'ടെറ' ശിൽപപ്രദർശനം ഇന്നുമുതൽ

മാനന്തവാടി: കേരള ലളിതകലാ അക്കാദമി അവതരിപ്പിക്കുന്ന 'ടെറ' ശിൽപപ്രദർശനം മാനന്തവാടി ലളിതകലാ അക്കാദമി ആർട്ട്​ ഗാലറിയിൽ ചൊവ്വാഴ്ച തുടങ്ങും. പുൽപള്ളി സ്വദേശി ജിതിൻ ടി. ജോയിയുടെ തിരഞ്ഞെടുത്ത ശിൽപങ്ങളും ഡ്രോയിങ്ങുകളുമാണ് പ്രദർശനത്തിനെത്തുന്നത്. ചുട്ടെടുത്ത, നിത്യജീവിതത്തിൽ സുപരിചിതമായ കൊച്ചുകൊച്ചു രൂപങ്ങളെ ഇൻസ്റ്റലേഷൻ രൂപത്തിൽ അവതരിപ്പിക്കുകയാണ് കലാകാരൻ. പ്രദർശനം 25ന് സമാപിക്കും.