മ​ധു കേ​സ്: അ​മ്മയുടെ ഏ​ക​ദി​ന സ​ത്യ​ഗ്ര​ഹം നാ​ളെ

പാ​ല​ക്കാ​ട്: കു​ടും​ബ​മോ സ​മ​ര സ​മി​തി​യോ അ​റി​യാ​ത്ത ഡോ. ​കെ.​പി. സ​തീ​ശ​നെ മ​ധു കേ​സി​ലെ സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​റാ​യി നി​യ​മി​ക്കു​ക വ​ഴി കേ​സ് അ​ട്ടി​മ​റി​ക്കാ​ൻ സ​ർ​ക്കാ​ർ ശ്ര​മി​ക്കു​ന്ന​ത് ത​ട​യ​ണ​മെ​ന്നാ​വ​ശ്യ​പ്പെ​ട്ട് കൊ​ല്ല​പ്പെ​ട്ട മ​ധു​വി​ന്റെ അ​മ്മ മ​ല്ലി​യ​മ്മ തി​ങ്ക​ളാ​ഴ്ച രാ​വി​ലെ പ​ത്തി​ന് പാ​ല​ക്കാ​ട് സി​വി​ൽ സ്റ്റേ​ഷ​ന് മു​ന്നി​ൽ ഏ​ക​ദി​ന സൂ​ച​ന സ​ത്യ​ഗ്ര​ഹം ന​ട​ത്തു​ന്നു. മു​ഖ്യ​മ​ന്ത്രി​യ​ട​ക്കം എ​ല്ലാ​വ​രേ​യും ക​ണ്ട് അ​ഡ്വ. ജീ​വേ​ഷി​നേ​യും അ​ഡ്വ. രാ​ജേ​ഷ് എം. ​മേ​നോ​നേ​യും അ​ഡ്വ. സി.​കെ. രാ​ധാ​കൃ​ഷ്ണ​നേ​യും ഹൈ​കോ​ട​തി​യി​ൽ സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ​മാ​രാ​യി നി​യ​മി​ക്ക​ണ​മെ​ന്ന് മ​ധു​വി​ന്റെ കു​ടും​ബ​വും സ​മ​ര​സ​മി​തി​യും പ​ല​വ​ട്ടം ആ​വ​ശ്യ​പ്പെ​ട്ട​താ​ണ്.

കേ​സി​ൽ സ​ർ​ക്കാ​ർ മ​ധു​വി​ന്റെ കു​ടും​ബ​ത്തി​നൊ​പ്പ​മു​ണ്ട് എ​ന്ന് പ​ല​വ​ട്ടം പ​റ​ഞ്ഞി​ട്ടു​ള്ള​തു​മാ​ണ്. ഈ ​ആ​വ​ശ്യം ഉ​ന്ന​യി​ച്ച് അ​മ്മ ന​ൽ​കി​യ റി​ട്ട് ഹ​ര​ജി ഹൈ​കോ​ട​തി​യി​ൽ ന​ട​ന്നു​കൊ​ണ്ടി​രി​ക്കു​മ്പോ​ഴാ​ണ് സ​ർ​ക്കാ​ർ ഏ​ക​പ​ക്ഷീ​യ​മാ​യി ഡോ. ​കെ.​പി. സ​തീ​ശ​നെ സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​റാ​യി നി​യ​മി​ച്ച് വി​ജ്ഞാ​പ​നം ഇ​റ​ക്കു​ന്ന​ത്. കീ​ഴ് കോ​ട​തി​യി​ൽ കേ​സ് ന​ട​ക്കു​മ്പോ​ൾ മൂ​ന്നു പ്രാ​വ​ശ്യം സ​ർ​ക്കാ​ർ നി​യോ​ഗി​ച്ച പ്രോ​സി​ക്യൂ​ട്ട​ർ​മാ​ർ വി​ട്ടു​പോ​യ​ത് മൂ​ലം കേ​സി​ന്റെ വി​ചാ​ര​ണ ഏ​റെ നീ​ളു​ക​യും പ്ര​തി​ക​ൾ ഇ​ട​പെ​ട്ടു പ​ല സാ​ക്ഷി​ക​ളെ​യു കൂ​റു​മാ​റ്റു​ക​യും ചെ​യ്ത അ​നു​ഭ​വം മു​ന്നി​ലു​ണ്ട്.

പി​ന്നീ​ട് അ​മ്മ ആ​വ​ശ്യ​പ്പെ​ട്ട അ​ഡ്വ രാ​ജേ​ഷ് എം. ​മേ​നോ​ൻ കേ​സ് ഏ​റ്റെ​ടു​ത്ത​തി​നു​ശേ​ഷ​മാ​ണ് ഒ​രു പ​രി​ധി​വ​രെ നീ​തി ന​ട​പ്പാ​ക്കാ​ൻ ക​ഴി​ഞ്ഞ​ത്. ഈ ​സാ​ഹ​ച​ര്യ​ത്തി​ൽ അ​മ്മ​ക്കും കു​ടും​ബ​ത്തി​നും സ​മ​ര​സ​മി​തി​ക്കും വി​ശ്വാ​സ​മു​ള്ള അ​ഭി​ഭാ​ഷ​ക​രെ നി​യ​മി​ക്ക​ണം എ​ന്ന കാ​ര്യ​ത്തി​ൽ വി​ട്ടു​വീ​ഴ്ച ചെ​യ്യാ​ൻ ക​ഴി​യി​ല്ലെ​ന്ന​തി​നാ​ലാ​ണ് അ​മ്മ സ​മ​ര​ത്തി​നി​റ​ങ്ങു​ന്ന​തെ​ന്ന് മ​ധു നീ​തി സ​മ​ര​സ​മി​തി ചെ​യ​ർ​മാ​ൻ വി.​എം. മാ​ർ​സ​ൻ പ​റ​ഞ്ഞു.