ങ​ള്‍ അ​ധി​വ​സി​ക്കു​ന്ന കു​റി​ച്യാ​ട് വ​ന​ഗ്രാ​മ​ത്തി​ല്‍ ലോ​ക്‌​സ​ഭ തെ​ര​ഞ്ഞെ​ടു​പ്പി​ന്റെ ആ​ദ്യ​ഘ​ട്ട ഒ​രു​ക്ക​ങ്ങ​ളും തു​ട​ങ്ങി. ചെ​ത​ല​യം ഫോ​റ​സ്റ്റ് റേ​ഞ്ചി​ല്‍പ്പെ​ട്ട ഈ ​വ​ന​ഗ്രാ​മ​ത്തി​ല്‍ പു​ന​ര​ധി​വാ​സ പ​ദ്ധ​തി​യി​ല്‍ കാ​ടി​റ​ങ്ങാ​ന്‍ ത​യാ​റാ​കാ​തി​രു​ന്ന ആ​ദി​വാ​സി കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്.

കി.​മീ​റ്റ​റു​ക​ളോ​ളം വ​ന്യ​ജീ​വി​ക​ള്‍ വി​ഹ​രി​ക്കു​ന്ന കാ​ട്ടു​പാ​ത​ക​ള്‍ താ​ണ്ടി വേ​ണം ഇ​വ​ര്‍ക്ക് കാ​ടി​ന് പു​റ​ത്തെ​ത്താ​ന്‍. ക​ര്‍ഷ​ക​രാ​യ ചെ​ട്ടി സ​മു​ദാ​യ​ങ്ങ​ളും കാ​ട്ടു​നാ​യ്ക്ക കു​ടും​ബ​ങ്ങ​ളു​മാ​ണ് കു​റി​ച്യാ​ട് ഗ്രാ​മ​ത്തി​ലെ അ​ന്തേ​വാ​സി​ക​ള്‍. പ​കു​തി​യോ​ളം കു​ടും​ബ​ങ്ങ​ള്‍ പു​ന​ര​ധി​വാ​സ പ​ദ്ധ​തി​യി​ല്‍ കാ​ടി​ന് പു​റ​ത്തേ​ക്ക് ജീ​വി​തം പ​റി​ച്ചു​ന​ട്ടു. ശേ​ഷി​ക്കു​ന്ന കു​ടും​ബ​ങ്ങ​ൾ​ക്കാ​യി വോ​ട്ട് ചെ​യ്യാ​നു​ള്ള സൗ​ക​ര്യം കാ​ട്ടി​നു​ള്ളി​ല്‍ ഒ​രു​ക്കും. ജീ​വ​ന​ക്കാ​ര്‍, സു​ര​ക്ഷ ഉ​ദ്യോ​ഗ​സ്ഥ​ര്‍, സൗ​രോ​ര്‍ജ വൈ​ദ്യു​തി സം​വി​ധാ​നം എ​ന്നി​ങ്ങ​നെ​യെ​ല്ലാം ഒ​രു​ക്കി കാ​ടി​നു​ള്ളി​ലെ പോ​ളി​ങ് ബൂ​ത്തി​നെ സ​ജ്ജ​മാ​ക്കും.

പോ​ളി​ങ് ബൂ​ത്തു​ക​ളു​ടെ ക്ര​മീ​ക​ര​ണം വി​ല​യി​രു​ത്താ​ന്‍ ജി​ല്ല വ​ര​ണാ​ധി​കാ​രി​കൂ​ടി​യാ​യ ക​ല​ക്ട​ര്‍ ഡോ. ​രേ​ണു​രാ​ജി​ന്റെ നേ​തൃ​ത്വ​ത്തി​ലു​ള്ള ഉ​ദ്യോ​ഗ​സ്ഥ സം​ഘം കാ​ടി​നു​ള്ളി​ലെ കു​റി​ച്യാ​ടെ​ത്തി. ആ​ശ​യ വി​നി​മ​യ ബ​ന്ധം കു​റ​ഞ്ഞ സു​ല്‍ത്താ​ന്‍ ബ​ത്തേ​രി നി​യോ​ജ​ക മ​ണ്ഡ​ല​ത്തി​ലെ 83 ാം ന​മ്പ​ര്‍ ബൂ​ത്താ​യ കു​റി​ച്യാ​ട് പോ​ളി​ങ് സ്റ്റേ​ഷ​നി​ല്‍ ബ​ദ​ല്‍ സം​വി​ധാ​ന​ങ്ങ​ൾ ഒ​രു​ക്കും.

ആ​ദി​വാ​സി വോ​ട്ട​ര്‍മാ​ര്‍ ഏ​റ്റ​വും കൂ​ടു​ത​ലു​ള​ള പോ​ളി​ങ് ബൂ​ത്ത് എ​ന്ന നി​ല​യി​ല്‍ കു​റി​ച്യാ​ട് പോ​ളി​ങ് ബൂ​ത്തും ശ്ര​ദ്ധേ​യ​മാ​കും. ജി​ല്ല​യി​ൽ വോ​ട്ടെ​ടു​പ്പ് തു​ട​ങ്ങി നേ​ര​ത്തെ ത​ന്നെ പോ​ളി​ങ് പ്ര​ക്രി​യ പൂ​ര്‍ത്തി​യാ​ക്കാ​ന്‍ ക​ഴി​യു​ന്ന ബൂ​ത്തു​ക​ളി​ലൊ​ന്നാ​യും കു​റി​ച്യാ​ട് മാ​റും. ക​ല​ക്ട​ര്‍ക്കൊ​പ്പം സു​ല്‍ത്താ​ന്‍ ബ​ത്തേ​രി എ.​ആ​ര്‍.​ഒ അ​നി​ത​കു​മാ​രി, ഇ​ല​ക്ഷ​ന്‍ ഡെ​പ്യൂ​ട്ടി ക​ല​ക്ട​ര്‍ എ​ന്‍.​എം. മെ​ഹ​റ​ലി, സു​ല്‍ത്താ​ന്‍ബ​ത്തേ​രി ത​ഹ​സി​ല്‍ദാ​ര്‍ ജ്യോ​തി ല​ക്ഷ്മി, വി​ല്ലേ​ജ് ഓ​ഫി​സ​ര്‍ ജാ​ന്‍സി ജോ​സ് എ​ന്നി​വ​രും കു​റി​ച്യാ​ടെ​ത്തി.