ട്രാൻസ്ജെന്റേഴ്സിന്റെ തുടർ ചികിത്സ; ആനുകൂല്യത്തിന് പ്രായം ഇനി ബാധകമാകില്ല

കോ​ഴി​ക്കോ​ട്: ട്രാ​ൻ​സ്ജെ​ന്റേ​ഴ്സി​ന്റെ തു​ട​ർ ചി​കി​ത്സ​ക്ക് മാ​ന​ദ​ണ്ഡ​ങ്ങ​ളി​ൽ അ​യ​വു​വ​രു​ത്തി സ​ർ​ക്കാ​ർ ഉ​ത്ത​ര​വ്. ലിം​ഗ​മാ​റ്റ ശ​സ്ത്ര​ക്രി​യ​ക്ക് വി​ധേ​യ​രാ​യ ട്രാ​ൻ​സ്ജെ​ന്റേ​ഴ്സി​ന്റെ തു​ട​ർ​ചി​കി​ത്സ​ക്ക് ധ​ന​സ​ഹാ​യം അ​നു​വ​ദി​ക്കു​ന്ന​തി​നു​ള്ള നി​ബ​ന്ധ​ന​ക​ളി​ൽ ഭേ​ദ​ഗ​തി വ​രു​ത്തി​യാ​ണ് സ​ർ​ക്കാ​ർ ഉ​ത്ത​ര​വി​റ​ങ്ങി​യ​ത്.

ലിം​ഗ​മാ​റ്റ ശ​സ്ത്ര​ക്രി​യ​ക്ക് വി​ധേ​യ​രാ​യ​വ​രും സാ​മ്പ​ത്തി​ക​മാ​യി പി​ന്നാ​ക്കാ​വ​സ്ഥ​യി​ലു​ള്ള​വ​രു​മാ​യ ട്രാ​ൻ​സ് വ്യ​ക്തി​ക​ൾ​ക്ക് പ്ര​തി​മാ​സം 3000 രൂ​പ ഒ​രു വ​ർ​ഷ​ക്കാ​ലം അ​നു​വ​ദി​ക്കു​ന്ന​തി​ലാ​ണ് ഭേ​ദ​ഗ​തി വ​രു​ത്തി​യ​ത്.

18 നും 40​നും മ​ധ്യേ​യു​ള്ള​വ​ർ​ക്കാ​യി​രു​ന്നു ആ​നു​കൂ​ല്യം ന​ൽ​കി​യി​രു​ന്ന​ത്. ഇ​നി​മു​ത​ൽ ലിം​ഗ​മാ​റ്റ ശ​സ്ത്ര​ക്രി​യ ചെ​യ്ത 18 വ​യ​സ്സു പൂ​ർ​ത്തി​യാ​യ എ​ല്ലാ വ്യ​ക്തി​ക​ൾ​ക്കും ആ​നു​കൂ​ല്യ​ത്തി​ന് അ​ർ​ഹ​ത ഉ​ണ്ടാ​യി​രി​ക്കും. അ​പേ​ക്ഷി​ക്കു​ന്ന വ്യ​ക്തി​ക​ൾ​ക്ക് ട്രാ​ൻ​സ്ജെ​ൻ​ഡ​ർ ഐ.​ഡി കാ​ർ​ഡ്, മേ​ൽ​വി​ലാ​സം തെ​ളി​യി​ക്കു​ന്ന ഔ​ദ്യാ​ഗി​ക രേ​ഖ ഉ​ണ്ടാ​യി​രി​ക്ക​ണം. ലിം​ഗ​മാ​റ്റ ശ​സ്ത്ര​ക്രി​യ റി​പ്പോ​ർ​ട്ടും ശ​സ്ത്ര​ക്രി​യ ന​ട​ത്തി​യ ഡോ​ക്ട​റു​ടെ സാ​ക്ഷ്യ​പ​ത്ര​വും ആ​നു​കൂ​ല്യ​ത്തി​ന് ഹാ​ജ​രാ​ക്ക​ണം. സാ​മൂ​ഹി​ക നീ​തി വ​കു​പ്പ് ഡ​യ​റ​ക്ട​ർ സ​മ​ർ​പ്പി​ച്ച ക​ത്തി​ന്റെ അ​ടി​സ്ഥാ​ന​ത്തി​ലാ​ണ് ഉ​ത്ത​ര​വ്. ട്രാ​ൻ​സു​ക​ൾ അ​നു​ഭ​വി​ക്കു​ന്ന ശാ​രീ​രി​ക, മാ​ന​സി​ക പ്ര​യാ​സ​ങ്ങ​ൾ​ക്ക് ആ​ശ്വാ​സ​മേ​കാ​ൻ ശ​സ്ത്ര​ക്രി​യ​ക​ൾ അ​നി​വ​ര്യ​മാ​ണ്.

സ​ർ​ക്കാ​റി​ന്റെ പു​തി​യ ആ​ഫ്റ്റ​ർ​കെ​യ​ർ ഉ​ത്ത​ര​വ് സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന നാ​ൽ​പ​തു ക​ഴി​ഞ്ഞ ട്രാ​ൻ​സു​ക​ൾ​ക്ക് ഏ​റെ ഗു​ണ​പ്ര​ദ​മാ​കു​മെ​ന്ന് ട്രാ​ൻ​സ് ആ​ക്ടി​വി​സ്റ്റ് എ​സ്. ദീ​പ​റാ​ണി പ​റ​ഞ്ഞു.