ട്രോളിങ് നിരോധനം അവസാനിക്കുന്നു; കടലിലേക്ക് കുതിക്കാൻ ഒരുക്കമാകുന്നു

ബേ​പ്പൂ​ർ: ട്രോ​ളി​ങ് നി​രോ​ധ​നം തീ​രാ​റാ​യ​തോ​ടെ ബേ​പ്പൂ​ർ ഫി​ഷി​ങ് ഹാ​ർ​ബ​റി​ൽ ബോ​ട്ടു​ക​ൾ ക​ട​ലി​ലേ​ക്ക് കു​തി​ക്കാ​ൻ ഒ​രു​ക്ക​മാ​യി. സം​സ്ഥാ​ന​സ​ർ​ക്കാ​ർ പ്ര​ഖ്യാ​പി​ച്ച യ​ന്ത്ര​വ​ത്കൃ​ത മ​ത്സ്യ​ബ​ന്ധ​ന ബോ​ട്ടു​ക​ളു​ടെ 52 ദി​വ​സ​ത്തെ നി​രോ​ധ​നം ജൂ​ലൈ 31 അ​ർ​ധ​രാ​ത്രി​യോ​ടെ അ​വ​സാ​നി​ക്കും.

അ​ഞ്ഞൂ​റി​ല​ധി​കം ബോ​ട്ടു​ക​ൾ ബേ​പ്പൂ​ർ കേ​ന്ദ്രീ​ക​രി​ച്ച് മ​ത്സ്യ​ബ​ന്ധ​നം ന​ട​ത്താ​റു​ണ്ട്. ക​ട​ലി​ൽ പോ​കു​ന്ന​തി​നാ​വ​ശ്യ​മാ​യ ഡീ​സ​ൽ, ഐ​സ്, കു​ടി​വെ​ള്ളം എ​ന്നി​വ ബോ​ട്ടു​ക​ളി​ൽ നി​റ​ക്കു​ന്ന​തി​ന് അ​ധി​കൃ​ത​രി​ൽ​നി​ന്ന് അ​നു​മ​തി ല​ഭി​ച്ച​തോ​ടെ ബു​ധ​നാ​ഴ്ച മു​ത​ൽ തു​റ​മു​ഖ​ത്തെ പ്ര​വ​ർ​ത്ത​ന​ങ്ങ​ൾ സ​ജീ​വ​മാ​യി. അ​റ്റ​കു​റ്റ​പ്പ​ണി​ക​ൾ പൂ​ർ​ത്തി​യാ​ക്കി ര​ജി​സ്ട്രേ​ഷ​ൻ, ലൈ​സ​ൻ​സ് തു​ട​ങ്ങി​യ നി​യ​മ​ന​ട​പ​ടി​ക​ളും പൂ​ർ​ത്തി​യാ​ക്കി മീ​ൻ​പി​ടി​ത്ത​ത്തി​ന് പോ​കാ​നു​ള്ള ത​യാ​റെ​ടു​പ്പു​ക​ൾ പൂ​ർ​ത്തി​യാ​യി​ക്ക​ഴി​ഞ്ഞു.

5000 ലി​റ്റ​ർ ഡീ​സ​ലും 400 ബ്ലോ​ക്ക് ഐ​സും 5000 ലി​റ്റ​റോ​ളം കു​ടി​വെ​ള്ള​വും ഭ​ക്ഷ​ണ​സാ​ധ​ന​ങ്ങ​ളും പ​ച്ച​ക്ക​റി​ക​ളും സം​ഭ​രി​ച്ചാ​ണ് ക​ട​ലി​ൽ പോ​കു​ന്ന​ത്. ട്രോ​ളി​ങ് നി​രോ​ധ​ന​സ​മ​യ​ത്ത് ബോ​ട്ടു​ക​ളി​ൽ​നി​ന്ന് സു​ര​ക്ഷി​ത​കേ​ന്ദ്ര​ങ്ങ​ളി​ലേ​ക്ക് മാ​റ്റി​വെ​ച്ച വ​ല​ക​ൾ, വ​യ​ർ​ലെ​സ് സെ​റ്റ്, ജി.​പി.​എ​സ്, ഇ​ക്കോ സി​സ്റ്റം, വാ​ക്കി​ടോ​ക്കി തു​ട​ങ്ങി​യ ഇ​ല​ക്ട്രോ​ണി​ക്സ് ഉ​പ​ക​ര​ണ​ങ്ങ​ളും അ​നു​ബ​ന്ധ സാ​മ​ഗ്രി​ക​ളും ബോ​ട്ടു​ക​ളി​ൽ സ്ഥാ​പി​ക്കു​ന്ന തി​ര​ക്കി​ലാ​ണ് തൊ​ഴി​ലാ​ളി​ക​ൾ.

ഒ​രു ബോ​ട്ടി​ൽ ഡീ​സ​ലും ഐ​സും വെ​ള്ള​വും നി​റ​ക്കാ​ൻ മൂ​ന്നു മ​ണി​ക്കൂ​റി​ൽ കൂ​ടു​ത​ൽ സ​മ​യം വേ​ണ്ടി​വ​രും. സ്ഥ​ല​പ​രി​മി​തി​യി​ൽ വീ​ർ​പ്പു​മു​ട്ടു​ന്ന ബേ​പ്പൂ​ർ ഹാ​ർ​ബ​റി​ൽ ഒ​രേ​സ​മ​യം ഏ​താ​നും ബോ​ട്ടു​ക​ൾ​ക്ക് മാ​ത്ര​മേ അ​വ​ശ്യ​വ​സ്തു​ക്ക​ൾ നി​റ​ക്കാ​ൻ സാ​ധി​ക്കൂ.

തു​റ​മു​ഖ​ത്ത് ഡീ​സ​ൽ പ​മ്പു​ക​ൾ തു​റ​ന്നു​പ്ര​വ​ർ​ത്തി​ക്കാ​ൻ അ​നു​മ​തി ല​ഭി​ച്ച​തോ​ടെ ക​ക്കാ​ട​ത്ത്, ക​രു​വ​ൻ​തി​രു​ത്തി തു​ട​ങ്ങി​യ ഭാ​ഗ​ങ്ങ​ളി​ൽ കെ​ട്ടി​യി​ട്ടി​രു​ന്ന ബോ​ട്ടു​ക​ൾ ഹാ​ർ​ബ​റി​ലേ​ക്ക് മു​ൻ​ഗ​ണ​നാ​ക്ര​മം പാ​ലി​ച്ച് എ​ത്തി​ത്തു​ട​ങ്ങി. കാ​ലാ​വ​സ്ഥ ക​ടു​ത്ത പ്ര​തി​കൂ​ല​മാ​യ​തി​നാ​ൽ ഇ​ന്ധ​ന​ങ്ങ​ളും മ​റ്റ് അ​വ​ശ്യ​വ​സ്തു​ക്ക​ളും നി​റ​ച്ച ബോ​ട്ടു​ക​ൾ സു​ര​ക്ഷി​ത​മാ​യി നി​ർ​ത്തി​യി​ടാ​ൻ സൗ​ക​ര്യ​മി​ല്ലാ​ത്ത​തി​ൽ ക​ടു​ത്ത ആ​ശ​ങ്ക​യി​ലാ​ണ് തൊ​ഴി​ലാ​ളി​ക​ൾ.