നീ​രൊ​ഴു​ക്ക് നി​ല​ച്ച് കോ​ട്ട​പ്പു​ഴ; കു​ടി​വെ​ള്ള​ക്ഷാ​മം രൂ​ക്ഷമാകും

പൂ​ക്കോ​ട്ടും​പാ​ടം: വേ​ന​ല്‍ ക​ടു​ത്ത​തോ​ടെ പ​ഞ്ചാ​യ​ത്തി​ലെ പ്ര​ധാ​ന ജ​ല​സ്രോ​ത​സ്സാ​യ കോ​ട്ട​പ്പു​ഴ​യി​ലെ നീ​രു​റ​വ​ക​ള്‍ വ​റ്റാ​ന്‍ തു​ട​ങ്ങി. സ​മീ​പ​പ്ര​ദേ​ശ​ങ്ങ​ളാ​യ ടി.​കെ കോ​ള​നി, പൊ​ട്ടി​ക്ക​ല്ല്, പ​രി​യ​ങ്ങാ​ട് എ​ന്നി​വി​ട​ങ്ങ​ളി​ലെ കി​ണ​റു​ക​ളി​ലെ​യും ജ​ലാ​ശ​യ​ങ്ങ​ളി​ലെ​യും ജ​ല​നി​ര​പ്പ് കു​റ​യു​ക​യാ​ണ്. ഇ​ത് കു​ടി​വെ​ള്ള​ക്ഷാ​മം രൂ​ക്ഷ​മാ​കു​ന്ന​തി​ന് വ​ഴി​വെ​ക്കും.

കോ​ട്ട​പ്പു​ഴ​യി​ല്‍ ജ​ല​സം​ര​ക്ഷ​ണ​ത്തി​ന് ചെ​ട്ടി​പ്പാ​ടം, പാ​റ​ക്ക​പ്പാ​ടം, ചെ​റാ​യി ഭാ​ഗ​ങ്ങ​ളി​ൽ ത​ട​യ​ണ​ക​ൾ കെ​ട്ടി​യി​ട്ടു​ണ്ടെ​ങ്കി​ലും ടി.​കെ കോ​ള​നി​യി​ലും പൊ​ട്ടി​ക്ക​ല്ലി​ലും ഇ​ത് ശാ​ശ്വ​ത​മ​ല്ല. എ​ന്നാ​ൽ പു​ഴ​യി​ലെ നി​ല​വി​ലു​ള്ള വെ​ള്ളം കെ​ട്ടി​നി​ർ​ത്താ​ൻ പ്ര​കൃ​തി​ദ​ത്ത താ​ൽ​ക്കാ​ലി​ക ത​ട​യ​ണ​ക​ൾ പോ​ലും കെ​ട്ടാ​ൻ അ​ധി​കൃ​ത​ർ ത​യാ​റാ​യി​ട്ടു​മി​ല്ല. ടി.​കെ കോ​ള​നി​യി​ലും പൊ​ട്ടി​ക്ക​ല്ലി​ലു​മാ​യി 500ല​ധി​കം കു​ടും​ബ​ങ്ങ​ളാ​ണ് താ​മ​സം. ഇ​വ​ര്‍ കു​ടി​വെ​ള്ള​ത്തി​നും കു​ളി​ക്കാ​നും അ​ല​ക്കാ​നും ആ​ശ്ര​യി​ക്കു​ന്ന​തും കോ​ട്ട​പ്പു​ഴ​യെ​യാ​ണ്. ഈ ​പ്ര​ദേ​ശ​ങ്ങ​ളി​ല്‍ ഉ​രു​ള​ന്‍ പാ​റ​ക​ളാ​യ​തി​നാ​ല്‍ കി​ണ​റു​ക​ള്‍ കു​ഴി​ക്കു​ന്ന​ത് പ്രാ​യോ​ഗി​ക​മ​ല്ല. എ​ന്നാ​ല്‍ കു​ടി​വെ​ള്ള പ​ദ്ധ​തി​ക​ളൊ​ന്നും ഇ​വി​ടെ ഇ​നി​യും ന​ട​പ്പാ​യി​ട്ടി​ല്ല.

എ​ല്ലാ വ​ർ​ഷ​വും വേ​ന​ലെ​ത്തും​മു​ന്നേ കു​ടി​വെ​ള്ള പ്ര​ശ്ന​ത്തി​ന് പ​രി​ഹാ​രം കാ​ണാ​ന്‍ പ​ഞ്ചാ​യ​ത്ത് അ​ധി​കൃ​ത​രും നാ​ട്ടു​കാ​രും യോ​ഗം ചേ​ര്‍ന്ന് ന​ട​പ​ടി​ക​ള്‍ സ്വീ​ക​രി​ക്കും. എ​ന്നാ​ൽ ആ ​യോ​ഗ​തീ​രു​മാ​ന​ങ്ങ​ളൊ​ന്നും കാ​ര്യ​ക്ഷ​മ​മാ​യി ന​ട​പ്പി​ലാ​യി​ട്ടി​ല്ലെ​ന്ന പ​രാ​തി​യാ​ണ് നാ​ട്ടു​കാ​ര്‍ക്കു​ള്ള​ത്. ഇ​പ്പോ​ൾ വെ​ള്ള​മെ​ടു​ക്കു​ന്ന​ത് സം​ബ​ന്ധി​ച്ച് നാ​ട്ടു​കാ​രും മ​ല​യോ​ര ക​ർ​ഷ​ക​രു​മാ​യി ധാ​ര​ണ​ക​ളു​ണ്ടാ​ക്കി​യി​ട്ടു​ണ്ടെ​ങ്കി​ലും ശ​രി​യാ​യ രീ​തി​യി​ൽ ന​ട​പ്പാ​കു​ന്നി​ല്ലെ​ന്ന ആ​ക്ഷേ​പ​വും പൊ​തു​ജ​ന​ങ്ങ​ൾ​ക്കു​ണ്ട്.

പു​ഴ വ​ര​ണ്ട​തോ​ടെ പു​ഴ​യോ​ര പ്ര​ദേ​ശ​ങ്ങ​ളാ​യ ടി.​കെ കോ​ള​നി, പൊ​ട്ടി​ക്ക​ല്ല്, ചെ​ട്ടി​പ്പാ​ടം പ​രി​യ​ങ്ങാ​ട്, പാ​റ​ക്ക​പ്പാ​ടം ഭാ​ഗ​ങ്ങ​ളെ​ല്ലാം രൂ​ക്ഷ​മാ​യ കു​ടി​വെ​ള്ള പ്ര​തി​സ​ന്ധി​യി​ലാ​ണ്. മ​ല​യോ​ര​പാ​ത നി​ർ​മാ​ണ പ്ര​വൃ​ത്തി ന​ട​ക്കു​ന്ന​തി​നാ​ൽ ഒ​ന്ന​ര മാ​സ​മാ​യി ജ​ല​വി​ഭ​വ വി​ത​ര​ണ വ​കു​പ്പി​ന്റെ ജ​ല​വി​ത​ര​ണം കൂ​ടി മു​ട​ങ്ങി​യ​തോ​ടെ നാ​ട്ടു​കാ​ർ വെ​ള്ള​ത്തി​നു നെ​ട്ടോ​ട്ട​മോ​ടു​ക​യാ​ണ്.