പകര്‍ച്ചപ്പനി പ്രതിരോധത്തില്‍ ഊര്‍ജിത ശുചീകരണം അനിവാര്യം -മന്ത്രി

തി​രു​വ​ന​ന്ത​പു​രം: പ​ക​ര്‍ച്ച​പ്പ​നി പ്ര​തി​രോ​ധ​ത്തി​ല്‍ ഊ​ര്‍ജി​ത ശു​ചീ​ക​ര​ണ പ്ര​വ​ര്‍ത്ത​ന​ങ്ങ​ള്‍ അ​നി​വാ​ര്യ​മാ​ണെ​ന്ന് ആ​രോ​ഗ്യ മ​ന്ത്രി വീ​ണ ജോ​ര്‍ജ്. വെ​ള്ളി​യാ​ഴ്ച സ്‌​കൂ​ളു​ക​ളി​ലും ശ​നി​യാ​ഴ്ച സ്ഥാ​പ​ന​ങ്ങ​ളി​ലും ഞാ​യ​റാ​ഴ്ച വീ​ടു​ക​ളി​ലും ഡ്രൈ ​ഡേ ആ​ച​രി​ക്ക​ണം. ഇ​ട​വി​ട്ടു​ള്ള മ​ഴ തു​ട​രു​ന്ന​തി​നാ​ല്‍ ഡെ​ങ്കി​പ്പ​നി​ക്കെ​തി​രെ അ​തീ​വ ജാ​ഗ്ര​ത പാ​ലി​ക്ക​ണം.

തീ​വ്ര​മാ​യ​തോ നീ​ണ്ടു​നി​ല്‍ക്കു​ന്ന​തോ ആ​യ എ​ല്ലാ പ​നി ബാ​ധ​ക​ള്‍ക്കും വൈ​ദ്യ​സ​ഹാ​യം തേ​ട​ണം. കു​ട്ടി​ക​ളെ​യും മു​തി​ര്‍ന്ന​വ​രെ​യും ഒ​രു​പോ​ലെ ബാ​ധി​ക്കു​ന്ന രോ​ഗ​മാ​ണ് ഡെ​ങ്കി​പ്പ​നി. ഡെ​ങ്കി​പ്പ​നി​യു​ടെ ല​ക്ഷ​ണ​ങ്ങ​ള്‍ മ​റ്റ് വൈ​റ​ല്‍പ്പ​നി​ക​ളി​ല്‍നി​ന്ന് വ്യ​ത്യ​സ്ത​മ​ല്ലാ​ത്ത​തി​നാ​ല്‍ പ​ല​പ്പോ​ഴും തി​രി​ച്ച​റി​യാ​ന്‍ ക​ഴി​യാ​തെ വ​രി​ക​യോ വൈ​കു​ക​യോ ചെ​യ്യാം. അ​തി​നാ​ല്‍ ശ്ര​ദ്ധി​ക്ക​ണ​മെ​ന്നും മ​ന്ത്രി അ​ഭ്യ​ർ​ഥി​ച്ചു.

ഡെ​ങ്കി​പ്പ​നി എ​ങ്ങ​നെ തി​രി​ച്ച​റി​യാം?

പെ​ട്ടെ​ന്നു​ള്ള ക​ന​ത്ത പ​നി​യാ​ണ് ഡെ​ങ്കി​യു​ടെ പ്ര​ധാ​ന ല​ക്ഷ​ണം. ത​ല​വേ​ദ​ന, പേ​ശി​വേ​ദ​ന, വി​ശ​പ്പി​ല്ലാ​യ്മ, മ​നം​പു​ര​ട്ട​ല്‍, ഛര്‍ദി, ക്ഷീ​ണം, തൊ​ണ്ട​വേ​ദ​ന, ചെ​റി​യ ചു​മ തു​ട​ങ്ങി​യ ല​ക്ഷ​ണ​ങ്ങ​ളും ഉ​ണ്ടാ​കാം. അ​തി​ശ​ക്ത​മാ​യ മേ​ല​വേ​ദ​ന, വ​യ​റു​വേ​ദ​ന, ക​ണ്ണി​ന്​ പുി​ന്നി​ല്‍ വേ​ദ​ന, ശ​രീ​ര​ത്തി​ല്‍ ചു​വ​ന്ന നി​റ​ത്തി​ലെ പാ​ടു​ക​ള്‍ പ്ര​ത്യ​ക്ഷ​പ്പെ​ടു​ക എ​ന്നി​വ​യും ചി​ല​രി​ല്‍ കാ​ണ​പ്പെ​ടു​ന്നു.

