വ​ട​ക്കാ​ഞ്ചേ​രി​യി​ൽ സൗ​ക​ര്യ​ങ്ങ​ൾ അ​പ​ര്യാ​പ്തം

ന​ഗ​ര, ഗ്രാ​മ വ്യ​ത്യാ​സ​മി​ല്ലാ​തെ ചെ​ന്നു​ക​യ​റാ​ൻ അ​റ​പ്പു​ള​വാ​ക്കു​ന്ന ചി​ല സ്ഥ​ല​ങ്ങ​ളു​ണ്ട്. മൂ​ക്ക്​ പൊ​ത്തി​യാ​ലും മ​നം​പി​ര​ട്ടും. ഉ​ൾ​വ​ഴി​ക​ളും ഉ​ൾ​നാ​ട​ൻ റോ​ഡു​ക​ളും സ്ഥാ​പ​ന​ങ്ങ​ളു​ടെ പി​ൻ​ഭാ​ഗ​വും മ​റ്റും മ​ല-​മൂ​ത്ര വി​സ​ർ​ജ​ന കേ​ന്ദ്ര​ങ്ങ​ളാ​ക്കി​യ സ്ഥ​ല​ങ്ങ​ളാ​ണി​വ. ‘വെ​ളി​യി​ട വി​സ​ര്‍ജ​ന മു​ക്തം’ ഘോ​ഷ​ത്തോ​ടെ പ്ര​ഖ്യാ​പി​ച്ച ത​ദ്ദേ​ശ സ്ഥാ​പ​ന​ങ്ങ​ളു​ടെ പ​രി​ധി​യി​ലും ഈ ​കാ​ഴ്ച കു​റ​വ​ല്ല. പി​ഴ ചു​മ​ത്താ​നും മ​റ്റും വ​കു​പ്പു​ണ്ടാ​യി​ട്ടും ത​ദ്ദേ​ശ സ്ഥാ​പ​ന​ങ്ങ​ൾ അ​ന​ങ്ങാ​ത്ത​താ​ണ്​ ഇ​ത്​ തു​ട​രാ​ൻ കാ​ര​ണം. അ​തി​നൊ​രു മ​റു​വ​ശ​വു​മു​ണ്ട്. ഇ​ങ്ങ​നെ ചെ​യ്യു​ന്ന​വ​ർ​ക്ക്​ പൊ​തു​ശൗ​ചാ​ല​യ​ങ്ങ​ൾ ഒ​രു​ക്കാ​ൻ ത​ദ്ദേ​ശ സ്ഥാ​പ​ന​ങ്ങ​ൾ​ക്ക്​ ക​ഴി​യ​ണം. അ​തി​ല്ലാ​ത്ത​തും ഈ ​അ​വ​സ്ഥ തു​ട​രാ​ൻ കാ​ര​ണ​മാ​ണ്...

വ​ട​ക്കാ​ഞ്ചേ​രി: പൊ​തു​ജ​ന​ത്തി​നു​വേ​ണ്ട അ​ടി​സ്ഥാ​ന സൗ​ക​ര്യ​ങ്ങ​ളു​ടെ കാ​ര്യ​ത്തി​ൽ വ​ട​ക്കാ​ഞ്ചേ​രി ന​ഗ​ര​സ​ഭ​ക്ക് ഇ​നി​യു​മേ​റേ സ​ഞ്ച​രി​ക്കാ​നു​ണ്ട്. ത​ല​പ്പി​ള്ളി താ​ലൂ​ക്ക് ആ​സ്ഥാ​ന​ത്തെ വ​ട​ക്കാ​ഞ്ചേ​രി സി​വി​ൽ സ്റ്റേ​ഷ​ൻ ജ​ങ്​​ഷ​നി​ൽ പൊ​തു ശൗ​ചാ​ല​യ​മി​ല്ലാ​ത്ത​ത് ജ​ന​ങ്ങ​ൾ​ക്ക്​ ന​ൽ​കു​ന്ന​ത്​ തീ​രാ​ദു​രി​ത​മാ​ണ്.

