കോ​ന്നി​യി​ൽ മോ​ഷ്ടാ​ക്ക​ൾ വി​ല​സുന്നു എന്നിട്ടും പൊ​ലീ​സ് ഉറക്കത്തിൽ

കോ​ന്നി: കോ​ന്നി​യു​ടെ വി​വി​ധ ഭാ​ഗ​ങ്ങ​ളി​ൽ മോ​ഷ​ണം തു​ട​ർ​ക്ക​ഥ​യാ​യി​ട്ടും മോ​ഷ്ടാ​ക്ക​ളെ പി​ടി​കൂ​ടാ​ൻ ന​ട​പ​ടി​യി​ല്ല. കു​റ​ഞ്ഞ കാ​ല​യ​ള​വി​നു​ള്ളി​ൽ നി​ര​വ​ധി മോ​ഷ​ണ​ങ്ങ​ളും മോ​ഷ​ണ ശ്ര​മ​ങ്ങ​ളു​മാ​ണ് അ​ടു​ത്തി​ടെ കോ​ന്നി മ​ണ്ഡ​ല​ത്തി​ലെ വി​വി​ധ പ​ഞ്ചാ​യ​ത്തു​ക​ളി​ൽ ന​ട​ന്ന​ത്. ക​ഴി​ഞ്ഞ​ദി​വ​സം പു​ല​ർ​ച്ച വ​ക​യാ​ർ കു​ള​ത്തി​ങ്ക​ലി​ൽ ഉ​റ​ങ്ങി​ക്കി​ട​ന്ന വീ​ട്ട​മ്മ​യു​ടെ കാ​ലി​ലെ സ്വ​ർ​ണ പാ​ദ​സ​രം മോ​ഷ്ടി​ച്ച​താ​ണ് ഇ​തി​ൽ അ​വ​സാ​ന​ത്തേ​ത്. ഇ​തി​നു​മു​മ്പ്​ വ​ക​യാ​ർ എ​ട്ടാം​കു​റ്റി​യി​ൽ കാ​ർ വാ​ഷ് സെ​ന്റ​റി​ലും മോ​ഷ​ണം ന​ട​ന്നി​രു​ന്നു.

വ​ട്ട​ക്കാ​വ് തെ​ങ്ങും​മു​റി​യി​ൽ വീ​ട്ടി​ൽ ജോ​സി​ന്റെ വീ​ട്ടി​ൽ ക​ട​ന്ന ക​ള്ള​ന്മാ​ർ ഭാ​ര്യ​യു​ടെ ക​ഴു​ത്തി​ൽ കി​ട​ന്ന മാ​ല​യും 10,000 രൂ​പ​യും സ്വ​ർ​ണ നാ​ണ​യ​വും അ​പ​ഹ​രി​ച്ച​ത് അ​ടു​ത്തി​ടെ​യാ​ണ്. തൊ​ട്ട​ടു​ത്ത ദി​വ​സം രാ​ത്രി ഒ​ന്ന​ര​യോ​ടെ വ​ക​യാ​ർ പു​ത്ത​ൻ​പു​ര​ക്ക​ൽ പി.​എം. മാ​ത്യു​വി​ന്റെ വീ​ട്ടി​ൽ ക​യ​റി​യ മോ​ഷ്ടാ​ക്ക​ൾ സ്വ​ർ​ണം അ​പ​ഹ​രി​ച്ചു. ഇ​തേ സ്ഥ​ല​ത്ത് മേ​ലേ​തി​ൽ പ്ര​സാ​ദി​ന്റെ വീ​ട്ടി​ലും പ​ത്മ​ഭ​വ​നി​ൽ പ​ത്മി​നി​യ​മ്മ​യു​ടെ വീ​ട്ടി​ലും മോ​ഷ​ണ ശ്ര​മ​ങ്ങ​ൾ ഉ​ണ്ടാ​യി. ഇ​തി​നു​ശേ​ഷം കോ​ന്നി​യി​ലെ പെ​ട്രോ​ൾ പ​മ്പി​ൽ​നി​ന്ന്​ ജീ​വ​ന​ക്കാ​ർ നോ​ക്കി​നി​ൽ​ക്കെ സ്‌​കൂ​ട്ട​റും അ​പ​ഹ​രി​ച്ചി​രു​ന്നു.

പ്ര​മാ​ടം വ​ട്ട​കു​ള​ഞ്ഞി​യി​ൽ മോ​ഷ​ണം ന​ട​ത്തി​യ പ്ര​തി​ക​ളെ പി​ടി​കൂ​ടാ​നും പൊ​ലീ​സി​ന് ക​ഴി​ഞ്ഞി​ട്ടി​ല്ല. വ​ക​യാ​ർ ഇ​ൻ​ഫ​ന്റ് ജീ​സ​സ് ച​ർ​ച്ച് ദേ​വാ​ല​യ​ത്തി​ന്റെ കു​രി​ശ്ശ​ടി കു​ത്തി​ത്തു​റ​ന്ന് മോ​ഷ്ടാ​ക്ക​ൾ പ​ണം അ​പ​ഹ​രി​ച്ചി​രു​ന്നു.

അ​രു​വാ​പ്പു​ലം മു​തു​പേ​ഴു​ങ്ക​ലി​ലും വീ​ട് കു​ത്തി​ത്തു​റ​ന്ന് മോ​ഷ​ണം ന​ട​ന്നി​രു​ന്നു. കോ​ന്നി​യി​ൽ തു​ട​രു​ന്ന മോ​ഷ​ണ​ങ്ങ​ളെ​ക്കു​റി​ച്ച് താ​ലൂ​ക്ക് വി​ക​സ​ന സ​മി​തി​യി​ൽ നി​ര​വ​ധി​ത​വ​ണ ച​ർ​ച്ച​യാ​യി​രു​ന്നു. എ​ന്നാ​ൽ, അ​ന്വേ​ഷ​ണം ന​ട​ന്നു​വ​രു​ന്നു എ​ന്ന മ​റു​പ​ടി മാ​ത്ര​മാ​ണ് പൊ​ലീ​സ് അ​ധി​കൃ​ത​ർ​ക്ക് പ​റ​യാ​നു​ള്ള​ത്.

കോ​ന്നി​യി​ൽ മോ​ഷ​ണ​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ഡി.​ജി.​പി​ക്ക് പ​രാ​തി ന​ൽ​കാ​നും താ​ലൂ​ക്ക് വി​ക​സ​ന സ​മി​തി​യോ​ഗം തീ​രു​മാ​നി​ച്ചി​രു​ന്നു. എ​ന്നി​ട്ടും ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല. കോ​ന്നി​യി​ൽ രാ​ത്രി പ​രി​ശോ​ധ​ന​ക​ൾ ശ​ക്ത​മാ​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.