ശ​ക്ത​മാ​യ വ​യ​റു​വേ​ദ​ന, ശ്വാ​സ​ത​ട​സം, മൂ​ത്രം പോ​കു​ന്ന​തി​ല്‍ പെ​ട്ടെ​ന്നു​ണ്ടാ​കു​ന്ന കു​റ​വ്, അ​പ​സ്മാ​ര ല​ക്ഷ​ണ​ങ്ങ​ള്‍, മ​ഞ്ഞ​പ്പി​ത്തം, ശ​രീ​ര​ത്തി​ന്റെ ഏ​തെ​ങ്കി​ലും ഭാ​ഗ​ത്തു​നി​ന്ന്​ ര​ക്ത​സ്രാ​വം ഉ​ണ്ടാ​ക​ൽ, മ​ലം ക​റു​ത്ത നി​റ​ത്തി​ല്‍ പോ​വു​ക എ​ന്നീ ല​ക്ഷ​ണ​ങ്ങ​ളു​ണ്ടെ​ങ്കി​ല്‍ അ​ടി​യ​ന്തി​ര​മാ​യി ഡോ​ക്ട​റു​ടെ ശ്ര​ദ്ധ​യി​ല്‍പെ​ടു​ത്ത​ണം. ര​ക്ത​പ​രി​ശോ​ധ​ന​യി​ലൂ​ടെ ഡെ​ങ്കി​പ്പ​നി തി​രി​ച്ച​റി​യാം. ടെ​സ്റ്റ് ചെ​യ്യാ​നു​ള്ള സൗ​ക​ര്യം എ​ല്ലാ സ​ര്‍ക്കാ​ര്‍ ആ​ശു​പ​ത്രി​ക​ളി​ലും ഏ​ര്‍പ്പെ​ടു​ത്തി​യി​ട്ടു​ണ്ട്.

ധാ​രാ​ളം വെ​ള്ളം കു​ടി​ക്ക​ണം

ചെ​റി​യ പ​നി വ​ന്നാ​ല്‍ പോ​ലും ധാ​രാ​ളം പാ​നീ​യ​ങ്ങ​ള്‍ കു​ടി​ക്ക​ണം. തി​ള​പ്പി​ച്ചാ​റ്റി​യ വെ​ള്ളം, ക​ഞ്ഞി​വെ​ള്ളം, ക​രി​ക്കി​ന്‍ വെ​ള്ളം, പ​ഴ​ങ്ങ​ള്‍, പ​ഴ​സ​ത്ത് എ​ന്നി​വ ന​ല്‍കാം. ശ​രീ​ര​ത്തി​ല്‍ ജ​ലാം​ശം നി​ല​നി​ര്‍ത്താ​നും ക്ഷീ​ണം അ​ക​റ്റാ​നും രോ​ഗ​ത്തി​ന്റെ തീ​വ്ര​ത കു​റ​യ്ക്കാ​നും പാ​നീ​യ​ങ്ങ​ള്‍ സ​ഹാ​യി​ക്കും.

ഡ്രൈ ​ഡേ ആ​ച​രി​ച്ച് കൊ​തു​കി​നെ തു​ര​ത്താം

കൊ​തു​കി​ല്‍നി​ന്ന്​ ര​ക്ഷ​നേ​ടു​ക എ​ന്ന​താ​ണ് ഡെ​ങ്കി​പ്പ​നി​യു​ടെ ഏ​റ്റ​വും വ​ലി​യ സം​ര​ക്ഷ​ണ മാ​ര്‍ഗം. വീ​ടും സ്ഥാ​പ​ന പ​രി​സ​ര​ങ്ങ​ളും വൃ​ത്തി​യാ​യി സൂ​ക്ഷി​ക്ക​ണം. വൃ​ത്തി​യാ​ക്കു​മ്പോ​ഴും കൊ​തു​കി​ന്റെ ക​ടി​യേ​ല്‍ക്കാ​തെ ലേ​പ​ന​ങ്ങ​ള്‍ പു​ര​ട്ടു​ക​യോ ശ​രീ​രം പൊ​തി​യു​ന്ന വ​സ്ത്ര​ങ്ങ​ള്‍ ധ​രി​ക്കു​ക​യോ വേ​ണം. രാ​വി​ലെ​യും വൈ​കു​ന്നേ​ര​ങ്ങ​ളി​ലും ജ​ന​ലു​ക​ളും വാ​തി​ലു​ക​ളും അ​ട​ച്ചി​ട​ണം.

