പ്രായത്തിന് ചെക്ക് പറഞ്ഞ് ചെക്കൂട്ട്യാട്ടൻ

ബാ​ലു​ശ്ശേ​രി: 105ലെ​ത്തി​യ ചെ​ക്കൂ​ട്ട്യാ​ട്ട​ൻ പ​റ​യു​ന്നു വീ​ട്ടി​ൽ വോ​ട്ട് വേ​ണ്ട, ബൂ​ത്തി​ൽ പോ​യി ഇ​ത്ത​വ​ണ​യും വോ​ട്ടു​ചെ​യ്യു​മെ​ന്ന്. 85നു ​മു​ക​ളി​ൽ പ്രാ​യ​മു​ള്ള​വ​ർ​ക്കു വീ​ട്ടി​ൽ നി​ന്നും വോ​ട്ടു ചെ​യ്യാ​ൻ അ​വ​സ​രം ന​ൽ​കു​ന്ന ഹോം ​വോ​ട്ടി​ന്‍റെ സൗ​ക​ര്യം സ്നേ​ഹ​പൂ​ർ​വം നി​ര​സി​ച്ചി​രി​ക്കു​ക​യാ​ണ് മ​ണ്ണാം​പൊ​യി​ൽ അ​രി​പ്പു​റം മു​ക്കി​ലെ മ​ണ്ണാ​ന്‍റെ പി​ണ​ങ്ങോ​ട്ട് ചെ​ക്കു​ട്ടി​യെ​ന്ന നാ​ട്ടു​കാ​രു​ടെ ചെ​ക്കൂ​ട്ട്യാ​ട്ട​ൻ.

ക​ഴി​ഞ്ഞ മൂ​ന്നു നാ​ല് ത​വ​ണ​യാ​യി മ​ക​നോ​ടൊ​പ്പം പോ​യി ഓ​പ​ൺ വോ​ട്ടാ​ണെ​ങ്കി​ലും ബൂ​ത്തി​ൽ പോ​യി ആ ​തി​ര​ക്കി​നി​ട​യി​ൽ വോ​ട്ടു ചെ​യ്തു വ​രു​ന്ന​ത് ഒ​രാ​ത്മ സം​തൃ​പ്തി​യാ​ണെ​ന്നാ​ണ് ചെ​ക്കൂ​ട്ട്യാ​ട്ട​ൻ പ​റ​യു​ന്ന​ത്. മ​ണ്ണാം​പൊ​യി​ൽ ജി.​എ​ൽ.​പി സ്കൂ​ളി​ലാ​ണ് ഇ​ത്ത​വ​ണ​യും ബൂ​ത്ത്.

വ​യ​സ്സ് 105 പി​ന്നി​ട്ടി​ട്ടും ചെ​ക്കൂ​ട്ട്യാ​ട്ട​ന് രാ​ഷ്ട്രീ​യ​വും കൃ​ഷി​യു​മാ​ണ് ഇ​ഷ്ട വി​ഷ​യ​ങ്ങ​ൾ. ഇ​പ്പോ​ഴും ക​ണ്ണ​ട​യി​ല്ലാ​തെ പ​ത്രം അ​രി​ച്ചു പെ​റു​ക്കു​ന്ന ചെ​കൂ​ട്ട്യാ​ട്ട​ന് തെ​ര​ഞ്ഞെ​ടു​പ്പി​ലെ സ്ഥാ​നാ​ർ​ഥി​ക​ളെ​പ്പ​റ്റി​യും ഇ​ട​തു-​വ​ല​ത് മു​ന്ന​ണി​ക​ളെ​പ്പ​റ്റി​യും ന​ല്ല ബോ​ധ​മാ​ണ്. തെ​ര​ഞ്ഞെ​ടു​പ്പ് അ​ടു​ത്താ​ൽ പ്ര​ത്യേ​ക ആ​വേ​ശം ത​ന്നെ​യാ​ണ് ഈ ​ക​മ്യൂ​ണി​സ്റ്റു​കാ​ര​ന്.

ത​ന്‍റെ 16ാം വ​യ​സ്സി​ൽ തു​ട​ങ്ങി​യ ക​മ്യൂ​ണി​സ്റ്റ് പ്രേ​മം ഇ​പ്പോ​ഴും തെ​ല്ലും കു​റ​വി​ല്ലാ​തെ ആ​വേ​ശ​ത്തോ​ടെ ത​ന്നെ​യാ​ണ് കൊ​ണ്ടു​ന​ട​ക്കു​ന്ന​ത്. ഇ.​എം.​എ​സും എ.​കെ.​ജി​യും നാ​യ​നാ​രു​മൊ​ക്കെ ചെ​ക്കൂ​ട്ട്യാ​ട്ട​ന്‍റെ ആ​രാ​ധ​ന പാ​ത്ര​ങ്ങ​ളാ​ണ്.

