പ​രാ​തി​ക്കാ​ര​നെ പ്ര​തി​യാ​ക്കി പൊ​ലീ​സ്; പ്ര​തി​ക്കെ​തി​രെ കേ​സെ​ടു​ത്ത് കോ​ട​തി

വ​ട​ക​ര: വാ​ഹ​നാ​പ​ക​ട​ത്തി​ൽ പ​രി​ക്കേ​റ്റ യു​വാ​വി​ന്റെ പ​രാ​തി​യി​ൽ കേ​സെ​ടു​ത്ത പൊ​ലീ​സ് ഒ​ടു​വി​ൽ പ​രാ​തി​ക്കാ​ര​നെ പ്ര​തി​യാ​ക്കി കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചു. ഇ​തേ​ത്തു​ട​ർ​ന്ന് കോ​ട​തി​യി​ൽ സ്വ​കാ​ര്യ അ​ന്യാ​യം ന​ൽ​കി​യ യു​വാ​വി​ന്റെ പ​രാ​തി​യി​ൽ കേ​സെ​ടു​ത്ത് കോ​ട​തി. തോ​ട​ന്നൂ​ർ അ​മ്പ​ല​മു​ക്കി​ലെ മൊ​യി​ലോ​ത്ത് പ​റ​മ്പ​ത്ത് രാ​ജേ​ഷ് (48) ന​ൽ​കി​യ പ​രാ​തി​യി​ലാ​ണ് വ​ട​ക​ര ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് ചെ​ര​ണ്ട​ത്തൂ​ർ സ്വ​ദേ​ശി കൊ​ല്ല​ൻ​ക​ണ്ടി സ​ലീ​മി​നെ​തി​രെ (46) കേ​സെ​ടു​ത്ത​ത്. സ​ലീം മാ​ർ​ച്ച് 18ന് ​കോ​ട​തി മു​മ്പാ​കെ ഹാ​ജ​രാ​ക​ണം.

2022 ഡി​സം​ബ​ർ ഏ​ഴി​ന് രാ​വി​ലെ 9.15ഓ​ടെ സ്കൂ​ട്ട​റി​ൽ തോ​ട​ന്നൂ​രി​ൽ​നി​ന്ന് അ​മ്പ​ല​മു​ക്കി​ലേ​ക്ക് പോ​കു​ക​യാ​യി​രു​ന്ന രാ​ജേ​ഷി​നെ കു​ഞ്ഞി​ക്ക​ണ്ടി പീ​ടി​ക​ക്ക് സ​മീ​പം​വെ​ച്ച് സ​ലീം ഓ​ടി​ച്ച കാ​ർ ഇ​ടി​ക്കു​ക​യാ​യി​രു​ന്നു. രാ​ജേ​ഷി​ന്റെ മു​ൻ​ഭാ​ഗ​ത്തെ ര​ണ്ട് പ​ല്ലു​ക​ൾ പൊ​ട്ടി​പ്പോ​കു​ക​യും സാ​ര​മാ​യി പ​രി​ക്കേ​ൽ​ക്കു​ക​യു​മു​ണ്ടാ​യി.

വ​ട​ക​ര ഗ​വ. ജി​ല്ല ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന രാ​ജേ​ഷി​ന്റെ പ​രാ​തി​യി​ൽ വ​ട​ക​ര പൊ​ലീ​സ് കേ​സെ​ടു​ത്തെ​ങ്കി​ലും രാ​ജേ​ഷി​ന്റെ സ്കൂ​ട്ട​ർ കാ​റി​നി​ടി​ച്ചെ​ന്ന നി​ഗ​മ​ന​ത്തി​ൽ രാ​ജേ​ഷി​നെ​തി​രെ പൊ​ലീ​സ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ക്കു​ക​യാ​യി​രു​ന്നു. രാ​ജേ​ഷി​ന്റെ​യും ര​ണ്ടു ദൃ​ക്സാ​ക്ഷി​ക​ളു​ടെ​യും മൊ​ഴി​യെ​ടു​ക്കു​ക​യും ആ​ശു​പ​ത്രി രേ​ഖ​ക​ൾ പ​രി​ശോ​ധി​ക്കു​ക​യും ചെ​യ്ത കോ​ട​തി സ​ലീ​മി​നെ​തി​രെ കേ​സെ​ടു​ക്കു​ക​യാ​യി​രു​ന്നു. രാ​ജേ​ഷി​നു​വേ​ണ്ടി അ​ഭി​ഭാ​ഷ​ക​രാ​യ പി.​പി. സു​നി​ൽ കു​മാ​ർ, ഹ​രി​ത സ​ത്യ​ൻ, അ​ർ​ഷി​ന നാ​ണു എ​ന്നി​വ​ർ ഹാ​ജ​രാ​യി.