അ​ട​ച്ചി​ടു​ന്ന​തി​നു​മു​മ്പ്​ വീ​ടി​ന്‍റെ അ​കം പു​ക​ക്കു​ന്ന​ത് ഉ​ള്ളി​ലെ കൊ​തു​കു​ക​ളെ പു​റ​ത്താ​ക്കാ​ന്‍ സ​ഹാ​യി​ക്കും. കൊ​തു​കി​ന്റെ സാ​ന്ദ്ര​ത കൂ​ടു​ത​ലു​ള്ള ഇ​ട​ങ്ങ​ളി​ല്‍ ജ​നാ​ല​ക​ളും വാ​തി​ലു​ക​ളും വ​ല ഉ​പ​യോ​ഗി​ച്ച് സം​ര​ക്ഷി​ക്ക​ണം.

• കെ​ട്ടി​ട​ങ്ങ​ളു​ടെ അ​ക​ത്തും പു​റ​ത്തും മേ​ല്‍കൂ​ര​ക​ളി​ലും വെ​ള്ളം കെ​ട്ടി​നി​ല്‍ക്കാ​തി​രി​ക്കാ​ന്‍ പ്ര​ത്യേ​കം ശ്ര​ദ്ധി​ക്ക​ണം. പാ​ത്ര​ങ്ങ​ള്‍, ചി​ര​ട്ട​ക​ള്‍, തൊ​ണ്ട്, ട​യ​ര്‍, മു​ട്ട​ത്തോ​ട്, ടി​ന്നു​ക​ള്‍ തു​ട​ങ്ങി​യ​വ വ​ലി​ച്ചെ​റി​യാ​തെ ന​ശി​പ്പി​ക്കു​ക​യോ വെ​ള്ളം കെ​ട്ടി​നി​ല്‍ക്കാ​തെ ക​മ​ഴ്ത്തി​വെ​ക്കു​ക​യോ ചെ​യ്യ​ണം.
• വീ​ട്ടി​നു​ള്ളി​ല്‍ പൂ​ച്ച​ട്ടി​ക​ള്‍ക്ക് താ​ഴെ വെ​ള്ളം കെ​ട്ടി​നി​ല്‍ക്കു​ന്ന പാ​ത്ര​ങ്ങ​ളി​ലും ഫ്രി​ഡ്ജി​ന് അ​ടി​യി​ല്‍ വെ​ള്ളം നി​ല്‍ക്കു​ന്ന ട്രേ​യി​ലും കൊ​തു​ക് മു​ട്ട​യി​ടാ​ന്‍ സാ​ധ്യ​ത​യു​ണ്ട്. ഇ​വ ആ​ഴ്ച​യി​ലൊ​രി​ക്ക​ലെ​ങ്കി​ലും വൃ​ത്തി​യാ​ക്ക​ണം.
• വെ​ള്ളം​വെ​ക്കു​ന്ന പാ​ത്ര​ങ്ങ​ളും ടാ​ങ്കു​ക​ളും അ​ട​ച്ചു​സൂ​ക്ഷി​ക്ക​ണം.
• പ​നി​യു​ള്ള​വ​ര്‍ കൊ​തു​കു​ക​ടി ഏ​ല്‍ക്കാ​നു​ള്ള സാ​ധ്യ​ത പ​ര​മാ​വ​ധി കു​റ​ക്ക​ണം.
• പ​നി​യു​ള്ള​പ്പോ​ള്‍ കു​ട്ടി​ക​ളെ പ്ലേ ​സ്‌​കു​ളു​ക​ളി​ലും അം​ഗ​ൻ​വാ​ടി​ക​ളി​ലും സ്‌​കൂ​ളു​ക​ളി​ലും അ​യ​ക്ക​രു​ത്.
• പ​നി പ​ട​രു​ന്ന​തി​നാ​ല്‍ അ​നാ​വ​ശ്യ​മാ​യ ആ​ശു​പ​ത്രി സ​ന്ദ​ര്‍ശ​നം പ​ര​മാ​വ​ധി ഒ​ഴി​വാ​ക്ക​ണം.