സഹോദരങ്ങളെ വെട്ടിപ്പരിക്കേല്‍പ്പിച്ച നാലംഗ സംഘം റിമാന്‍ഡിൽ

വ​ട്ടി​യൂ​ര്‍ക്കാ​വ്: വ​ട്ടി​യൂ​ര്‍ക്കാ​വി​ല്‍ സ​ഹോ​ദ​ര​ങ്ങ​ളെ വെ​ട്ടി​പ്പ​രി​ക്കേ​ല്‍പ്പി​ച്ച നാ​ലം​ഗ സം​ഘ​ത്തെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു. ഞാ​യ​റാ​ഴ്ച രാ​ത്രി ഒ​മ്പ​ത് മ​ണി​യോ​ടെ ആ​റാം​ക​ല്ല് ഇ​ര​ട്ട​ക്കൊ​ല​ക്കേ​സ് പ്ര​തി കീ​രി രാ​ജീ​വ്, അ​നീ​ഷ്, കു​മാ​ര്‍, സു​ധീ​ഷ് എ​ന്നി​വ​ര്‍ ര​ണ്ട് ബൈ​ക്കു​ക​ളി​ലാ​യി വ​ട്ടി​യൂ​ര്‍ക്കാ​വ് നെ​ട്ട​യം വേ​റ്റി​ക്കോ​ണം ചു​മ​ടു​താ​ങ്ങി ജ​ങ്ഷ​നി​ലെ​ത്തി​യാ​ണ് ആ​ക്ര​ണ​ണം അ​ഴി​ച്ചു വി​ട്ട​ത്.

ആ​ക്ര​മി​ക​ള്‍ എ​ത്തു​ന്ന സ​മ​യം ജ​ങ്ഷ​നി​ല്‍ നി​ല്‍ക്കു​ക​യാ​യി​രു​ന്ന വേ​റ്റി​ക്കോ​ണം സ്വ​ദേ​ശി രാ​ജീ​വി​നെ (34) ആ​ക്ര​മി സം​ഘം മ​ര്‍ദ്ദി​ക്കു​ക​യും വെ​ട്ടു​ക​ത്തി​കൊ​ണ്ട് ത​ല​ക്ക്​ വെ​ട്ടി​യ​താ​യും പൊ​ലീ​സ് പ​റ​ഞ്ഞു. ഈ ​സ​മ​യം രാ​ജീ​വി​ന്റെ നി​ല​വി​ളി കേ​ട്ട് ഓ​ടി​യെ​ത്തി​യ അ​നു​ജ​ന്‍ രാ​ജ്കു​മാ​റി​നെ​യും (32) ആ​ക്ര​മി​ക​ള്‍ വെ​ട്ടു​ക​യാ​യി​രു​ന്നു. രാ​ജ്കു​മാ​റി​ന്റെ ത​ല​യി​ലും മു​തു​കി​ലും വേ​ട്ടേ​റ്റു.

ആ​ക്ര​മ​ണ​ത്തി​നി​ടെ കീ​രി രാ​ജീ​വി​ന്റെ കൈ​യ്യി​ല്‍ നി​ന്നു താ​ഴെ വീ​ണ വെ​ട്ടു​ക​ത്തി​യെ​ടു​ത്ത് രാ​ജ്കു​മാ​ര്‍ പ്രാ​ണ ര​ക്ഷാ​ര്‍ത്ഥം ആ​ക്ര​മി​ക​ള്‍ക്ക് നേ​രെ വീ​ശി. ആ​ക്ര​മി സം​ഘ​ത്തി​ലെ അ​നീ​ഷ്, സു​ധീ​ഷ് എ​ന്നി​വ​ര്‍ക്ക് പ​രി​ക്കേ​റ്റ​താ​യും പൊ​ലീ​സ് പ​റ​ഞ്ഞു. മു​ന്‍ വൈ​രാ​ഗ്യ​മാ​ണ് അ​ക്ര​മ​ണ​ത്തി​ന് കാ​ര​ണ​മെ​ന്ന് വ​ട്ടി​യൂ​ര്‍ക്കാ​വ് പൊ​ലീ​സ് പ​റ​ഞ്ഞു.

ഗു​രു​ത​ര​മാ​യി പ​രി​ക്കേ​റ്റ രാ​ജീ​വും സ​ഹോ​ദ​ര​ന്‍ രാ​ജ്കു​മാ​റും തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ്​ ആ​ശ​പ​ത്രി​യി​ൽ ചി​കി​ത്സ തേ​ടി. കൂ​ടാ​തെ ആ​ക്ര​മി സം​ഘം സം​ഭ​വ​സ്ഥ​ല​ത്തു കി​ട​ന്ന ഒ​രു ഓ​ട്ടോ​റി​ക്ഷ​യും പ​ച്ച​ക്ക​റി​ക്ക​ട​യും അ​ടി​ച്ച് ത​ക​ര്‍ക്കു​ക​യു​മു​ണ്ടാ​യി. അ​ക്ര​മം ന​ട​ത്തി​യ ശേ​ഷം ര​ക്ഷ​പ്പെ​ട്ട സം​ഘ​ത്തെ സി.​ഐ അ​ജേ​ഷി​ന്റെ നേ​തൃ​ത്വ​ത്തി​ലു​ള​ള സം​ഘം ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍ഡ് ചെ​യ്തു.