സ്റ്റാൻഡ് തുറക്കാത്തതില്‍ പ്രതിഷേധിച്ച് കോട്ടക്കലിൽ നാളെ സ്വകാര്യബസ് സമരം

കോ​ട്ട​ക്ക​ൽ: പ​ണി പൂ​ര്‍ത്തി​യാ​യ കോ​ട്ട​ക്ക​ല്‍ ബ​സ് സ്റ്റാ​ൻ​ഡ് തു​റ​ക്കാ​ത്ത​തി​ല്‍ പ്ര​തി​ഷേ​ധി​ച്ച് ബു​ധ​നാ​ഴ്ച ബ​സു​ട​മ​ക​ളും തൊ​ഴി​ലാ​ളി​ക​ളും സൂ​ച​ന സ​മ​രം ന​ട​ത്തും. വി​ഷ​യ​ത്തി​ല്‍ അ​നു​കൂ​ല തീ​രു​മാ​നം ഇ​ല്ലെ​ങ്കി​ല്‍ അ​നി​ശ്ചി​ത​കാ​ല സ​മ​ര​ത്തി​ലേ​ക്ക് നീ​ങ്ങാ​നാ​ണ് തീ​രു​മാ​നം. നി​ല​വി​ലു​ണ്ടാ​യി​രു​ന്ന ബ​സ് സ്റ്റാ​ൻ​ഡ് പു​തു​ക്കി​പ്പ​ണി​യാ​ന്‍ തു​ട​ങ്ങി​യി​ട്ട് നാ​ലു​വ​ര്‍ഷ​മാ​യി​ട്ടും പൊ​തു​ജ​ന​ങ്ങ​ള്‍ക്ക് തു​റ​ന്നു​കൊ​ടു​ത്തി​ട്ടി​ല്ല. ഇ​തോ​ടെ യാ​ത്ര​ക്കാ​ര്‍ പ്ര​യാ​സ​ത്തി​ലാ​ണ്. പ്രാ​ഥ​മി​കാ​വ​ശ്യ​ങ്ങ​ള്‍ നി​റ​വേ​റ്റാ​ൻ ശൗ​ചാ​ല​യം​പോ​ലു​മി​ല്ല.

പ്ര​വൃ​ത്തി ആ​രം​ഭി​ച്ച​തോ​ടെ സ്റ്റാ​ൻ​ഡി​ന്‍റെ പി​റ​കി​ലെ സ്വ​കാ​ര്യ​സ്ഥ​ല​ത്താ​ണ് ബ​സു​ക​ള്‍ താ​ല്‍ക്കാ​ലി​ക​മാ​യി പാ​ര്‍ക്ക് ചെ​യ്തി​രു​ന്ന​ത്. എ​ന്നാ​ല്‍, ക​ഴി​ഞ്ഞ ഒ​ന്നി​ന് ഈ ​സ്ഥ​ലം അ​ട​ച്ചു​പൂ​ട്ടി. ഇ​തോ​ടെ സ്റ്റാ​ൻ​ഡി​ന്‍റെ പി​റ​കി​ലെ റി​ങ് റോ​ഡി​ൽ പാ​ർ​ക്ക് ചെ​യ്യാ​നാ​ണ് അ​ധി​കൃ​ത​രു​ടെ നി​ര്‍ദേ​ശം. എ​ന്നാ​ൽ, ഇ​വി​ടെ സ്വ​കാ​ര്യ​വാ​ഹ​ന​ങ്ങ​ളും മ​റ്റും നി​ർ​ത്തി​യി​ടു​ന്ന​തി​നാ​ല്‍ സ​മ​യ​ത്തി​ന് സ​ർ​വി​സ് ന​ട​ത്തു​ന്ന ബ​സു​ക​ള്‍ക്ക് വ​ള​രെ പ്ര​യാ​സ​മാ​ണെ​ന്ന് ഇ​വ​ർ പ​റ​യു​ന്നു. നി​ര​വ​ധി ത​വ​ണ നി​വേ​ദ​നം ന​ല്‍കി​യി​ട്ടും അ​നു​കൂ​ല നി​ല​പാ​ട് ഉ​ണ്ടാ​കാ​ത്ത സാ​ഹ​ച​ര്യ​ത്തി​ലാ​ണ് സൂ​ച​ന​സ​മ​രം. ന​ഗ​ര​സ​ഭ കാ​ര്യാ​ല​യ​ത്തി​ലേ​ക്ക് മാ​ർ​ച്ചും ന​ട​ത്തും. എം.​സി. കു​ഞ്ഞി​പ്പ, യൂ​സു​ഫ് വ​ട​ക്ക​ന്‍, ശി​വാ​ക​ര​ന്‍, റാ​ഫി, എം.​സി. കു​ഞ്ഞി​പ്പ, മൊ​യ്തീ​ന്‍കു​ട്ടി, കെ.​കെ. റ​ഊ​ഫ്, മാ​നു എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.