ജീവൻരക്ഷ മരുന്നുകളുടെ വിലവർധനക്കെതിരെ പ്രതിഷേധം

കൊടുവള്ളി: 850ലധികം ജീവൻരക്ഷ മരുന്നുകളുടെ വിലവർധനക്കെതിരെ എ.ഐ.വൈ.എഫ് കൊടുവള്ളി മണ്ഡലം കമ്മിറ്റി പ്രതിഷേധം സംഘടിപ്പിച്ചു. ഇന്ധനം, പാചകവാതകം, അവശ്യമരുന്നുകൾ തുടങ്ങി സർവ മേഖലയിലുമുള്ള വിലവർധന പിടിച്ചുനിർത്താൻ കഴിയാത്ത കേന്ദ്ര സർക്കാർ നയങ്ങൾ തിരുത്തണമെന്ന് പ്രതിഷേധക്കാർ ആവശ്യപ്പെട്ടു. സി.പി.ഐ കൊടുവള്ളി മണ്ഡലം അസി. സെക്രട്ടറി പി.ടി.സി. ഗഫൂർ ഉദ്ഘാടനം ചെയ്തു. മണ്ഡലം സെക്രട്ടറി കെ.വി. റാഷിദ് അധ്യക്ഷത വഹിച്ചു. സജേഷ്, വജീഹുദ്ദീൻ, എം.കെ. സനോജ്, എം.കെ. റഷീദ്, റൈൻസ്ലാൽ വട്ടപ്പാരപൊയിൽ തുടങ്ങിയവർ സംസാരിച്ചു.