കാർ ഡിവൈഡറിൽ ഇടിച്ച് മറിഞ്ഞു

കഴക്കൂട്ടം: പുതുവത്സര ആഘോഷത്തിൽ പങ്കെടുത്തുവരുകയായിരുന്ന യുവാവ് സഞ്ചരിച്ച കാർ ഡിവൈഡറിൽ പാഞ്ഞുകയറി മറിഞ്ഞു.ഡ്രൈവർ പരിക്കേൽക്കാതെ രക്ഷപ്പെട്ടത് തലനാരിഴക്ക്. കഴക്കൂട്ടം ചന്തവിള സ്വദേശി റിഷ്‌ണുവിന്‍റെ (20) കാറാണ് ഞായറാഴ്ച പുലർച്ച മൂന്നോടെ പാങ്ങപ്പാറ ഏഷ്യൻ ബേക്കേഴ്‌സിനു സമീപം അപകടത്തിൽപെട്ടത്. അമിതവേഗത്തിലെത്തിയ കാർ നിയന്ത്രണംവിട്ട് ഇടിച്ചുമറിയുകയായിരുന്നു. കാറിന്റെ മുൻവശം പൂർണമായും തകർന്നു.