ഗു​രു​വാ​യൂ​ര്‍ ഉ​ത്സ​വ​ത്തി​ന് ആ​റാ​ട്ടോ​ടെ കൊ​ടി​യി​റ​ക്കം

ഗു​രു​വാ​യൂ​ര്‍: പ​ത്തു​ദി​വ​സം നീ​ണ്ടു​നി​ന്ന ഗു​രു​വാ​യൂ​ര്‍ ക്ഷേ​ത്രോ​ത്സ​വം ആ​റാ​ട്ടോ​ടെ കൊ​ടി​യി​റ​ങ്ങി. വെ​ള്ളി​യാ​ഴ്ച വൈ​കീ​ട്ട് പ​ഞ്ച​ലോ​ഹ വി​ഗ്ര​ഹം കൊ​ടി​മ​ര​ച്ചു​വ​ട്ടി​ല്‍ പ​ഴു​ക്കാ​മ​ണ്ഡ​പ​ത്തി​ല്‍ എ​ഴു​ന്ന​ള്ളി​ച്ചു​വെ​ച്ചു.

കീ​ഴ്ശാ​ന്തി തി​രു​വാ​ലൂ​ർ ഹ​രി​നാ​രാ​യ​ണ​ൻ ന​മ്പൂ​തി​രി​യു​ടെ കാ​ര്‍മി​ക​ത്വ​ത്തി​ല്‍ ന​ട​ന്ന ദീ​പാ​രാ​ധ​ന​ക്കു​ശേ​ഷം ഗ്രാ​മ​പ്ര​ദ​ക്ഷി​ണം തു​ട​ങ്ങി. കൊ​മ്പ​ന്‍ ന​ന്ദ​ന്‍ തി​ട​മ്പ് സ്വ​ര്‍ണ​ക്കോ​ല​ത്തി​ല്‍ ശി​ര​സ്സി​ലേ​റ്റി. പ​ഞ്ച​വാ​ദ്യം അ​ക​മ്പ​ടി​യേ​കി. തീ​ര്‍ഥ​ക്കു​ള​ത്തി​ന് വ​ട​ക്കു​ഭാ​ഗ​ത്ത് പ​ഞ്ച​വാ​ദ്യം അ​വ​സാ​നി​ച്ചു. തു​ട​ര്‍ന്ന് പാ​ണ്ടി​മേ​ള​മാ​യി​രു​ന്നു. ക​രി​ങ്ക​ല്ല​ത്താ​ണി​ക്ക​ടു​ത്ത് മേ​ളം നി​ര്‍ത്തി സ​ങ്ക​ട​നി​വൃ​ത്തി​ച്ച​ട​ങ്ങ് ന​ട​ത്തി. പ്ര​ദ​ക്ഷി​ണം ക​ഴി​ഞ്ഞ് ആ​റാ​ട്ട് ദി​വ​സം മാ​ത്രം പു​റ​ത്തെ​ടു​ക്കു​ന്ന പ​ഞ്ച​ലോ​ഹ തി​ട​മ്പു​മാ​യി ഭ​ഗ​വ​തി ക്ഷേ​ത്ര​ത്തി​ലൂ​ടെ ആ​റാ​ട്ട് ക​ട​വി​ലെ​ത്തി. പു​ണ്യാ​ഹ​ത്തി​നു​ശേ​ഷം ആ​ദ്യം മ​ഞ്ഞ​ളി​ലും ര​ണ്ടാ​മ​ത് ഇ​ള​നീ​രി​ലും അ​ഭി​ഷേ​കം ചെ​യ്തു.

തു​ട​ര്‍ന്ന് ത​ന്ത്രി തി​ട​മ്പു​മാ​യി തീ​ര്‍ഥ​ക്കു​ള​ത്തി​ല്‍ മു​ങ്ങി നി​വ​ര്‍ന്ന് ആ​റാ​ട്ട് ന​ട​ത്തി. ഓ​തി​ക്ക​ന്‍മാ​ര്‍, കീ​ഴ്ശാ​ന്തി​മാ​ര്‍ എ​ന്നി​വ​രും ഇ​തോ​ടൊ​പ്പം കു​ള​ത്തി​ലി​റ​ങ്ങി ആ​റാ​ട്ട് ന​ട​ത്തി. ഇ​തി​നു​ശേ​ഷം ക​ട​വി​ല്‍ കാ​ത്തി​രു​ന്ന ആ​യി​ര​ക്ക​ണ​ക്കി​ന് ഭ​ക്ത​രു​ടെ ഊ​ഴ​മാ​യി​രു​ന്നു. നാ​രാ​യ​ണ​നാ​മ​മ​ന്ത്ര​ത്തോ​ടെ ആ​യി​ര​ങ്ങ​ള്‍ കു​ള​ത്തി​ലി​റ​ങ്ങി ആ​റാ​ട്ടി​ല്‍ പ​ങ്കാ​ളി​ക​ളാ​യി.

ക്ഷേ​ത്ര​ത്തി​ലെ ഇ​ട​ത്ത​രി​ക​ത്തു​കാ​വി​ലെ വാ​തി​ല്‍ മാ​ട​ത്തി​ല്‍ ഉ​ച്ച​പ്പൂ​ജ നി​വേ​ദ്യ​ത്തി​ന് ശേ​ഷം വി​ഗ്ര​ഹ​വു​മാ​യി ആ​ന​പ്പു​റ​ത്ത് ക​യ​റി 11 ഓ​ട്ട​പ്ര​ദി​ക്ഷ​ണം ന​ട​ത്തി. ഓ​ട്ട​പ്ര​ദ​ക്ഷി​ണം പൂ​ര്‍ത്തി​യാ​ക്കി​യ ശേ​ഷം ഉ​ത്സ​വം കൊ​ടി​യി​റ​ക്കി. ആ​റാ​ട്ടി​ന് അ​ഭി​ഷേ​കം ചെ​യ്ത തൃ​ച്ഛ​ന്ദ​ന​പ്പൊ​ടി ഭ​ക്ത​ര്‍ക്ക് പ്ര​സാ​ദ​മാ​യി ന​ല്‍കി.