‘ജീ​പ്പി​ൽ കൊ​ണ്ടു​പോ​കി​ല്ല; ഓ​ട്ടോ​യി​ൽ കൊ​ണ്ടു​വ​രൂ’

ഗു​രു​വാ​യൂ​ർ: മോ​ഷ്ടാ​വെ​ന്ന് സം​ശ​യി​ച്ച് നാ​ട്ടു​കാ​ർ പി​ടി​കൂ​ടി​യയാളെ ഓ​ട്ടോ വി​ളി​ച്ച് സ്റ്റേ​ഷ​നി​ൽ എ​ത്തി​ക്കാ​ൻ നി​ർ​ദേ​ശി​ച്ച് സ്ഥ​ല​ത്ത് ജീ​പ്പി​ലെ​ത്തി​യ പൊ​ലീ​സ്. ജീ​പ്പി​ൽ കൊ​ണ്ടു​പോ​യാ​ൽ മ​തി​യെ​ന്നും ഓ​ട്ടോ​യി​ലെ​ത്തി​ക്കാ​നാ​വി​ല്ലെ​ന്നും നാ​ട്ടു​കാ​ർ പ​റ​ഞ്ഞ​തോ​ടെ പി​ടി​കൂ​ടി​യ ആ​ളു​ടെ ഫോ​ൺ വാ​ങ്ങി സ്റ്റേ​ഷ​നി​ൽ ഹാ​ജ​രാ​കാ​ൻ പ​റ​ഞ്ഞ് പൊ​ലീ​സ് സ്ഥ​ലം വി​ട്ടു.

ചൊ​വ്വാ​ഴ്ച രാ​വി​ലെ 11 ഓ​ടെ പ​ടി​ഞ്ഞാ​റെ ന​ട​യി​ലെ വാ​ട്ട​ർ എ.​ടി.​എ​മ്മി​ന് സ​മീ​പ​ത്താ​യി​രു​ന്നു സം​ഭ​വം. ഇ​വി​ടെ പാ​ർ​ക്ക് ചെ​യ്ത സ്കൂ​ട്ട​റു​ക​ളു​ടെ സീ​റ്റി​ന​ടി​യി​ലെ ബോ​ക്സ് തു​റ​ക്കാ​ൻ ശ്ര​മി​ച്ച​യാ​ളെ പ​രി​സ​ര​ത്തെ ക​ച്ച​വ​ട​ക്കാ​ർ ചേ​ർ​ന്ന് പി​ടി​കൂ​ടു​ക​യാ​യി​രു​ന്നു. നേ​ര​ത്തെ ജ​യ​ശ്രീ തി​യേ​റ്റ​ർ പ​രി​സ​ര​ത്തും ഇ​യാ​ൾ പാ​ർ​ക്ക് ചെ​യ്ത സ്കൂ​ട്ട​റു​ക​ൾ​ക്ക​ടു​ത്ത് സം​ശ​യാ​സ്പ​ദ നി​ല​യി​ൽ നി​ന്നി​രു​ന്ന​ത് ക​ണ്ട​വ​രു​ണ്ട്.

സം​ശ​യി​ക്കു​ന്ന ആ​ളെ ത​ട​ഞ്ഞു​വെ​ച്ച് വി​വ​രം ടെ​മ്പി​ൾ പൊ​ലീ​സി​ൽ അ​റി​യി​ച്ച​തി​നെ തു​ട​ർ​ന്ന് എ​സ്.​ഐ​യു​ടെ നേ​തൃ​ത്വ​ത്തി​ൽ സം​ഘം സ്ഥ​ല​ത്തെ​ത്തി. എ​ന്നാ​ൽ ഇ​യാ​ളെ സ്റ്റേ​ഷ​നി​ലേ​ക്ക് ജീ​പ്പി​ൽ കൊ​ണ്ടു​പോ​കാ​ൻ ത​യാ​റാ​കാ​തെ ഓ​ട്ടോ​യി​ൽ സ്റ്റേ​ഷ​നി​ലെ​ത്തി​ക്കാ​ൻ എ​സ്.​ഐ നി​ർ​ദേ​ശി​ച്ചു​വെ​ന്ന് പ​രി​സ​ര​ത്തു​ള്ള​വ​ർ പ​റ​ഞ്ഞു.

ദി​വ​സ​ങ്ങ​ളാ​യി ക്ഷേ​ത്ര പ​രി​സ​ര​ത്ത് പാ​ർ​ക്ക് ചെ​യ്യു​ന്ന സ്കൂ​ട്ട​റു​ക​ളി​ൽ​നി​ന്നും പ​ണ​വും വി​ല​പ്പി​ടി​പ്പു​ള്ള ഫോ​ണു​ക​ളും ന​ഷ്ട​പ്പെ​ടു​ന്ന​ത് പ​തി​വാ​യി​ട്ടു​ണ്ട്. ക​ഴി​ഞ്ഞ​ദി​വ​സം തെ​ക്കേ​ന​ട​യി​ൽ കേ​ശ​വ​​ന്റെ പ്ര​തി​മ​യു​ടെ മു​മ്പി​ൽ പാ​ർ​ക്ക് ചെ​യ്ത ദേ​വ​സ്വ​ത്തി​ലെ ജീ​വ​ന​ക്കാ​ര​ൻ പി.​എം. ക​ണ്ണ​ന്റെ സ്കൂ​ട്ട​റി​ൽ നി​ന്ന് 7000 രൂ​പ ന​ഷ്ട​പ്പെ​ട്ടി​രു​ന്നു.

ക​ണ്ണ​ൻ ടെ​മ്പി​ൾ പൊ​ലീ​സി​ൽ പ​രാ​തി ന​ൽ​കി​യ​തി​നെ തു​ട​ർ​ന്ന് സ​മീ​പ​ത്തെ ഗോ​കു​ലം ഹോ​ട്ട​ലി​ലെ സി.​സി.​ടി.​വി കാ​മ​റ പ​രി​ശോ​ധി​ച്ച് മോ​ഷ്ടാ​വി​ന്റെ ദൃ​ശ്യം എ​ടു​ത്തി​രു​ന്നു. തു​ട​ർ​ന്ന് പൊ​ലീ​സ് ത​ന്നെ ഇ​യാ​ളെ എ​വി​ടെ​യെ​ങ്കി​ലും ക​ണ്ടാ​ൽ അ​റി​യി​ക്കാ​ൻ പ​റ​ഞ്ഞ് മോ​ഷ്ടാ​വി​ന്റെ പ​ടം ക​ണ്ണ​ന് ന​ൽ​കി. ഈ ​ചി​ത്ര​ത്തി​ലു​ള്ള​യാ​ളെ ത​ന്നെ​യാ​ണ് ചൊ​വ്വാ​ഴ്ച പി​ടി​കൂ​ടി​യ​തെ​ന്ന് നാ​ട്ടു​കാ​ർ പ​റ​ഞ്ഞു. പൊ​ലീ​സി​ന് പി​ടി​കൂ​ടാ​ൻ ക​ഴി​യാ​ത്ത​യാ​ളെ നാ​ട്ടു​കാ​ർ പി​ടി​കൂ​ടി ഏ​ൽ​പ്പി​ച്ചി​ട്ടും ക​സ്റ്റ​ഡി​യി​ൽ എ​ടു​ക്കാ​ത്ത​തി​ൽ പ്ര​തി​ഷേ​ധ​മു​ണ്ട്.