മ​തി​യാ​യ ചി​കി​ത്സ ല​ഭി​ച്ചി​ല്ലെ​ന്ന്; മെ​ഡി​ക്ക​ൽ കോ​ള​ജി​ൽ 10 വ​യ​സ്സു​കാരി മ​രി​ച്ച​താ​യി പ​രാ​തി

ചാ​ല​ക്കു​ടി: പ​ത്തു വ​യ​സ്സു​ള്ള പെ​ൺ​കു​ട്ടി​ക്ക് തൃ​ശൂ​ർ മെ​ഡി​ക്ക​ൽ കോ​ള​ജി​ൽ മ​തി​യാ​യ ചി​കി​ത്സ ല​ഭി​ക്കാ​ത്ത​തി​നാ​ൽ മ​രി​ച്ചു​വെ​ന്ന് പ​രാ​തി. കു​ട്ടി​യു​ടെ പി​താ​വാ​യ പ​ടി​ഞ്ഞാ​റേ ചാ​ല​ക്കു​ടി ത​ര​ക​ൻ വീ​ട്ടി​ൽ രാ​ജു​വാ​ണ് പ​രാ​തി​ക്കാ​ര​ൻ. രാ​ജു​വി​ന്റെ മ​ക​ൾ അ​ന​റ്റി​നെ ക​ഴി​ഞ്ഞ മാ​സം 22ന് ​ക​ടു​ത്ത വ​യ​റു​വേ​ദ​ന​യെ തു​ട​ർ​ന്ന് ചാ​ല​ക്കു​ടി താ​ലൂ​ക്ക് ആ​ശു​പ​ത്രി​യി​ൽ കാ​ണി​ച്ചി​രു​ന്നു. അ​പ്പ​ന്റി​സൈ​റ്റി​സ് ആ​ണെ​ന്ന് സം​ശ​യി​ക്കു​ന്ന​താ​യും സ​ർ​ജ​റി ചെ​യ്യേ​ണ്ട​താ​ണെ​ന്നും സ​ർ​ജ​നെ കാ​ണി​ക്ക​ണ​മെ​ന്നും ഡോ​ക്‌​ട​ർ​മാ​ർ നി​ർ​ദ്ദേ​ശി​ച്ചു.

തു​ട​ർ​ന്ന് ചാ​ല​ക്കു​ടി​യി​ലെ മ​റ്റൊ​രു സ്വ​കാ​ര്യ ആ​ശു​പ​ത്രി​യി​ലും സ​ന്ദ​ർ​ശി​ച്ച് ഉ​റ​പ്പു​വ​രു​ത്തി​യ​തോ​ടെ അ​ന്ന് ത​ന്നെ ഉ​ച്ച​ക്ക് അ​തി​വേ​ഗം തൃ​ശൂ​ർ മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി. അ​വി​ടെ ഡോ​ക്ട​റെ കാ​ണാ​നാ​യി അ​ത്യാ​ഹി​ത വി​ഭാ​ഗ​ത്തി​ൽ ചെ​ന്നു. എ​ന്നാ​ൽ, കു​ട്ടി​ക​ളു​ടെ വി​ഭാ​ഗ​ത്തി​ൽ ഹൗ​സ് സ​ർ​ജ​ൻ മാ​ത്ര​മാ​ണ് ഉ​ണ്ടാ​യി​രു​ന്ന​ത്.

മു​തി​ർ​ന്ന ഒ​രു ഡോ​ക്ട​റും കു​ട്ടി​യെ പ​രി​ശോ​ധി​ച്ചി​ല്ല. കു​ട്ടി​ക്ക് അ​ടി​യ​ന്ത​ര​മാ​യി ശ​സ്ത്ര​ക്രി​യ വേ​ണം എ​ന്ന് സൂ​ചി​പ്പി​ച്ച​പ്പോ​ൾ സ്കാ​നി​ങ്, ര​ക്ത​പ​രി​ശോ​ധ​ന​യും മാ​ത്രം ന​ട​ത്തി. കു​ട്ടി​ക​ളു​ടെ സ​ർ​ജ​റി, പീ​ഡി​യാ​ട്രി​ക് സ​ർ​ജ​റി എ​ന്നീ വി​ഭാ​ഗ​ങ്ങ​ളി​ലെ ഒ​രു ഡോ​ക്‌​ട​റും കു​ട്ടി​യെ പ​രി​ശോ​ധി​ക്കാ​ൻ ഉ​ണ്ടാ​യി​രു​ന്നി​ല്ല.

മൂ​ന്ന് ദി​വ​സ​മാ​യി ക​ല​ശ​ലാ​യ പ​നി​യും ഛർ​ദ്ദി​യു​മു​ണ്ടെ​ന്ന് പ​റ​ഞ്ഞെ​ങ്കി​ലും മ​ല​ബ​ന്ധ​ത്തി​നും ഗ്യാ​സി​നു​മു​ള്ള മ​രു​ന്ന് ന​ൽ​കി ഡോ​ക്ട​ർ പ​റ​ഞ്ഞു​വി​ടു​ക​യാ​യി​രു​ന്നു. വീ​ട്ടി​ൽ എ​ത്തി​ വ​യ​റു​വേ​ദ​ന ശ​ക്ത​മാ​യ​തോ​ടെ പോ​ട്ട​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചു.

മെ​ഡി​ക്ക​ൽ കോ​ള​ജി​ൽ പോ​യാ​ൽ ചി​കി​ത്സ ല​ഭി​ക്കി​ല്ലെ​ന്ന ആ​ശ​ങ്ക മൂ​ല​മാ​ണ് പ​ണ​മി​ല്ലെ​ങ്കി​ലും സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച​ത്. തു​ട​ർ​ന്ന് അ​വി​ട​ത്തെ ചി​കി​ത്സ​ക്ക് ശേ​ഷം വീ​ട്ടി​ൽ എ​ത്തി​യെ​ങ്കി​ലും വേ​ദ​ന ക​ല​ശ​ലാ​യ​തോ​ടെ 26ന് ​ആ​ശു​പ​ത്രി​യി​ലേ​ക്ക് കൊ​ണ്ടു​പോ​കും വ​ഴി കു​ട്ടി മ​ര​ണ​പ്പെ​ട്ടു. മു​ഖ്യ​മ​ന്ത്രി​ക്കും ആ​രോ​ഗ്യ​മ​ന്ത്രി​ക്കും പ​രാ​തി ന​ൽ​കി​യി​ട്ടു​ണ്ട്.