സാ​ങ്കേ​തി​ക കു​രു​ക്കി​ൽ​പ്പെ​ട്ട് പെ​രി​ന്ത​ൽ​മ​ണ്ണ ബ്ലോ​ക്കി​ലെ മ​രാ​മ​ത്ത് പ​ദ്ധ​തി​ക​ൾ

പെ​രി​ന്ത​ൽ​മ​ണ്ണ: പെ​രി​ന്ത​ൽ​മ​ണ്ണ ബ്ലോ​ക്ക് പ​ഞ്ചാ​യ​ത്തി​ൽ അ​സി​സ്റ്റ​ന്റ് എ​ൻ​ജി​നീ​യ​ർ നി​ർ​വ​ഹ​ണം ന​ട​ത്തു​ന്ന പൊ​തു​മ​രാ​മ​ത്ത് പ​ദ്ധ​തി​ക​ൾ ഏ​റെ​യും പൂ​ർ​ത്തി​യാ​ക്കാ​നാ​യി​ല്ലെ​ന്ന് വാ​ർ​ഷി​ക പ​ദ്ധ​തി അ​വ​ലോ​ക​ന​ത്തി​ൽ വി​ല​യി​രു​ത്തി.

എ​സ്റ്റി​മേ​റ്റ് സം​ബ​ന്ധി​ച്ച് സോ​ഫ്റ്റ്‍വെ​യ​ർ പ​രാ​തി​ക​ൾ, ഡി​ജി​റ്റ​ൽ എം. ​ബു​ക്ക് ന​ട​പ്പാ​ക്കി​യ​തി​ലെ സാ​ങ്കേ​തി​ക ത​ക​രാ​റു​ക​ൾ എ​ന്നി​വ​യാ​ണ് കാ​ര​ണ​ങ്ങ​ൾ. പ​ഞ്ചാ​യ​ത്തു​ക​ൾ ആ​സ്തി ര​ജി​സ്റ്റ​റു​ക​ൾ ഉ​ൾ​പ്പെ​ടു​ത്തി റോ​ഡു​ക​ൾ സം​ബ​ന്ധി​ച്ച വി​വ​രം ന​ൽ​കാ​ൻ കാ​ല​താ​മ​സം വ​ന്ന​തും കു​ടി​വെ​ള്ള ഫീ​സി​ബി​ലി​റ്റി ല​ഭ്യ​മാ​ക്കാ​നു​ള്ള കാ​ല​താ​മ​സ​വും മ​രാ​മ​ത്ത് പ​ദ്ധ​തി​ക​ളെ ബാ​ധി​ച്ചു.

പ​ഞ്ചാ​യ​ത്തു​ക​ളി​ൽ​നി​ന്ന് നി​ർ​ദേ​ശി​ക്ക​പ്പെ​ടു​ന്ന ജ​ന​കീ​യ പ​ദ്ധ​തി​ക​ൾ​ക്ക് ബ്ലോ​ക്ക് പ​ഞ്ചാ​യ​ത്ത് വ​ഴി വേ​ണ്ട​ത്ര ഫ​ണ്ട് ല​ഭ്യ​മ​ല്ലെ​ന്ന പ​രി​മി​തി വി​ക​സ​ന സെ​മി​നാ​റി​ൽ ജ​ന​പ്ര​തി​നി​ധി​ക​ൾ ചൂ​ണ്ടി​ക്കാ​ട്ടി. മു​ൻ​വ​ർ​ഷ​ത്തെ പ​ദ്ധ​തി​ക​ൾ ട്ര​ഷ​റി നി​യ​ന്ത്ര​ണ​ത്തി​ൽ കു​രു​ങ്ങി പൂ​ർ​ത്തി​യാ​ക്കാ​ൻ പ്ര​യാ​സ​പ്പെ​ടു​ന്ന സാ​ഹ​ച​ര്യ​മാ​ണ് നി​ർ​വ​ഹ​ണ ഉ​ദ്യോ​ഗ​സ്ഥ​ർ ഉ​യ​ർ​ത്തി​യ​ത്. മു​ൻ​വ​ർ​ഷ​ങ്ങ​ളി​ൽ വ​യോ​ജ​ന ക്ഷേ​മ​ത്തി​ന് ആ​വ​ശ്യ​ക​ത പ​രി​ഗ​ണി​ക്കാ​തെ വി​ത​ര​ണം ചെ​യ്ത ക​ട്ടി​ലു​ക​ൾ ചി​ല​യി​ട​ങ്ങ​ളി​ൽ വെ​റു​തെ​യി​ട്ട​താ​യി ച​ർ​ച്ച​യി​ൽ പ​ങ്കെ​ടു​ത്ത​വ​ർ ചൂ​ണ്ടി​ക്കാ​ട്ടി.

അ​തേ​സ​മ​യം വ​യോ​ജ​ന ക്ഷേ​മ​ത്തി​ന് ക​ട്ടി​ലു​ക​ൾ ന​ൽ​കേ​ണ്ടെ​ന്നും ആ​രോ​ഗ്യ സു​ര​ക്ഷ പ​ദ്ധ​തി​ക​ളാ​ണ് ന​ട​പ്പാ​ക്കു​ക​യെ​ന്നും ബ്ലോ​ക്ക് പ​ഞ്ചാ​യ​ത്ത് തീ​രു​മാ​നി​ച്ച കാ​ര്യം ച​ർ​ച്ച​യി​ൽ പ്ര​സി​ഡ​ന്റ് അ​ഡ്വ.​എ.​കെ. മു​സ്ത​ഫ ചൂ​ണ്ടി​ക്കാ​ട്ടി.