സീ​ബ്രാ ലൈ​നു​ക​ള്‍ മാ​ഞ്ഞു; കൊ​ണ്ടോ​ട്ടി​യി​ൽ റോ​ഡ് മു​റി​ച്ചു ക​ട​ക്ക​ൽ സാ​ഹ​സം

കൊ​ണ്ടോ​ട്ടി: കോ​ഴി​ക്കോ​ട് - പാ​ല​ക്കാ​ട് ദേ​ശീ​യ പാ​ത​യി​ലും പ്ര​ധാ​ന സം​സ്ഥാ​ന പാ​ത​ക​ളി​ലും മാ​ഞ്ഞു​പോ​യ സീ​ബ്രാ ലൈ​നു​ക​ള്‍ പു​ന​സ്ഥാ​പി​ക്കാ​ന്‍ ന​ട​പ​ടി വൈ​കു​മ്പോ​ള്‍ കാ​ല്‍ന​ട യാ​ത്ര അ​പ​ക​ട മു​ന​മ്പി​ല്‍. തി​ര​ക്കേ​റി​യ കൊ​ണ്ടോ​ട്ടി ന​ഗ​ര മ​ധ്യ​ത്തി​ല്‍ സീ​ബ്രാ ലൈ​നു​ക​ള്‍ പു​നഃ​സ്ഥാ​പി​ക്ക​ണ​മെ​ന്ന ആ​വ​ശ്യം അ​ധി​കൃ​ത​ര്‍ അ​വ​ഗ​ണി​ക്കു​മ്പോ​ള്‍ സ്ത്രീ​ക​ളും മു​തി​ര്‍ന്ന പൗ​ര​ന്മാ​രു​മ​ട​ക്ക​മു​ള്ള​വ​ർ ജീ​വ​ൻ കൈ​യി​ൽ പി​ടി​ച്ചാ​ണ് റോ​ഡു​ക​ൾ മു​റി​ച്ചു​ക​ട​ക്കു​ന്ന​ത്.

ദേ​ശീ​യ​പാ​ത​യി​ല്‍ ഐ​ക്ക​ര​പ്പ​ടി മു​ത​ല്‍ പൂ​ക്കോ​ട്ടൂ​ര്‍ വ​രെ സീ​ബ്രാ ലൈ​നു​ക​ളി​ല്ലാ​ത്ത​ത് അ​പ​ക​ട​കെ​ണി​യാ​വു​ക​യാ​ണ്. ഗ​താ​ഗ​ത നി​യ​മ​ങ്ങ​ള്‍ പാ​ലി​ക്കാ​തെ​യു​ള്ള വാ​ഹ​ന​ങ്ങ​ൾ​ക്കി​ട​യി​ലൂ​ടെ വേ​ണം വി​ദ്യാ​ര്‍ഥി​ക​ള​ട​ക്ക​മു​ള്ള​വ​ര്‍ക്ക് ന​ട​ന്നു പോ​കാ​നും റോ​ഡ് മു​റി​ച്ചു ക​ട​ക്കാ​നും. ദേ​ശീ​യ​പാ​ത​യി​ല്‍ കൊ​ണ്ടോ​ട്ടി കു​റു​പ്പ​ത്ത്, 17-ാം മൈ​ല്‍, പു​ളി​ക്ക​ല്‍, മൊ​റ​യൂ​ര്‍, മോ​ങ്ങം, അ​റ​വ​ങ്ക​ര, പൂ​ക്കോ​ട്ടൂ​ര്‍ മേ​ഖ​ല​ക​ളി​ലും പ്ര​ശ്നം രൂ​ക്ഷ​മാ​ണ്. പ്ര​ധാ​ന സം​സ്ഥാ​ന പാ​ത​ക​ളി​ലും സ്ഥി​തി വ്യ​ത്യ​സ്ത​മ​ല്ല.

അ​പ​ക​ടം ക്ഷ​ണി​ച്ചു​വ​രു​ത്തു​ന്ന പ്ര​ശ്‌​ന​ത്തി​ല്‍ ജ​ന​പ്ര​തി​നി​ധി​ക​ളു​ടെ​യും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ​യും ഇ​ട​പെ​ട​ൽ നീ​ളു​ക​യാ​ണ്. ന​ട​പ്പാ​ത​ക​ളി​ല്ലാ​ത്ത​തും കാ​ല്‍ന​ട​യാ​ത്ര​ക്ക് വെ​ല്ലു​വി​ളി​യാ​ണ്. ഓ​ട​ക​ള്‍ക്ക് മു​ന്നി​ൽ സ്ഥാ​പി​ച്ച സ്ലാ​ബു​ക​ളാ​ണ് പ്ര​ധാ​ന സ്ഥ​ല​ങ്ങ​ളി​ല്‍ ന​ട​പ്പാ​ത. ഇ​തി​ല്‍ മി​ക്ക​വ​യും ത​ക​ര്‍ന്ന​തി​നാ​ൽ ത​ട്ടി​വീ​ണും മ​റ്റും അ​പ​ക​ട​ത്തി​ല്‍പ്പെ​ടു​ന്ന​തും പ​തി​വാ​ണ്.

കൊ​ണ്ടോ​ട്ടി മേ​ഖ​ല​യി​ലെ സീ​ബ്രാ ലൈ​നു​ക​ള്‍ പു​ന​ഃസ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് യൂ​ത്ത് കോ​ണ്‍ഗ്ര​സ് ന​ഗ​ര​സ​ഭ സ​മി​തി പെ​രി​ന്ത​ല്‍മ​ണ്ണ​യി​ലെ പൊ​തു​മ​രാ​മ​ത്ത് വി​ഭാ​ഗം റീ​ജ​ന​ല്‍ ഓ​ഫിസി​ല്‍ പ​രാ​തി ന​ല്‍കി​യി​രു​ന്നെ​ങ്കി​ലും പ​രി​ഹാ​ര​മു​ണ്ടാ​യി​ട്ടി​ല്ല.