എലത്തൂർ ഹിന്ദുസ്ഥാൻ പെട്രോളിയം ഡിപ്പോ; ആശങ്കയിൽ പ്രദേശവാസികൾ

കോ​ഴി​ക്കോ​ട്: ട്രെ​യി​ൻ തീ​വെ​പ്പ് ആ​ക്ര​മ​ണ​ത്തോ​ടെ എ​ല​ത്തൂ​ർ ഹി​ന്ദു​സ്ഥാ​ൻ പെ​ട്രോ​ളി​യം ക​മ്പ​നി പ​രി​സ​ര​വാ​സി​ക​ൾ ആ​ശ​ങ്ക​യി​ൽ. അ​ഞ്ചു ജി​ല്ല​ക​ളി​ലേ​ക്ക് ഇ​ന്ധ​നം വി​ത​ര​ണം​ചെ​യ്യു​ന്ന ഹി​ന്ദു​സ്ഥാ​ൻ പെ​ട്രോ​ളി​യം കോ​ർ​പ​റേ​ഷ​ൻ ഡി​പ്പോ​യു​ടെ സു​ര​ക്ഷ​യാ​ണ് ആ​ശ​ങ്ക​പ്പെ​ടു​ത്തു​ന്ന​ത്.

ഒ​ന്ന​ര​മാ​സം മു​മ്പ് എ​ല​ത്തൂ​ർ റെ​യി​ൽ​വേ സ്റ്റേ​ഷ​ൻ വ​ള​പ്പി​ൽ തീ​പി​ടി​ത്ത​മു​ണ്ടാ​യ​ത് ആ​ശ​ങ്ക​യേ​റ്റു​ന്നു. ജ​ന​വാ​സ​കേ​ന്ദ്ര​ത്തി​ൽ​നി​ന്ന് ഹി​ന്ദു​സ്ഥാ​ൻ പെ​ട്രോ​ളി​യം ക​മ്പ​നി മാ​റ്റി​സ്ഥാ​പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി സ​മ​രം എ​ല​ത്തൂ​ർ ജ​ന​കീ​യ സം​ര​ക്ഷ​ണ കൂ​ട്ടാ​യ്മ ന​ട​ത്തി​യ​ത് സു​ര​ക്ഷ പ​ശ്ചാ​ത്ത​ല​ത്തി​ലാ​യി​രു​ന്നു.

വാ​ഗ​ണു​ക​ളി​ലെ​ത്തി​ക്കു​ന്ന ഇ​ന്ധ​നം സം​ഭ​ര​ണി​യി​ലേ​ക്ക് മാ​റ്റു​മ്പോ​ൾ പു​റ​ത്തേ​ക്ക് ഉ​റ്റി​വീ​ഴു​ന്ന​താ​യാ​ണ് നാ​ട്ടു​കാ​രു​ടെ പ​രാ​തി. ഒ​ലി​ച്ചി​റ​ങ്ങു​ന്ന ഇ​ന്ധ​ന​ത്തി​ലേ​ക്ക് തീ​പ​ട​ർ​ന്നാ​ൽ ദു​ര​ന്ത​മു​റ​പ്പാ​ണ്. ആ​റു മീ​റ്റ​റി​ലേ​റെ താ​ഴ്ച​യു​ള്ള ഭൂ​ഗ​ർ​ഭ സം​ഭ​ര​ണി​ക​ളും മ​റ്റു ര​ണ്ടു സം​ഭ​ര​ണി​ക​ളു​മാ​ണ് ഡി​പ്പോ​യി​ലു​ള്ള​ത്. ദേ​ശീ​യ​പാ​ത​ക്കും ​പാ​ള​ത്തി​നു​മി​ട​യി​ലാ​യി 75 മീ​റ്റ​റോ​ളം വീ​തി​യി​ലാ​ണ് ഡി​പ്പോ. സു​ര​ക്ഷാ​പ്ര​ശ്ന​ങ്ങ​ളൊ​ന്നും നി​ല​വി​ലി​ല്ലെ​ന്ന് ഡി​പ്പോ അ​ധി​കൃ​ത​ർ പ​റ​യു​ന്നു.

ക​മ്പ​നി ഇ​വി​ടെ​നി​ന്ന് മാ​റ്റി​സ്ഥാ​പി​ക്കാ​മെ​ന്ന് ജ​ന​ങ്ങ​ൾ​ക്ക് കൊ​ടു​ത്ത വാ​ക്കു പാ​ലി​ക്ക​ണ​മെ​ന്നാ​വ​ശ്യ​പ്പെ​ട്ട് നി​ര​വ​ധി പ​രാ​തി​ക​ൾ കോ​ഴി​ക്കോ​ട് കോ​ർ​പ​റേ​ഷ​ൻ സെ​ക്ര​ട്ട​റി, മു​ഖ്യ​മ​ന്ത്രി, പ്ര​ധാ​ന​മ​ന്ത്രി, ജി​ല്ല ക​ല​ക്ട​ർ എ​ന്നി​വ​ർ​ക്ക് കൊ​ടു​ത്തി​ട്ടു​ണ്ട്. ഇ​തു​സം​ബ​ന്ധി​ച്ച് ജി​ല്ല കോ​ട​തി​യി​ൽ ജ​ന​കീ​യ സം​ര​ക്ഷ​ണ കൂ​ട്ടാ​യ്മ കേ​സ് ന​ട​ത്തു​ന്നു​മു​ണ്ട്. ക​മ്പ​നി മാ​റ്റി​സ്ഥാ​പി​ക്കാ​ത്ത​പ​ക്ഷം എ​ല​ത്തൂ​ർ ജ​ന​കീ​യ സം​ര​ക്ഷ​ണ കൂ​ട്ടാ​യ്മ വി​പു​ല​മാ​യ സ​മ​രം ന​ട​ത്തു​മെ​ന്ന് വൈ​സ് പ്ര​സി​ഡ​ന്റ് ദി​ലീ​പ് എ​ല​ത്തൂ​ർ പ​റ​ഞ്ഞു.