ക​മ്യൂ​ണി​സ്റ്റ് പാ​ർ​ട്ടി​യെ നി​രോ​ധി​ച്ച കാ​ല​ത്ത് ന​ന്മ​ണ്ട​യി​ലെ കു​ഞ്ഞി​രാ​മ​ൻ മാ​സ്റ്റ​റു​ടെ മൂ​ന്നാം പി​ലാ​ക്കു​ൽ വീ​ട്ടി​ൽ ഒ​ളി​വി​ൽ താ​മ​സി​ച്ചി​രു​ന്ന എ.​കെ.​ജി​ക്കും ഇ.​എം.​എ​സി​നും ഭ​ക്ഷ​ണ​വും വെ​ള്ള​വും എ​ത്തി​ച്ചു​കൊ​ടു​ക്കു​ന്ന സ​ഹാ​യി​യാ​യി പ്ര​വ​ർ​ത്തി​ച്ച ചെ​ക്കൂ​ട്ട്യാ​ട്ട​ന് പ​ഴ​യ​കാ​ല ഓ​ർ​മ​ക​ൾ ഇ​ന്നും ആ​വേ​ശം പ​ക​രു​ന്ന​താ​ണ്.

ഇ.​എം.​എ​സ് ത​ല​യി​ൽ മു​ണ്ട് കെ​ട്ടി വേ​ഷം മാ​റി കൊ​യി​ലാ​ണ്ടി താ​ലൂ​ക്കി​ലെ പ്ര​ദേ​ശ​ങ്ങ​ളി​ലൂ​ടെ സ​ഞ്ച​രി​ച്ച​പ്പോ​ൾ അ​ദ്ദേ​ഹ​ത്തി​ന്‍റെ സു​ര​ക്ഷ​ക്കാ​യി അ​തേ വേ​ഷ​ത്തി​ൽ കൂ​ടെ സ​ഞ്ച​രി​ച്ച​ത് ചെ​ക്കൂ​ട്ട്യാ​ട്ട​നാ​യി​രു​ന്നു. ക​ർ​ഷ​ക സ​മ​ര​ങ്ങ​ളു​ടെ ഭാ​ഗ​മാ​യി പൊ​ലീ​സ് മ​ർ​ദ​ന​വും ജ​യി​ൽ​വാ​സ​വും അ​നു​ഭ​വി​ച്ചി​ട്ടു​ണ്ട്.

കൂ​ത്താ​ളി, ജീ​ര​ക​പ്പാ​റ, എ​ര​മം​ഗ​ലം, എ​ഴു​ക​ണ്ടി, മി​ച്ച​ഭൂ​മി സ​മ​ര​ങ്ങ​ളി​ൽ സ​ജീ​വ​മാ​യി പ​ങ്കെ​ടു​ത്ത ചെ​ക്കൂ​ട്ട്യാ​ട്ട​ൻ സ്വാ​ത​ന്ത്ര്യ സ​മ​ര​കാ​ല​ത്തെ ക​ള്ളു​ഷാ​പ്പ് ഉ​പ​രോ​ധ സ​മ​ര​ത്തി​ലും പ​ങ്കാ​ളി​യാ​ണ്. 1940ൽ ​ന​ട​ന്ന ബാ​ലു​ശ്ശേ​രി പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ൽ ക​മ്യൂ​ണി​സ്റ്റ്കാ​ര​നാ​യി മ​ത്സ​രി​ച്ചെ​ങ്കി​ലും തോ​ൽ​ക്കു​ക​യാ​യി​രു​ന്നു.

പി​ന്നീ​ട് 1953ലും 1963​ലും ഇ​തേ ലേ​ബ​ലി​ൽ മ​ത്സ​രി​ച്ചെ​ങ്കി​ലും തോ​റ്റു. 1979ൽ ​ന​ട​ന്ന പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ൽ ക​മ്യൂ​ണി​സ്റ്റ് സ്ഥാ​നാ​ർ​ഥി​യാ​യി 382 വോ​ട്ടി​നു വി​ജ​യി​ച്ച് ബാ​ലു​ശ്ശേ​രി പ​ഞ്ചാ​യ​ത്തം​ഗ​മാ​യും പ്ര​വ​ർ​ത്തി​ച്ചു. ഇ​ക്കാ​ല​യ​ള​വി​ൽ മ​ണ്ണാം​പൊ​യി​ൽ, പ​നാ​യി പ്ര​ദേ​ശ​ങ്ങ​ളി​ൽ ഒ​ട്ടേ​റെ വി​ക​സ​ന പ്ര​വ​ർ​ത്ത​ന​ങ്ങ​ളും ന​ട​ത്തി​യി​ട്ടു​ണ്ട്.

കൃ​ഷി​ക്ക് മു​ഖ്യ പ്രാ​ധാ​ന്യം കൊ​ടു​ത്തു​കൊ​ണ്ടാ​ണ് പി​ന്നീ​ട് ചെ​ക്കൂ​ട്ട്യാ​ട്ട​ൻ ജീ​വി​തം ന​യി​ച്ച​ത്. ശു​ദ്ധ​മാ​യ ജീ​വി​ത​വും ചി​ന്ത​യും പു​ല​ർ​ത്തു​ന്ന ചെ​ക്കൂ​ട്ട്യാ​ട്ട​ൻ പ​റ​യു​ന്ന​ത് വ​ർ​ഗീ​യ​ത​യും വി​ഭാ​ഗീ​യ​ത​യും വ​ള​ർ​ത്തു​ന്ന രാ​ഷ്ട്രീ​യം ന​ല്ല രാ​ഷ്ട്രം കെ​ട്ടി​പ്പ​ടു​ക്കാ​ൻ ഒ​രി​ക്ക​ലും സ​ഹാ​യ​ക​മാ​കി​ല്ല എ​ന്നാ​ണ്.