ത​ക​ര്‍ന്ന​ടി​ഞ്ഞ ദേ​ശീ​യ​പാ​ത: അ​ന​ധി​കൃ​ത വാ​ഹ​ന പാ​ര്‍ക്കി​ങ്; കു​രു​ക്കൊ​ഴി​യാ​തെ കൊ​ണ്ടോ​ട്ടി

കൊ​ണ്ടോ​ട്ടി: കോ​ഴി​ക്കോ​ട് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലേ​ക്കു​ള്ള യാ​ത്രി​ക​ര​ട​ക്കം നി​ര​വ​ധി പേ​ര്‍ നി​ത്യ​വും ആ​ശ്ര​യി​ക്കു​ന്ന കോ​ഴി​ക്കോ​ട്-​പാ​ല​ക്കാ​ട് ദേ​ശീ​യ​പാ​ത​യി​ലെ കൊ​ണ്ടോ​ട്ടി ബൈ​പാ​സ് ന​വീ​ക​ര​ണ​ത്തി​നു​ള്ള ന​ട​പ​ടി​ക​ള്‍ വാ​ക്കി​ലൊ​തു​ങ്ങു​ന്നു. വ​ര്‍ഷ​ങ്ങ​ളാ​യി ത​ക​രു​ന്ന റോ​ഡി​ല്‍ ക്വാ​റി മാ​ലി​ന്യം ഉ​പ​യോ​ഗി​ച്ച് താ​ൽ​ക്കാ​ലി​ക അ​റ്റ​കു​റ്റ​പ​ണി​ക​ള്‍ ന​ട​ത്താ​റു​ണ്ടെ​ങ്കി​ലും ഒ​രു മ​ഴ​യോ​ടെ റോ​ഡി​ല്‍ പ​ഴ​യ ഗ​ര്‍ത്ത​ങ്ങ​ള്‍ രൂ​പ​പ്പെ​ടു​ന്ന​ത് അ​പ​ക​ട​ക്കെ​ണി​യാ​കു​ക​യാ​ണ്. ത​ക​ര്‍ന്ന​ടി​ഞ്ഞ നി​ര​ത്തു​വ​ക്കി​ല്‍ സ്വ​കാ​ര്യ വാ​ഹ​ന​ങ്ങ​ള്‍ അ​ന​ധി​കൃ​ത​മാ​യി നി​ര്‍ത്തി​യി​ടു​ന്ന അ​വ​സ്ഥ​യും ന​ഗ​ര​ത്തി​ല്‍ വ്യാ​പ​ക​മാ​ണ്. ഇ​ത് മ​ണി​ക്കൂ​റു​ക​ളോ​ളം ഗ​താ​ഗ​ത​ക്കു​രു​ക്കി​ന് വ​ഴി​വെ​ക്കു​ന്നു.

മേ​ഖ​ല​യി​ല്‍ കാ​ല്‍ന​ട യാ​ത്ര​യും അ​പ​ക​ട​മു​ന​മ്പി​ലാ​ണ്. കാ​ല്‍ന​ട​യാ​ത്രി​ക​ര്‍ക്ക് ആ​വ​ശ്യം വേ​ണ്ട സൗ​ക​ര്യ​ങ്ങ​ളും ന​ഗ​ര​ത്തി​ലി​ല്ല. ത​ക​ര്‍ന്നു​കി​ട​ക്കു​ന്ന ഓ​ട​ക​ള്‍ക്കു മു​ക​ളി​ലൂ​ടെ ന​ട​ക്കാ​നാ​കാ​ത്ത അ​വ​സ്ഥ​യാ​ണ്. റോ​ഡ​രി​ക് ചേ​ര്‍ന്നു ന​ട​ന്നു​പോ​കു​ന്ന​വ​ര്‍ക്ക് വാ​ഹ​ന​ങ്ങ​ളു​ടെ അ​മി​ത വേ​ഗ​വും ഭീ​ഷ​ണി​യാ​കു​ന്നു. ഇ​ക്കാ​ര്യ​ങ്ങ​ള്‍ പ​രി​ശോ​ധി​ക്കാ​ന്‍ പൊ​ലീ​സോ മോ​ട്ടോ​ര്‍ വാ​ഹ​ന വ​കു​പ്പോ ന​ഗ​ര​സ​ഭ​യോ ശ്ര​മം ന​ട​ത്തു​ന്നി​ല്ല.

കു​റു​പ്പ​ത്ത് മു​ത​ല്‍ പ​തി​നേ​ഴാം മൈ​ല്‍ വ​രെ പ്ര​ശ്നം നി​ല​വി​ലു​ണ്ട്. ന​ഗ​ര​മ​ധ്യ​ത്തി​ല്‍ മേ​ല​ങ്ങാ​ടി റോ​ഡും ത​ങ്ങ​ള്‍സ് റോ​ഡും കോ​ഴി​ക്കോ​ട്-​പാ​ല​ക്കാ​ട് ദേ​ശീ​യ​പാ​ത​യു​മാ​യി സം​ഗ​മി​ക്കു​ന്ന ഭാ​ഗ​ത്താ​ണ് റോ​ഡ് തീ​ര്‍ത്തും ത​ക​ര്‍ന്ന​ടി​ഞ്ഞ​ത്. കു​ഴി​ക​ളി​ല്‍ വെ​ള്ളം നി​റ​ഞ്ഞു നി​ല്‍ക്കു​ന്ന​തി​നാ​ല്‍ ഇ​വ​യു​ടെ ആ​ഴ​മ​റി​യാ​തെ എ​ത്തു​ന്ന ഇ​രു​ച​ക്ര വാ​ഹ​ന യാ​ത്രി​ക​ര്‍ നി​ര​ന്ത​രം അ​പ​ക​ട​ത്തി​ല്‍പ്പെ​ടു​ന്ന അ​വ​സ്ഥ​യു​ണ്ട്. റോ​ഡ് ന​വീ​ക​ര​ണം കാ​ര്യ​ക്ഷ​മ​മാ​യി ന​ട​ത്ത​ണ​മെ​ന്ന ആ​വ​ശ്യം വി​വി​ധ സം​ഘ​ട​ന​ക​ളും യാ​ത്ര​ക്കാ​രും നി​ര​ന്ത​രം ഉ​ന്ന​യി​ച്ചി​ട്ടും പ​രി​ഹാ​ര​മാ​യി​ട്ടി​ല്ല. ദേ​ശീ​യ​പാ​ത വി​ഭാ​ഗ​വും പൊ​തു​മ​രാ​മ​ത്ത് വ​കു​പ്പും ത​മ്മി​ലു​ള്ള ആ​ശ​യ​ക്കു​ഴ​പ്പ​ങ്ങ​ളാ​ണ് റോ​ഡ് ന​വീ​ക​ര​ണ​ത്തെ പി​റ​കോ​ട്ട​ടു​പ്പി​ക്കു​ന്ന​ത്.