താ​ലൂ​ക്ക് ഓ​ഫി​സ്, ട്ര​ഷ​റി, സി​വി​ൽ സ​പ്ലൈ​സ് ഓ​ഫി​സ്, ജോ. ​ആ​ർ.​ടി.​ഒ, ലേ​ബ​ർ ഓ​ഫി​സ്, ര​ജി​സ്ട്രേ​ഷ​ൻ ഓ​ഫി​സ്​ തു​ട​ങ്ങി നി​ര​വ​ധി സ​ർ​ക്കാ​ർ സ്ഥാ​പ​ന​ങ്ങ​ളും കോ​ട​തി​ക​ളു​മു​ള്ള ഇ​വി​ടെ നൂ​റു​ക​ണ​ക്കി​ന്​ ആ​ളു​ക​ളാ​ണ്​ ദി​നേ​ന വ​ന്നു​പോ​കു​ന്ന​ത്. സ​ർ​ക്കാ​ർ ഓ​ഫി​സു​ക​ളി​ലെ ശൗ​ചാ​ല​യ​ങ്ങ​ൾ ജീ​വ​ന​ക്കാ​ർ​ക്ക്​ മാ​ത്ര​മു​ള്ള​താ​ണ്. ഓ​ഫി​സു​ക​ളി​ലും കോ​ട​തി​ക​ളി​ലും വി​വി​ധ കാ​ര്യ​ങ്ങ​ൾ​ക്ക്​ എ​ത്തു​ന്ന​വ​ർ പ്രാ​ഥ​മി​കാ​വ​ശ്യം നി​ർ​വ​ഹി​ക്കാ​ൻ ഹോ​ട്ട​ലു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ്. പൊ​ലീ​സ് സ്റ്റേ​ഷ​ൻ പ​രി​സ​ര​ത്തെ സ​ർ​ക്കാ​ർ ഓ​ഫി​സ്​ സ​മു​ച്ച​യ​ത്തി​ലും സ്ഥി​തി ഇ​തു​ത​ന്നെ. ന​ഗ​ര​ത്തി​ൽ കം​ഫ​ർ​ട്ട് സ്റ്റേ​ഷ​ൻ വേ​ണ​മെ​ന്ന ആ​വ​ശ്യ​ത്തി​ന് പ​തി​റ്റാ​ണ്ടി​ന്‍റെ പ​ഴ​ക്ക​മു​ണ്ട്. വ​ട​ക്കാ​ഞ്ചേ​രി, ഓ​ട്ടു​പാ​റ ബ​സ് സ്റ്റാ​ൻ​ഡു​ക​ളി​ലാ​യി ര​ണ്ട് കം​ഫ​ർ​ട്ട് സ്റ്റേ​ഷ​നു​ക​ളാ​ണു​ള്ള​ത്. വ​ട​ക്കാ​ഞ്ചേ​രി സ്റ്റാ​ൻ​ഡി​ലെ കം​ഫ​ർ​ട്ട്​ സ്റ്റേ​ഷ​നി​ൽ സ്ത്രീ​ക​ൾ​ക്കും പു​രു​ഷ​ന്മാ​ർ​ക്കു​മാ​യി ര​ണ്ടും മൂ​ന്നും ശൗ​ചാ​ല​യം ഉ​ണ്ടെ​ങ്കി​ലും ഗ​താ​ഗ​ത പ​രി​ഷ്ക​ര​ണം വ​ന്ന​തോ​ടെ യാ​ത്ര​ക്കാ​ർ ഇ​വി​ടെ​നി​ന്ന്​ അ​ക​ന്നു. തൃ​ശൂ​ർ, ഷൊ​ർ​ണൂ​ർ ഭാ​ഗ​ത്തേ​ക്കു​ള്ള ബ​സു​ക​ൾ സ്റ്റാ​ൻ​ഡി​ൽ ക​യ​റാ​ത്ത​തി​നാ​ൽ യാ​ത്ര​ക്കാ​രു​ടെ തി​ര​ക്കി​ല്ല. കു​ന്നം​കു​ളം ഭാ​ഗ​ത്തേ​ക്കു​ള്ള ബ​സ് യാ​ത്ര​ക്കാ​ർ മാ​ത്ര​മാ​ണ് ഇ​വി​ടെ എ​ത്തു​ന്ന​ത്.

ഇ​വി​ട​ത്തെ കം​ഫ​ർ​ട്ട് സ്റ്റേ​ഷ​ൻ വൈ​കീ​ട്ട് നാ​ലി​നു​​ശേ​ഷം അ​ട​ക്കും.

ജ​ന​ത്തി​ര​ക്കു​ള്ള ഓ​ട്ടു​പാ​റ ബ​സ് സ്റ്റാ​ൻ​ഡി​ൽ കം​ഫ​ർ​ട്ട് സ്റ്റേ​ഷ​നി​ൽ പു​രു​ഷ​ന്മാ​ർ​ക്ക് സൗ​ക​ര്യം കു​റ​വാ​ണ്. നൂ​റു​ക​ണ​ക്കി​ന് ബ​സ് ജീ​വ​ന​ക്കാ​ർ ആ​ശ്ര​യി​ക്കു​ന്ന ഇ​ട​മാ​ണി​ത്. അ​തോ​ടെ, തൊ​ട്ട​പ്പു​റ​ത്തെ പാ​ട​ത്തും പ​റ​മ്പി​ലും കാ​ര്യം സാ​ധി​ക്കേ​ണ്ട ഗ​തി​കേ​ടാ​ണ്. സ്ത്രീ​ക​ൾ​ക്ക്​ സൗ​ക​ര്യ​മു​ണ്ടെ​ങ്കി​ലും ഒ​ട്ടും സ്ത്രീ​സൗ​ഹൃ​ദ​മ​ല്ല. ദു​ർ​ഗ​ന്ധ​മാ​ണ്​ ശൗ​ചാ​ല​യ​ങ്ങ​ളി​ലെ പ്ര​ധാ​ന പ്ര​ശ്നം. വൃ​ത്തി​യാ​ക്കു​ന്ന പ​തി​വ്​ ഇ​ല്ലാ​ത്ത​തു​ത​ന്നെ കാ​ര​ണം.