Begin typing your search above and press return to search.
exit_to_app
exit_to_app
Posted On
date_range 16 Aug 2022 6:46 PM GMT Updated On
date_range 16 Aug 2022 6:46 PM GMTബൈക്കുകൾ കൂട്ടിയിടിച്ച് യുവാക്കൾ മരിച്ചു
text_fieldsbookmark_border
കണ്ണൂർ: ചൊവ്വ ബൈപാസിലെ ചാലക്കുന്നിൽ ബൈക്കുകൾ കൂട്ടിയിടിച്ച് രണ്ടുപേർ മരിച്ചു. ഇരിട്ടി കീഴ്പ്പള്ളി വിയറ്റ്നാമിലെ ഇല്ലിക്കൽ ഹാരീസ് (46), കണ്ണൂർ തോട്ടട എസ്.എൻ കോളജിന്റെ സമീപമുള്ള ക്വാർട്ടേഴ്സിൽ താമസിക്കുന്ന അദ്വൈത് (19) എന്നിവരാണ് മരിച്ചത്. തിങ്കളാഴ്ച വൈകീട്ട് നാലോടെയാണ് സംഭവം. ചാല ഭാഗത്ത് നിന്ന് കണ്ണൂരിലേക്ക് വരുകയായിരുന്ന ഹാരിസിന്റെ ബൈക്കും താഴെചൊവ്വ ഭാഗത്ത് നിന്ന് വന്ന അദ്വൈതിന്റെ ബൈക്കും കൂട്ടിയിടിക്കുകയായിരുന്നു. റോഡിലേക്ക് തെറിച്ചുവീണ് ഗുരുതര പരിക്കേറ്റ ഇരുവരെയും ചാലയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. ഇരിട്ടിക്കടുത്ത് മാടത്തിലെ തട്ടുകടയിലെ തൊഴിലാളിയാണ് ഹാരീസ്. കണ്ണൂരിലെ സ്വകാര്യാശുപത്രിയിൽ ഡോക്ടറെ കണ്ടു മടങ്ങവെയാണ് മരണം. കീഴ്പ്പള്ളി വിയറ്റ്നാമിലെ പരേതനായ ഇല്ലിക്കൽ ആലിയുടെയും ആസിയയുടെയും മകനാണ്. ഏറെ കാലമായി മാടത്തിയിലെ വാടക വീട്ടിലാണ് താമസം. ഭാര്യ: ആരിഫ. മക്കൾ: അയൂബ്, ആശിറ. മരുമകൻ: ഷെഫീർ (അടക്കാത്തോട്). സഹോദരങ്ങൾ: ഫൈസൽ, ഉബൈദ്. കോയമ്പത്തൂരിൽ ബിടെക് വിദ്യാർഥിയായ അദ്വൈത് കോളജിലേക്ക് കൊണ്ടുപോകാനുള്ള സാധനങ്ങൾ വാങ്ങി കണ്ണൂരിൽനിന്ന് വീട്ടിലേക്ക് വരുകയായിരുന്നു. ചീമേനി സ്വദേശിയും ന്യൂമാഹി പൊലീസ് സ്റ്റേഷനിലെ എസ്.ഐയുമായ അനിലിന്റെയും കാഞ്ഞിരോട് വില്ലേജ് ഓഫിസർ സോനയുടെയും മകനാണ്. photo: obit adwaith knr obit haris knr
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story