കനത്ത മഴ: പാറകളും മരങ്ങളും വീണ് ഗതാഗതം തടസ്സപ്പെട്ടു; യാത്രക്കാർ ദുരിതത്തിൽ

ഗൂ​ഡ​ല്ലൂ​ർ: നീ​ല​ഗി​രി ജി​ല്ല​യി​ൽ ക​ന​ത്ത മ​ഴ​യി​ൽ ഊ​ട്ടി - കൂ​നൂ​ർ -മേ​ട്ടു​പ്പാ​ള​യം ദേ​ശീ​യ​പാ​ത, ഊ​ട്ടി-​കോ​ത്ത​ഗി​രി-​മേ​ട്ടു​പ്പാ​ള​യം റോ​ഡ്, കൂ​നൂ​ർ-​കോ​ത്ത​ഗി​രി റോ​ഡ് മ​ര​ങ്ങ​ളും പാ​റ​ക​ളും വീ​ണ് ഗ​താ​ഗ​തം ത​ക​രാ​റി​ലാ​യ​തി​നാ​ൽ സ​ർ​ക്കാ​ർ ഉ​ദ്യോ​ഗ​സ്ഥ​ർ ഇ​ത് ശ​രി​യാ​ക്കാ​നു​ള്ള ശ്ര​മ​ത്തി​ലാ​ണ്.

ഊ​ട്ടി കോ​ത്ത​ഗി​രി റോ​ഡി​ൽ പ​ല​യി​ട​ത്തും മ​ര​ങ്ങ​ൾ ക​ട​പു​ഴ​കി. മ​ണ്ണി​ടി​ച്ചി​ലി​നെ തു​ട​ർ​ന്ന് ഈ ​പാ​ത ഉ​പ​യോ​ഗി​ക്ക​രു​തെ​ന്ന് ജി​ല്ല ക​ല​ക്ട​ർ അ​രു​ണ നിർദേശിച്ചു. നീ​ല​ഗി​രി ജി​ല്ല​യി​ലെ ഊ​ട്ടി കൂ​നൂ​ർ കോ​ത്ത​ഗി​രി ഭാ​ഗ​ങ്ങ​ളി​ൽ തു​ട​ർ​ച്ച​യാ​യി ക​ന​ത്ത മ​ഴ പെ​യ്യു​ന്നു. ക​ന​ത്ത മ​ഴ​യെ തു​ട​ർ​ന്ന് ജി​ല്ല​യി​ലെ സ്‌​കൂ​ളു​ക​ൾ​ക്ക് ഇ​ന്ന​ലെ അ​വ​ധി ന​ൽ​കി​യി​രു​ന്നു. ഊ​ട്ടി-​കൂ​നൂ​ർ-​മേ​ട്ടു​പ്പാ​ള​യം റോ​ഡി​ൽ മ​ര​പ്പാ​ലം ഭാ​ഗ​ത്ത് സ​ർ​ക്ക​ാർ ബ​സി​ന് മു​ക​ളി​ലേ​ക്ക് മ​രം ക​ട​പു​ഴ​കിയെ​ങ്കി​ലും ബ​സി​ലെ 40 യാ​ത്ര​ക്കാ​ർ ഭാ​ഗ്യ​വ​ശാ​ൽ ര​ക്ഷ​പ്പെ​ട്ടു. ഫ​യ​ർ​ഫോ​ഴ്‌​സ് എ​ത്തി മ​രം നീ​ക്കം ചെ​യ്തു.

കാ​ട്ടേ​രി ഭാ​ഗ​ത്ത് കൂ​റ്റ​ൻ പാ​റ​ക​ൾ റോ​ഡി​ലേ​ക്ക് വീ​ണു. ദേ​ശീ​യ​പാ​ത വി​ഭാ​ഗം ജെ.​സി.​ബി യ​ന്ത്ര​ങ്ങ​ൾ ഉ​പ​യോ​ഗി​ച്ച് റോ​ഡി​ൽ വീ​ണ പാ​റ​ക​ൾ നീ​ക്കം ചെ​യ്യു​ന്നു​ണ്ട്. റെ​യി​ൽ​പാ​ത​യി​ൽ പ​ല​ഭാ​ഗ​ത്തും ട്രാ​ക്കി​ൽ ത​ട​സ്സം നേ​രി​ട്ട​തി​നാ​ൽ പ​ർ​വ​ത റെ​യി​ൽ സ​ർ​വി​സ് വീ​ണ്ടും നി​ർ​ത്തി​െവ​ച്ചു.

ഊ​ട്ടി-​കോ​ത്ത​ഗി​രി റോ​ഡി​ലും, ഊ​ട്ടി-​കൂ​നൂ​ർ മേ​ട്ടു​പ്പാള​യം റോ​ഡി​ൽ പ​ല​ഭാ​ഗ​ത്തും മ​ര​ങ്ങ​ൾ റോ​ഡി​ലേ​ക്ക് വീ​ണു ഗ​താ​ഗ​തം ത​ട​സ്സ​പ്പെ​ട്ടു. കൂ​നൂ​രി​ൽ കോ​ട​മ​ല റോ​ഡി​ൽ മ​രം വീ​ണു ഗ​താ​ഗ​തം ത​ട​സ്സപ്പെ​ട്ട​തി​നാ​ൽ ഗ്രാ​മീ​ണ​ർ ദു​രി​ത​ത്തി​ലാ​യി. തു​ട​ർ​ച്ച​യാ​യി പെ​യ്യു​ന്ന മ​ഴ​ ജ​ന​ജീ​വി​ത​ത്തെ സാ​ര​മാ​യി ബാ​ധി​ച്ചു.

ഉരുൾപൊട്ടലിൽ തേയിലത്തോട്ടം ഒലിച്ചുപോയി

ഗൂ​ഡ​ല്ലൂ​ർ: ക​ന​ത്ത മ​ഴ​യെ തു​ട​ർ​ന്നു​ണ്ടാ​യ ഉ​രു​ൾ​പൊ​ട്ട​ലി​ൽ കോ​ത്ത​ഗി​രി​ക്ക് സ​മീ​പം അ​ന്തി​യൂ​ർ ഭാ​ഗ​ത്തെ അ​ഞ്ചേ​ക്ക​ർ തേ​യി​ല​ത്തോ​ട്ടം ഒ​ലി​ച്ചു​പോ​യി.

ക​രി​ക്ക​യൂ​ർ, അ​ന്തി​യൂ​ർ​മ​ട്ടം, മ​ല്ലി​കോ​പ്പ​യൂ​ർ ബൊ​മ്മ​ൻ എ​സ്റ്റേ​റ്റ്, ബം​ഗ്ല​പാ​ടി ആ​ദി​വാ​സി ഊ​രു​ക​ളി​ൽ എ​ന്നി​വി​ട​ങ്ങ​ളെ ബ​ന്ധി​പ്പി​ക്കു​ന്ന റോ​ഡും ത​ക​ർ​ന്ന​തി​നാ​ൽ ഗ്രാ​മ​ങ്ങ​ളു​മാ​യു​ള്ള ഗ​താ​ഗ​ത ബ​ന്ധം വി​ച്ഛേ​ദി​ക്ക​പ്പെ​ട്ടു. മ​ഴ​ക്കെ​ടു​തി പ്ര​ദേ​ശം ക​ല​ക്ട​ർ അ​രു​ണ​യും സം​ഘ​വും സ​ന്ദ​ർ​ശി​ച്ചു.