കമ്പോസ്റ്റ് നിർമാണ യൂനിറ്റിന്റെ മറവിൽ അഴിമതി; വിജിലൻസിൽ പരാതി

പ​ര​പ്പ​ന​ങ്ങാ​ടി: ന​ഗ​ര​സ​ഭ​യി​ലെ പു​റ​മ്പോ​ക്ക് ഭൂ​മി​യി​ൽ പ്ര​വ​ർ​ത്തി​ക്കു​ന്ന ക​മ്പോ​സ്റ്റ് നി​ർ​മാ​ണ യൂ​നി​റ്റി​ന്റെ പേ​രി​ൽ ന​ട​ന്ന ല​ക്ഷ​ങ്ങ​ളു​ടെ അ​ഴി​മ​തി സം​ബ​ന്ധി​ച്ച് മ​നു​ഷ്യാ​വ​കാ​ശ സം​ഘ​ട​ന​യാ​യ എ​ൻ.​എ​ഫ്.​പി.​ആ​ർ വി​ജി​ല​ൻ​സി​ൽ പ​രാ​തി ന​ൽ​കി. പാ​ല​ത്തി​ങ്ങ​ൽ അ​ങ്ങാ​ടി​യോ​ട് ചേ​ർ​ന്ന ഭൂ​മി​യി​ലാ​ണ് മൂ​ന്ന് വ​ർ​ഷ​ത്തി​ല​ധി​ക​മാ​യി പ​ര​പ്പ​ന​ങ്ങാ​ടി ന​ഗ​ര​സ​ഭ​യി​ലേ​ക്കും ജി​ല്ല​യി​ലെ മ​റ്റു ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​മു​ള്ള റി​ങ് ക​മ്പോ​സ്റ്റ് നി​ർ​മി​ക്കു​ന്ന​ത്. ന​ഗ​ര​സ​ഭ​യു​ടെ അ​ധീ​ന​ത​യി​ലു​ള്ള സ​ർ​ക്കാ​ർ പു​റ​മ്പോ​ക്ക് ഭൂ​മി​യി​ൽ വേ​സ്റ്റ് ക​മ്പോ​സ്റ്റ് നി​ർ​മാ​ണ യൂ​നി​റ്റ് പ്ര​വ​ർ​ത്തി​ക്കു​ന്ന സ്ഥ​ല​ത്തി​ന് പ്ര​തി​മാ​സം 30,000 രൂ​പ വാ​ട​ക വാ​ങ്ങു​ന്നു​ണ്ട്. എ​ന്നാ​ൽ, ന​ഗ​ര​സ​ഭ​ക്ക് ഈ ​ഇ​ന​ത്തി​ൽ ഒ​രു രൂ​പ പോ​ലും ല​ഭി​ക്കു​ന്നി​ല്ലെ​ന്നും ചി​ല കൗ​ൺ​സി​ല​ർ​മാ​രാ​ണ് ല​ക്ഷ​ക്ക​ണ​ക്കി​ന് രൂ​പ കൈ​പ്പ​റ്റി​യ​തെ​ന്നും പ​രാ​തി​യി​ൽ പ​റ​യു​ന്നു. എ​ൻ.​എ​ഫ്.​പി.​ആ​ർ സം​സ്ഥാ​ന വൈ​സ് പ്ര​സി​ഡ​ൻ​റ് മ​നാ​ഫ് താ​നൂ​ർ, മ​ണ്ഡ​ലം പ്ര​സി​ഡ​ന്റ് അ​ബ്ദു​ൽ റ​ഹീം പൂ​ക്ക​ത്ത്, എം.​സി. അ​റ​ഫാ​ത്ത് പാ​റ​പ്പു​റം, നി​യാ​സ് അ​ഞ്ച​പ്പു​ര എ​ന്നീ ഭാ​ര​വാ​ഹി​ക​ളു​ടെ നേ​തൃ​ത്വ​ത്തി​ലാ​ണ് പ​രാ​തി ന​ൽ​കി​യ​ത്.

ഭ​ര​ണ​ക​ക്ഷി കൗ​ൺ​സി​ല​ർ റ​സാ​ഖ് ഇ​ക്കാ​ര്യം ഭ​ര​ണ സ​മി​തി യോ​ഗ​ത്തി​ൽ ഉ​ന്ന​യി​ച്ച​തോ​ടെ​യാ​ണ് വി​വ​രം പു​റ​ത്ത​റി​ഞ്ഞ​ത്. പ്ര​തി​പ​ക്ഷം ഇ​ക്കാ​ര്യ​ത്തി​ൽ മൗ​നം വെ​ടി​യ​ണ​മെ​ന്നും മ​നാ​ഫ് ആ​വ​ശ്യ​പ്പെ​ട്ടു. എ​ന്നാ​ൽ, അ​ധി​കാ​രി​ക​ളോ ജ​ന​പ്ര​തി​നി​ധി​ക​ളോ അ​ഴി​മ​തി​ക്ക് കൂ​ട്ടു​നി​ൽ​ക്കു​ന്ന​വ​ര​ല്ലെ​ന്നും കൗ​ൺ​സി​ല​ർ റ​സാ​ഖ് ത​ല​ക്ക​ല​ക​ത്ത് സ​ഭ​യി​ൽ ഉ​ന്ന​യി​ച്ച ആ​രോ​പ​ണം മു​ഖ​വി​ല​ക്കെ​ടു​ത്ത് ഉ​ദ്യോ​ഗ​ത​ല​ത്തി​ൽ വ​ല്ല അ​ഴി​മ​തി​യും ന​ട​ന്നി​ട്ടു​ണ്ടോ എ​ന്ന​റി​യാ​ൻ സെ​ക്ര​ട്ട​റി​യോ​ട് ആ​വ​ശ്യ​പ്പെ​ട്ടി​ട്ടു​ണ്ടെന്നും അ​ടു​ത്ത ഭ​ര​ണ​സ​മി​തി യോ​ഗ​ത്തി​ൽ അ​ന്വേ​ഷ​ണ വി​വ​രം സെ​ക്ര​ട്ട​റി കൈ​മാ​റു​മെ​ന്നാ​ണ് ക​രു​തു​ന്ന​തെ​ന്നും ന​ഗ​ര​സ​ഭ ഉ​പാ​ധ്യ​ക്ഷ​യും ചെ​യ​ർ​പേ​ഴ്സ​ൻ ഇ​ൻ ചാ​ർ​ജു​മാ​യ ഷ​ഹ​ർ​ബാ​ൻ പ​ര​പ്പ​ന​ങ്ങാ​ടി പ​റ​ഞ്ഞു. അ​തേ​സ​മ​യം, ന​ഗ​ര​സ​ഭ ചെ​യ​ർ​മാ​ൻ സ്ഥാ​നം മാ​റു​ന്ന​തു​മാ​യി ബ​ന്ധ​പ്പെ​ട്ട് ലീ​ഗ് കൗ​ൺ​സി​ല​ർ​മാ​ർ​ക്കി​ട​യി​ലു​ണ്ടാ​യ വി​ഭാ​ഗീ​യ​ത​യാ​ണ് അ​ഴി​മ​തി​ക്ക​ഥ​ക​ൾ പു​റ​ത്തു​വ​രാ​നി​ട​യാ​ക്കി​യ​തെ​ന്ന് ഇ​ട​തു​പ​ക്ഷ കൗ​ൺ​സി​ല​ർ കെ.​സി. നാ​സ​ർ കു​റ്റ​പ്പെ​ടു​ത്തി.