അ​ങ്ങാ​ടി​പ്പു​റ​ത്ത് ശേ​ഖ​രി​ച്ച മാ​ലി​ന്യം കു​ന്നു​കൂ​ടിയ നി​ല​യി​ൽ

അ​ങ്ങാ​ടി​പ്പു​റം: വീ​ടു​ക​ളി​ൽ​നി​ന്ന് ശേ​ഖ​രി​ച്ച് കു​ന്നു​കൂ​ട്ടി​യി​ട്ട അ​ങ്ങാ​ടി​പ്പു​റം പ​ഞ്ചാ​യ​ത്തി​ലെ മാ​ലി​ന്യം മ​ഴ​ക്ക് മു​മ്പ് നീ​ക്കി​യി​ല്ലെ​ങ്കി​ൽ ബാ​ധ്യ​ത​യാ​വു​മെ​ന്ന് ആ​ശ​ങ്ക. വീ​ടു​ക​ളി​ൽ​നി​ന്ന് ഹ​രി​ത​ക​ർ​മ​സേ​ന ശേ​ഖ​രി​ച്ച് വ​ല​മ്പൂ​രി​ൽ വാ​ട​ക​ക്കെ​ടു​ത്ത സ്ഥ​ല​ത്ത് ത​ള്ളി​യ മാ​ലി​ന്യം ചാ​ക്കു​ക​ളി​ൽ കി​ട​ന്ന് ദ്ര​വി​ച്ച് വീ​ണ്ടും പ​ര​ന്നു കി​ട​ക്കു​ക​യാ​ണ്. ഇ​വ പൊ​രി​വെ​യി​ലിൽ ഹ​രി​ത​ക​ർ​മ സേ​ന അം​ഗ​ങ്ങ​ൾ വീ​ണ്ടും ചാ​ക്കു​ക​ളി​ലാ​ക്കു​ക​യാ​ണ്. വെ​യി​ലും മ​ഴ​യും ഏ​ൽ​ക്കാ​ത്ത സ്ഥ​ല​ത്താ​ണ് ഇ​ത്ത​രം പ്ര​വ​ർ​ത്ത​നം ന​ട​ക്കേ​ണ്ട​ത്. എ​ന്നാ​ൽ അ​ങ്ങാ​ടി​പ്പു​റം പ​ഞ്ചാ​യ​ത്ത് ഭ​ര​ണ​സ​മി​തി ചു​മ​ത​ല​യേ​റ്റ അ​ന്നു​മു​ത​ൽ ഉ​യ​രു​ന്ന​താ​ണ് ഈ ​ആ​വ​ശ്യം.

40 ലോ​ഡി​ന് മു​ക​ളി​ൽ നി​ല​വി​ൽ ഇ​വി​ടെ മാ​ലി​ന്യം കി​ട​ക്കു​ന്നു​ണ്ട്. അ​ങ്ങാ​ടി​പ്പു​റ​ത്ത് വീ​ടു​ക​ളി​ൽ നി​ന്ന് സ​മ​യ​ത്ത് മാ​ലി​ന്യം നീ​ക്കു​ന്നി​ല്ല. ഇ​നി ശേ​ഖ​രി​ച്ച് എം.​സി.​എ​ഫി​ൽ കൊ​ണ്ടു​വ​ന്നി​ട്ടാ​ലു​ള്ള സ്ഥി​തി​യാ​ണ് ഇ​ത്. മു​ൻ​ഭ​ര​ണ​സ​മി​തി തു​ട​ർ​ന്ന അ​തേ നി​സം​ഗ​ത​യാ​ണ് നി​ല​വി​ലെ ഭ​ര​ണ​സ​മി​തി​ക്കും. ചെ​റി​യ ഷെ​ഡാ​ണ് സം​ഭ​ര​ണ കേ​ന്ദ്ര​ത്തി​ൽ. അ​തി​നു പ​രി​സ​രം മു​ഴു​വ​ൻ മാ​ലി​ന്യം പ​ര​ന്നു കി​ട​ക്കു​ക​യാ​ണ്. ഒ​രാ​ഴ്ച ഒ​രു ലോ​ഡ് മാ​ലി​ന്യം ഇ​വി​ടെ​നി​ന്ന് നീ​ക്കി. മാ​സ​ങ്ങ​ൾ കൂ​ടു​മ്പോ​ഴാ​ണ് വീ​ടു​ക​ളി​ൽ​നി​ന്ന് മാ​ലി​ന്യം ശേ​ഖ​രി​ക്കു​ന്ന​ത്.

പ​രി​മി​ത​മാ​യ വാ​ർ​ഡു​ക​ളി​ലേ മാ​ലി​ന്യം നീ​ക്കു​ന്നു​ള്ളൂ. അ​തേ​സ​മ​യം ഉ​ദ്യോ​ഗ​സ്ഥ​രു​ടെ ഒ​ഴി​വ് നി​ക​ത്താ​തെ​യും അ​നു​വ​ദി​ച്ച ഫ​ണ്ട് മു​ഴു​വ​ൻ ചെ​ല​വി​ടാ​ൻ അ​വ​സ​രം ന​ൽ​കാ​തെ​യും സ​ർ​ക്കാ​ർ തു​ട​രു​ന്ന അ​വ​ഗ​ണ​ന​ക്കി​ട​യി​ലാ​ണി​ത്. നി​ല​മ്പൂ​ർ ആ​സ്ഥാ​ന​മാ​യ ഏ​ജ​ൻ​സി​യാ​ണ് മാ​ലി​ന്യ നീ​ക്കം ക​രാ​റെ​ടു​ത്ത​ത്. മാ​സ​ത്തി​ൽ ഒ​ന്നോ ര​ണ്ടോ ലോ​ഡ് നീ​ക്കും. ഇ​ത്ര ത​ന്നെ മാ​ലി​ന്യം ഒ​ാരോ ആ​ഴ്ച​യും ഇ​വി​ടെ വ​രും. ആ​ദ്യ​ഘ​ട്ട​ത്തി​ൽ മാ​ലി​ന്യം വെ​യി​ലും മ​ഴ​യു​മേ​ൽ​ക്കാ​തെ എം.​സി.​എ​ഫി​ൽ സം​ഭ​രി​ക്ക​ണം. ഇ​ക്കാ​ര്യ​ങ്ങ​ൾ മു​ഖ്യ അ​ജ​ണ്ട​യാ​ക്കി പ​ഞ്ചാ​യ​ത്ത് ഭ​ര​ണ​സ​മി​തി യോ​ഗം വി​ളി​ക്ക​ണ​മെ​ന്നാ​ണ് ആ​വ​ശ്യം.