കടലിൽപെടുന്ന മത്സ്യത്തൊഴിലാളികളെ രക്ഷിക്കാനാളില്ല; വിശദീകരണം തേടി മനുഷ്യാവകാശ കമീഷൻ

കോ​ഴി​ക്കോ​ട്: മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ന്റെ ആ​ഴ​ങ്ങ​ളി​ൽ അ​ക​പ്പെ​ടു​മ്പോ​ൾ അ​വ​രെ ര​ക്ഷി​ക്കാ​ൻ ചു​മ​ത​ല​പ്പെ​ട്ട​വ​ർ ഒ​ഴി​ഞ്ഞു​മാ​റു​ക​യാ​ണെ​ന്ന പ​രാ​തി​യെ​ക്കു​റി​ച്ച് അ​ന്വേ​ഷി​ക്കാ​ൻ മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വി​ട്ടു. തീ​ര​ദേ​ശ പൊ​ലീ​സ് അ​ഡീ​ഷ​ന​ൽ ഡി.​ജി.​പി​യും തു​റ​മു​ഖ വ​കു​പ്പ് ഡ​യ​റ​ക്ട​റും മൂ​ന്ന് ആ​ഴ്ച​ക്ക​കം വി​ശ​ദീ​ക​ര​ണം സ​മ​ർ​പ്പി​ക്ക​ണ​മെ​ന്ന് ക​മീ​ഷ​ൻ ആ​ക്ടി​ങ് ചെ​യ​ർ​പേ​ഴ്സ​നും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു. ഫെ​ബ്രു​വ​രി​യി​ൽ കോ​ഴി​ക്കോ​ട്ട് ന​ട​ക്കു​ന്ന സി​റ്റി​ങ്ങി​ൽ കേ​സ് പ​രി​ഗ​ണി​ക്കും.

ന​ന്തി​വ​ള​യി​ൽ ക​ട​പ്പു​റ​ത്തു​നി​ന്ന് ക​ട​ലി​ൽ പോ​യി അ​പ​ക​ട​ത്തി​ൽ​പ്പെ​ട്ട​വ​രെ ര​ക്ഷി​ക്കാ​ൻ തീ​ര​ദേ​ശ പൊ​ലീ​സും കോ​സ്റ്റ് ഗാ​ർ​ഡും ശ്ര​മി​ക്കാ​ത്ത പ​ശ്ചാ​ത്ത​ല​ത്തി​ലാ​ണ് ക​മീ​ഷ​ൻ ഇ​ട​പെ​ട്ട​ത്. അ​ബ്ദു​റ​സാ​ഖും ത​ട്ടാ​ൻ​ക​ണ്ടി അ​ഷ്റ​ഫും ക​ട​ലി​ൽ പോ​യെ​ങ്കി​ലും അ​പ്ര​തീ​ക്ഷി​ത മി​ന്ന​ലേ​റ്റ് ര​ണ്ടു​പേ​രും വ​ള്ള​ത്തി​ൽ​നി​ന്നു തെ​റി​ച്ചു വീ​ണു. വ​ള്ളം ഒ​ഴു​കി​പ്പോ​യി. അ​പ​ക​ട​ത്തി​ൽ അ​ബ്ദു​റ​സാ​ഖ് മ​രി​ച്ചു. അ​ഷ്റ​ഫ് നീ​ന്തി ര​ക്ഷ​പ്പെ​ട്ടു. കൊ​യി​ലാ​ണ്ടി പൊ​ലീ​സ് സ്റ്റേ​ഷ​നി​ൽ വി​വ​രം അ​റി​യി​ച്ചെ​ങ്കി​ലും ര​ക്ഷാ​പ്ര​വ​ർ​ത്ത​ന​ത്തി​നെ​ത്തി​യി​ല്ലെ​ന്നാ​ണ് പ​രാ​തി. വ​ട​ക​ര തീ​ര​ദേ​ശ സ്റ്റേ​ഷ​നി​ലേ​ക്ക് വി​ളി​ച്ച​പ്പോ​ൾ ബോ​ട്ട് കേ​ടാ​ണെ​ന്നാ​യി​രു​ന്നു മ​റു​പ​ടി. ബേ​പ്പൂ​ർ തീ​ര​ദേ​ശ സ്റ്റേ​ഷ​നി​ൽ വി​ളി​ച്ച​പ്പോ​ൾ സം​ഭ​വം ന​ട​ന്ന​ത് ത​ങ്ങ​ളു​ടെ പ​രി​ധി​യി​ല​ല്ലെ​ന്ന് പ​റ​ഞ്ഞു.

മ​റൈ​ൻ എ​ൻ​ഫോ​ഴ്സ്മെ​ന്റ് എ​ത്തി​യെ​ങ്കി​ലും അ​വ​രു​ടെ കൈ​യി​ൽ ര​ക്ഷാ​പ്ര​വ​ർ​ത്ത​ന​ത്തി​നു​ള്ള ഉ​പ​ക​ര​ണ​ങ്ങ​ളു​ണ്ടാ​യി​രു​ന്നി​ല്ല. തു​ട​ർ​ന്ന് നാ​ട്ടു​കാ​ർ കൊ​യി​ലാ​ണ്ടി ദേ​ശീ​യ​പാ​ത ഉ​പ​രോ​ധി​ച്ചു. ത​ഹ​സി​ൽ​ദാ​ർ ച​ർ​ച്ച ന​ട​ത്തി തി​ര​ച്ചി​ൽ ന​ട​ത്താ​മെ​ന്ന ഉ​റ​പ്പി​ലാ​ണ് സ​മ​രം പി​ൻ​വ​ലി​ച്ച​ത്. എ​ന്നി​ട്ടും മ​ത്സ്യ​ത്തൊ​ഴി​ലാ​ളി​ക​ൾ​ത​ന്നെ​യാ​ണ് തി​ര​ച്ചി​ൽ ന​ട​ത്തി അ​ബ്ദു​റ​സാ​ഖി​ന്റെ മൃ​ത​ദേ​ഹം ക​ണ്ടെ​ത്തി​യ​ത്. സ്വ​മേ​ധ​യാ ര​ജി​സ്റ്റ​ർ ചെ​യ്ത കേ​സി​ലാ​ണ് ക​മീ​ഷ​ൻ ന​ട​പ​ടി.