കുഴിയടക്കാൻ വൈകുന്നു: വാഹനക്കുരുക്കിൽ പൈപ്പ് റോഡ്

നാ​ദാ​പു​രം: ക​ല്ലാ​ച്ചി ടൗ​ണി​ലെ പ്ര​ധാ​ന ക​വ​ല​യി​ലെ കു​ഴി വാ​ഹ​ന​ങ്ങ​ൾ​ക്ക് ദു​രി​ത​മാ​വു​ന്നു. ക​ല്ലാ​ച്ചി പൈ​പ്പ് ലൈ​ൻ റോ​ഡും സം​സ്ഥാ​ന​പാ​ത​യും സ​ന്ധി​ക്കു​ന്നി​ട​ത്താ​ണ് റോ​ഡു​ത​ക​ർ​ന്ന് കു​ഴി രൂ​പ​പ്പെ​ട്ട​ത്. ഇ​തു​മൂ​ലം ക​വ​ല​യി​ൽ വ​ലി​യ ഗ​താ​ഗ​ത​ക്കു​രു​ക്കും പ​തി​വാ​ണ്. വാ​ണി​മേ​ൽ, വ​ള​യം ഭാ​ഗ​ത്തു​നി​ന്നു​ള്ള ബ​സു​ക​ള​ട​ക്ക​മു​ള്ള വാ​ഹ​ന​ങ്ങ​ൾ സം​സ്ഥാ​ന​പാ​ത​യി​ലേ​ക്ക് പ്ര​വേ​ശി​ക്കു​ന്ന​ത് പൈ​പ്പ് ലൈ​ൻ റോ​ഡ് വ​ഴി​യാ​ണ്.

ചെ​റി​യ വാ​ഹ​ന​ങ്ങ​ൾ കു​ഴി​യി​ൽ ചാ​ടു​മ്പോ​ൾ അ​ടി​ഭാ​ഗം ത​ട്ടു​ന്ന​ത് ക​ടു​ത്ത ദു​രി​ത​മാ​ണ് വ​രു​ത്തി​വെ​ക്കു​ന്ന​ത്. ബ​സ് ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ളു​ടെ പി​ൻ​ഭാ​ഗം റോ​ഡി​ൽ ത​ട്ടി കേ​ടു​പാ​ട് സം​ഭ​വി​ക്കു​ന്ന​തും നി​ത്യ കാ​ഴ്ച​യാ​ണ്.അ​പ​ക​ടം ഭ​യ​ന്ന് കു​ഴി​യി​ൽ ഒ​രു​വ​ശ​ത്തു​കൂ​ടെ വേ​ഗ​ത കു​റ​ച്ചാ​ണ് പ​ല വാ​ഹ​ന​ങ്ങ​ളും ഇ​റ​ക്കു​ന്ന​ത്.

ഇ​തു​മൂ​ലം വാ​ഹ​ന​ങ്ങ​ളു​ടെ നീ​ണ്ട നി​ര​യും പൈ​പ്പ് ലൈ​ൻ റോ​ഡി​ൽ രൂ​പ​പ്പെ​ടാ​റു​ണ്ട്. ഇ​തി​നോ​ടു​ചേ​ർ​ന്ന സം​സ്ഥാ​ന പാ​ത​യി​ലെ കു​ഴി പൊ​തു​മ​രാ​മ​ത്ത് നി​ക​ത്തി​യെ​ങ്കി​ലും പൈ​പ്പ് ലൈ​ൻ റോ​ഡി​ലെ കു​ഴി നി​ക​ത്തി​യി​രു​ന്നി​ല്ല. അ​ധി​കൃ​ത​രു​ടെ സ​മ്മ​തം ല​ഭി​ച്ചാ​ൽ സ്വ​ന്തം നി​ല​ക്കു​ത​ന്നെ കു​ഴി നി​ക​ത്താ​ൻ ഓ​ട്ടോ, ടാ​ക്സി ഡ്രൈ​വ​ർ​മാ​രും ത​യാ​റാ​ണ്.